Jueces 3:27 - CHUYA QELLQA La Biblia en Quechua de Ayacucho 2012

²⁷ Chayman chayaruspanmi Efraín law orqokunapi trompetata tocaykurqa, hinaptinmi Israelpa mirayninkuna paywan kuska orqomanta uraykamurqaku, Aodñataqmi paykunapa ñawpaqninta rispan

Quechua Ayacucho Bible 1987

²⁷ Chay lawman chayaruspanñataqmi cornetata tocarqa Efrain Orqokunapi hinaptinmi Israelpa mirayninkuna paywan kuska orqomanta uraykamurqaku, Aodñataqmi paykunapa puntanta rispa.

Chuya Qellqa 1992

²⁷ Chayman chayaruspanmi Efraín law orqokunapi trompetata tocaykurqa, hinaptinmi Israelpa mirayninkuna paywan kuska orqomanta uraykamurqaku, Aodñataqmi paykunapa ñawpaqninta rispan

Jueces 3:27 Iomraidhean Croise

2~Samuel 20:22

Chaymantam yuyaysapa kayninman hina chay warmi rirqa llapa runakunawan rimaq. Hinaptinmi paykuna Bicripa churin Sebapa umanta qoruruspanku Joabman wischuykamurqaku. Chaymi cornetata Joab tocachiptin, llapa runakuna llaqtamanta anchurikuspanku wasinkuman sapakama ripukurqaku. Joabñataqmi Jerusalén llaqtaman kutikurqa reywan kananpaq.

2~Reyes 9:13

Hinaptinmi Jehú sarunanpaq llapa capitankuna capankuta gradaskunaman chaylla mastarqaku, chaymantam cornetata tocaspanku qaparirqaku: “Jehuñam reyqa”, nispanku.

Nehemías 4:14

Hinaspaymi mancharisqallaña kasqankuta qawarispay, llapa kamachikuqkunatawan ancha reqsisqa runakunata hinaspa llapa runakunata kaynata nirqani: Ama paykunataqa manchakuychikchu, Diosninchikpa ancha atiyniyuq kasqantayá yuyariychik, chaynaqa aylluykichik, churikichikkuna, warmikichik hinaspa wasikichikrayku peleaychik, nispay.

Josué 17:15

Chaymi paykunata Josué nirqa: Achkallaña kasqaykichikrayku Efraín ayllupa montenkuna mana haypasuptikichikqa, ferezeokunapa refaitakunapa allpanpi montekunatayá kichamuychik, nispa.

Josué 17:18

Aswanqa chay montekunapas qamkunapam kanqa, chaynaqa kichamuspaykichik patankunakama hapikamuychik. Cananeokunataqa fierromanta carretayuqkuna kaptinkupas chaynataq kallpasapa kaptinkupas qarqonkichikmi, nispa.

Jueces 10:1

Abimelecpa qepantam, Israel ayllukunata librananpaq Fuapa churin Tola hatarimurqa, Tolaqa karqa Isacar ayllumanta kaq Dodopa willkanmi. Tolaqa Efraín law orqokunapi tarikuq Samir llaqtapim yacharqa.

Jueces 17:1

Efraín law orqokunapim Micaía yacharqa.

Jueces 19:1

Chay punchawkunapiqa manam Israel nacionpi rey karqaraqchu. Efraín law orqokunamanta karupim Leví ayllumanta kaq runa huklaw llaqtayuq hina yacharqa, paymi Judá lawpi Belén llaqtamanta warmita uywanakuqmasin kananpaq pusamurqa.

Jueces 3:26

Reypa serviqninkuna suyanankukamam Aodqa lluptirurqa, hinaspam Gilgal llaqtapi idolokunapa kasqanta pasaruspan Seirat lawman ayqekurqa.

Jueces 5:14

Efraín ayllumantam Amalec lawpi yachaqkuna hamurqaku, paykunapa qepantam Benjamín ayllukuna hamurqaku. Maquir lawmantam capitankuna hamurqaku, Zabulón ayllumantam kamachikuqkuna hamurqaku.

Jueces 6:34

Hinaptinmi Tayta Diospa Espiritun Gedeonta huntaykuptin trompetata tocarqa, chaymi Abiezer castakuna payman hukllawakuykurqaku.

Jueces 7:24

Gedeonmi Efraín law orqokunapi yachaq llapallan runakunaman willakuqkunata kacharqa kaynata nimunankupaq: Madianitakunata rispa hapimuychik, Bet-bara llaqtapa hichpanpi Jordán mayupa vadonkunapi churakamuychik manaraq paykuna chayaruchkaptinku, nispa. Chaymi llapallan Efraín castakuna huñunakuruspanku Bet-bara llaqtapa hichpanpi Jordán mayupa vadonkunapi churakururqaku.

1~Samuel 13:3

Jonatanmi Gabaa llaqtapi Filistea tropakunata vencerurqa, chaytam wakin filisteokunañataq yacharurqaku. Hinaptinmi Saulqa cornetakunata tocachirqa Israel nacionpi, “Hebreo runakuna uyarichunku”, nispan.