Jueces 21:1 - CHUYA QELLQA La Biblia en Quechua de Ayacucho 2012

¹ Israelpa mirayninkunam Mizpa llaqtapi kaynata jurarqaku: Amam mayqanninchikpas warmi churinchikta Benjamín castakunawanqa casarachisunchu, nispanku.

Quechua Ayacucho Bible 1987

¹ Israel runakunam Mizpa llaqtapi juramentarqakuña kaynata: —Amam mayqanninchikpas Benjamin castakunawanqa casarachisunchu warmi churinchikta —nispa.

Chuya Qellqa 1992

¹ Israelpa mirayninkunam Mizpa llaqtapi kaynata jurarqaku: Amam mayqanninchikpas warmi churinchikta Benjamín castakunawanqa casarachisunchu, nispanku.

Jueces 21:1 Iomraidhean Croise

Eclesiastés 5:2

Amayá apurawmanqa imatapas rimaruychu, amayá sonqoykipipas nitaq yuyaymanaynikipas hawanpi-ukunpiqa Diosman prometekuruychu; Diosqa hanaq pachapim kachkan, qamñataqmi kay pachapi kachkanki. Chaynaqa, pisillatayá rimay.

Jeremías 4:2

atinkim ñoqapa sutiypi jurayta, jurankiqa cheqap kaqwan, allin arreglowan hinaspa allin ruwaywanmi. Chaynapim llapa nacionkuna sutiyrayku bendecisqa kanqaku.

Jeremías 40:6

Chaymi Jeremiasqa Mizpa llaqtapi yachaq Ahicampa churin Gedaliaspaman ripukurqa, hinaspam chaylawpi puchuq runakunawan kuska yacharqa.

Marcos 6:23

Juraspanmi nirqa: Imatapas mañawasqaykitam qosqayki, mañawaptikiqa munaychakuyniypa partentapas qoykuykimanmi, nispa.

Hechos 23:12

Paqarinnintin punchawmi wakin judiokuna tanteanakurqaku Pablota wañurachinankupaq, paykunam juraspanku ninakurqaku: Pablota wañurachinanchikkamam ama mikusunchu nitaq imatapas tomasunchu, mana chaynata ruwaspanchikqa ñakasqayá kasunchik, nispanku.

Romanos 10:2

Reqsisqayman hina paykunaqa tukuy sonqonkuwanmi Dios serviyta munanku, aswanqa manam cheqap yachayman hinachu.

Jueces 20:1

Israelpa llapallan mirayninkunam Mizpa llaqtaman rispanku huk runa hinalla Tayta Diospa qayllanpi huñunakururqaku; huñunakururqakuqa Dan llaqtamanta qallaykuspa Beerseba llaqtakama hinaspa Galaad lawkamam.

Jueces 20:10

Israelpa mirayninkunamantam raki-sunchik sapa pachakmanta chunka qarikunata, waranqamantañataqmi pa-chak qarikunata, chunka waranqaman-tañataqmi waranqa qarikunata; chay qarikunam tropakunapaq mikuyta apanqaku, wakinñataqmi Benjamín lawpi Gabaa llaqtaman rispa Israel nacionpi millakuypaq kaqta ruwasqankumanta vengakamunqaku, nispanku.

Jueces 20:48

Chaymantam Israelpa mirayninkuna kutimuspanku sapa llaqtapi Benjamín castakunata espadawan wañuchirqaku, wañurachirqakutaqmi animalkunatapas chaynataq llapa ima tarisqankutapas. Llapa llaqtakunatapas kañaykurqakum.

Jueces 20:8

Hinaptinmi llapallanku, huk runa hinalla hatarispanku nirqaku: Manam mayqanninchikpas carpanchikmanqa nitaq wasinchikmanpas kutisunchu.

Jueces 21:18

Warmi churinchikkunawanqa manam casarachichwanchu. Ñoqanchikqa juraspam nirqanchik: “Ñakasqayá kachun Benjamín castakunawan pipas warmi churinta casarachiqqa”, nispanchik.

Jueces 21:22

Sichum paykunapa taytan otaq turinpas reclamaq hamuwaptinkuqa kaynatam nisaqku: “Qoykullawaykuyá, ñoqaykum Jabes llaqtapi kaqkunawan peleamuspayku mana llapankupaqchu warmita pusamurqaniku. Manam kikikichikmantachu qochkankichik jurasqaykichikmanta huchayuq kanaykichikpaqqa”, nispanku.

Jueces 21:5

Hinaspam tapunakurqaku: Llapallan Israelpa mirayninkunamanta, ¿mayqan ayllutaq Tayta Diospa qayllanpi huñunakuyman mana rirqachu? nispanku. Paykunam kaynata jurarqaku: Tayta Diospa qayllanpi Mizpa llaqtapi huñunakuyman mana riqkunaqa wañuchisqapunim kanqaku, nispanku.

Jueces 21:7

¿Imatataq ruwasunchik Benjamín ayllumanta puchuq qarikunapaq warmita tarinanchikpaq? Diosrayku juraspam nirqanchik: “Warmi churinchikwanqa amam casarachisunchu”, nispanchik.

1~Samuel 14:24

Ichaqa chay punchawmi lliw Israel runakuna llumpay sasachakuypi tarikurqaku. Manam pipas ima mikuyllatapas malliykurqachu. Saulmi llapa runakunata juramentachispan nirqa: Enemigoykunata vengakunaykamam ama pipas tutaykunankama mikunqachu, mikuruspaqa ñakasqam kanqa, nispa.