Jueces 3:15 - CHUYA QELLQA La Biblia en Quechua de Ayacucho 2012

¹⁵ Israelpa mirayninkuna qaparispa Tayta Diosta mañakuptinkum libraqninkuta hatarichirqa, chay libraqninkum karqa Benjamín ayllumanta kaq Gerapa churin Aod. Payqa ichoq makinwanmi imatapas ruwaq. Paywanmi Moabpa reynin Eglonman Israelpa mirayninkuna impuestota apachirqaku.

Quechua Ayacucho Bible 1987

¹⁵ Israelpa mirayninkuna qaparispa Tayta Diosta mañakuptinkum hatarichirqa libraqninkuta, chay libraqninkuqa karqa Benjamin ayllumanta kaq Gerapa churin Aod sutiyoq *f**ichoq maki runam. Paywanmi Israelpa mirayninkuna contribucionta apachirqaku Moab nacionpa reynin Eglonman.

Chuya Qellqa 1992

¹⁵ Israelpa mirayninkuna qaparispa Tayta Diosta mañakuptinkum libraqninkuta hatarichirqa, chay libraqninkum karqa Benjamín ayllumanta kaq Gerapa churin Aod. Payqa ichoq makinwanmi imatapas ruwaq. Paywanmi Moabpa reynin Eglonman Israelpa mirayninkuna impuestota apachirqaku.

Jueces 3:15 Iomraidhean Croise

2~Samuel 20:10

Amasaqa manam musyarqachu Joabpa makinpi espada kasqanta. Qonqaymantam Amasata wiksanpi Joab tuksirurqa chunchulninkunapas pampaman tallikunankama. Chaylla wañurusqanraykum huktawanqa manaña tuksirqañachu. Chaymantañam Joabqa wawqen Abisai-piwan Bicripa churin Sebata qatirqaku.

2~Samuel 20:9

Chaymi Amasata rimaykuspan Joab nirqa: ¿Hawkallachu kachkanki wawqelláy? nispa. Alleq makinwanmi barbanmanta hapiykurqa muchaykunanpaq.

1~Crónicas 12:2

Chay tropakunam fle-chakunawan armasqa karqaku, iskaynin makinkuwanmi warakaqkupas hinaspa flechaqkupas. Paykunam karqaku: Benjamín ayllumanta kaq Saulpa castankuna,

1~Crónicas 8:3

Belapa churinkunam karqa: Adar, Gera, Abiud,

1~Crónicas 8:5

Gera, Sefufán hinaspa Hiram.

2~Crónicas 9:24

Llapallankum qori-qollqeta, serviciokunata, sumaq pachakunata, armakunata, miski asnaq perfumekunata, caballokunata hinaspa mulakunata regalanankupaq sapa wata apamuqku.

Proverbios 18:16

Regalowanqa ima punkupas kichakuykunmi, munayniyuq runakunapa qayllanmanpas chayachikunmi.

Proverbios 19:6

Sumaq sonqo runamanqa achkam llunkukunku, imallanpas qokuykuq runapaqqa lliwmi amigollan.

Proverbios 21:14

Pakasqallapi qosqa regaloqa piñakuytapas tanichinmi, pakasqallapi qosqa regaloqa llumpay rabiakuytapas tanichinmi.

Isaías 36:16

hinaptinqa ama kasuychikchu. Asiriapa reyninmi kaynata nin: Ñoqawan allinyanakuspa qayllaypi uchuychakuychik. Chaynata ruwaspaqa sapakamam uvasnikichikpa higosnikichikpa rurunta mikunkichik, sapakamataqmi pozoykichikpi yakutapas tomankichik.

Jeremías 33:3

Mañakuwaptikiqa contestasqaykim, hinaspaymi hatun kaqkunatawan mana reqsisqayki kaqkunata yachachisqayki.

Jueces 2:16

Tayta Diosqa kamachikuqkunatam hatarichirqa suwakunamanta librananpaq.

Jueces 20:16

Benjamín ayllumantam ichoqwan warakaq akllasqa qarikuna qanchis pachak karqaku. Paykunaqa chukchata warakaspapas hapi-chiqkupunim.

Jueces 3:14

Chaymi Moabpa reynin Eglonta Israelpa mirayninkuna chunka pusaqniyuq wata servirqaku.

Jueces 3:16

Aodmi parte metro sayayniyuq chaynataq iskay lawnin filoyuq espadata ruwakuruspan pachanpa alleq lawnin ukunman churakuykurqa.

Jueces 3:9

Hinaptinmi Israelpa mirayninkuna qaparispa Tayta Diosta mañakurqaku, chaymi librananpaq Calebpa sullka wawqen Cenazpa churin Otonielta Tayta Dios hatarichirqa.

Jueces 4:3

Chaymi Israelpa mirayninkuna qaparispa Tayta Diosta mañakurqaku. Jabinpam isqon pachak fierromanta guerrapaq carretankuna karqa. Iskay chunka watam Israelpa mirayninkunata llumpayta ñakarichirqa.

1~Samuel 10:27

Ichaqa mana allin runakunam Saulta kamispa nirqaku: ¿Imaynataqsi kay runaqa salvawasunchik? nispankum despreciarqaku, hinaspam ima regalollatapas mana aparqakuchu, Saulmi ichaqa mana uyariqpas tukurqachu.