Jueces 3:3 - CHUYA QELLQA La Biblia en Quechua de Ayacucho 2012

³ Filisteamanta pichqa kamachikuqkunata, cananeokunata, sidoniokunata chaynataq Líbano orqopi yachaq heveokunatapas Baal-hermón orqomanta qallarispa Hamat lawman yaykuna qasakama.

Quechua Ayacucho Bible 1987

³ Filistea casta runakunamantam puchuchirqa pichqa kamachikuqkunata, puchuchirqataqmi Canaan casta llapallan runakunatapas, Sidon llaqtayoq runakunatapas chaynataq Baal-hermon Orqomanta qallarispa Hamat lawman yaykuna qasakama otaq Libano Orqopi *f**yachaq Hiv casta runakunatapas.

Chuya Qellqa 1992

³ Filisteamanta pichqa kamachikuqkunata, cananeokunata, sidoniokunata chaynataq Líbano orqopi yachaq heveokunatapas Baal-hermón orqomanta qallarispa Hamat lawman yaykuna qasakama.

Jueces 3:3 Iomraidhean Croise

Génesis 49:13

Zabulonmi lamar qochapa patanpi yachanqa, chaypim barcokunapa sayanan kanqa; linderonñataqmi Sidón llaqtakama chayanqa.

2~Samuel 24:7

Chaymantam Tiro llaqtapa cerconkunakama, Hev lawkama chaynataq Canaán lawkama rirqaku, hinaspam Neguev lawpi Judá ayllukunapa allpanpi Beerseba llaqtakama chayarurqaku.

1~Reyes 8:65

Chay punchawpim rey Salomón llapallan Israelpa mirayninkunawan Tayta Diospa qayllanpi qanchis punchawpuni hatun fiestata ruwarqaku, hinaspam qanchis punchawtawanraq ruwarqaku. Chaynapim chunka tawayuq punchaw hatun fiestata ruwarqaku. Chaypaqmi Israelpa mirayninkuna hamurqaku Hamat llaqtaman yaykuna qasamanta qallaykuspa Egipto wayqokama.

1~Reyes 9:20

Amorreokunapa, heteokunapa, ferezeokunapa, heveokunapa chaynataq jebuseokunapa puchuq mirayninkutam (chay runakunaqa manam Israelpa mirayninchu karqaku,

Ezequiel 47:20

Intipa seqaykunan lawpi linderonñataqmi Egipto nacionwan tupanakuqpi qallarispa Mediterráneo lamar qochapa patanta Hamat llaqtapa patankama chayanqa.

Números 13:29

Neguev lawpim amalecitakuna yachasqaku, orqo lawpiñataqmi heteokuna, Jebuseokuna hinaspa amorreokuna; lamar qochapa hichpanpiñataqmi cananeokuna, hina paykunataqmi Jordán mayu lawpipas yachasqaku, nispanku.

Números 34:8

Hor orqomantañataqmi Hamat lawman yaykunakama rispan Zedad llaqtakama chayanqa.

Deuteronomio 1:7

Chaynaqa, muyurispa riychik amorreokunapa yachanan orqokunaman, Arabá lawkunaman, orqokunaman, qechwakunaman, Neguev lawman, lamar qocha lawman, cananeokunapa yachanan lawman, Líbano lawman hinaspa Eufrates hatun mayuman chayanaykichikkama.

Deuteronomio 3:9

(Sidoniokunam Hermón orqota Sirión orqowan suticharqaku, amorreokunañataqmi Senir orqowan).

Josué 11:19

Manam karqachu Israelpa mirayninkunawan hawkalla kanankupaq contrato ruwaq llaqtaqa, aswanqa Gabaón llaqtapi yachaq Hev castakunallam. Llapallan chay llaqtakunatam guerrapi peleaspa vencerurqaku.

Josué 11:3

hinaspa intipa qespimunan hinaspa seqaykunan lawpi kaq cananeokunamanpas. Paykunam karqaku amorreokuna, heteokuna, ferezeokuna, orqokunapi kaq jebuseokuna chaynataq Hermón orqopa waqtan Mizpa lawpi kaq heveokuna.

Josué 13:3

Egipto nacionpa inti qespimunan lawninpi Sihor mayumanta qallarispa norte lawpi Ecrón llaqtapa patankama. Chaykunaqa cananeokunapa allpankunam. Chaypim kachkan filisteokunapa pichqa kamachiqninkuna: Gaza llaqtapa, Asdod llaqtapa, Ascalón llaqtapa, Gat llaqtapa hinaspa Ecrón llaqtapa kamachiqninkuna; chaypitaqmi kachkan aveokunapa allpanpas,

Josué 13:5

Puchuchkanraqmi giblitakunapa allpanpas chaynataq intipa qespimunan lawpi Líbano orqopi allpakunapas, Hermón orqopa patanpi kaq Baal-gadmanta qallarispa Hamatpa hichpankama.

Josué 19:28

Paykunapa allpankupim kay llaqtakuna tarikurqa: Abdón (Hebrón), Rehob, Hamón hinaspa Caná, Sidón hatun llaqtawan tupanakuqkama.

Josué 9:7

Israelpa mirayninkunam ichaqa chay heveokunata nirqaku: Ichapas qamkunaqa hichpallaykupi yachaqkunapas kachkankichik, ¿imaynataq qamkunawan contratota ruwaymanku? nispanku.

Jueces 10:12

sidoniokunapas, amalecitakunapas chaynataq madianitakunapas ñakarichisurqankichikmi. Ñakarichisqa kaspa qayakuwaptikichikmi paykunamanta librarqaykichik.

Jueces 10:7

Chaymi Israel castakunapa contranpi Tayta Dios piñakuspan, filisteokunamanwan amonitakunamanña qoykurqa.

Jueces 14:4

Tayta-mamanqa manam yacharqachu Sansonpa munasqanqa Tayta Diosmanta kasqanta. Tayta Diosqa filisteokunata imaynam castigaruytam maskachkarqa; chay tiempopiqa Filistea castakunam Israel miraykunapi munaychakuchkarqaku.

Jueces 18:7

Chaymantam chay pichqa qarikunaqa Lais llaqtaman pasarqaku. Chay llaqtapi yachaq runakunaqa sidoniokunapa costumbrenman hinam hawkalla yachakuqku, chay allpapiqa mana pipapas imanasqanmi hawka kakuqku, chaypiqa manam pipas munaychakurqachu. Paykunaqa Sidón runakunamanta karupi kasqankuraykum mana piwanpas hukllawakuqkuchu.

Jueces 3:2

Chayraykum Israelpa mirayninkuna guerrapi peleayta yachanankupaq kay nacionkunata Tayta Dios puchuchirqa:

Jueces 4:2

chaymi paykunata cananeokunapa reynin Jabinpa makinman Tayta Dios qoykurqa. Jabinqa Hazor llaqtapim munaychakurqa, Sisarañataqmi tropankunapa kamachiqnin karqa, payqa Haroset-goim llaqtapim yacharqa.

1~Samuel 13:5

Filisteokunapas huñunakururqakum Israel tropakunawan peleanankupaq, kimsa chunka waranqa carretakuna, soqta waranqa silladakuna, chakiwan riq soldadokunañataqmi lamar qocha patanpi aqo hinaña mana yupay atina; hinaspam campamentonkuta sayachirqaku Bet-avenpa intipa qespimunan lawnin Micmas llaqtapi.

1~Samuel 29:2

Filistea soldadokuna tropa-tropa riptinkum, paykunapa qepantañataq Davidqa runankunapiwan rirqa rey Aquiswan kuska.

1~Samuel 6:16

Chayta qawaykuspankum filisteokunapa pichqantin kamachiqninkuna, chay punchawlla Ecrón llaqtaman kutikurqaku.

1~Samuel 6:18

Ukuchaman rikchakuq qori alhajakunañataqmi qosqa karqa filisteokunapa pichqantin kamachiqninkupa rantinpi chaynataq hatun llaqtakunapa, mana murallasqa taksa llaqtachakunapa rantinpipas. Tayta Diospa Arcanta churasqanku hatun rumim Josueypa chakranpi tarikun, Bet-semes llaqtapi, chayqa hinallaraqmi kachkan kunankamapas.

1~Samuel 6:4

Hinaptinmi filisteokunañataq nirqaku: ¿Imatataq huchallikusqaykumanta pagasaqku? nispanku. Chaymi paykunañataq nirqaku: Filisteokunapa pichqa kamachiqninkunaman hina, qoychik tumorman rikchakuq pichqa qori alhajakunata chaynataq qorimanta ruwasqa pichqa ukuchakunatapas, chay onqoyllawan lliwpas ñakarisqaykichikrayku.