Jueces 20:26 - CHUYA QELLQA La Biblia en Quechua de Ayacucho 2012

²⁶ Chaymi Israelpa llapallan mirayninkunaqa Tayta Diospa qayllanpi waqaspa mañakunankupaq Bet-el llaqtaman rirqaku, hinaspam chay punchaw tutaykunankama ayunarqaku, ofrecerqakutaqmi lliw kañanapaq animalkunatawan allinlla kasqankumanta ofrendakunatapas.

Quechua Ayacucho Bible 1987

²⁶ Hinaptinmi Israelpa llapallan mirayninkuna rirqaku Betel llaqtaman Tayta Diospa qayllanpi waqaspa mañakunankupaq hinaspam chay punchaw ayunarqaku tutaykunankama, presentarqakutaqmi lliw kañana animalkunatapas chaynataq allinlla kasqankumanta ofrendakunatapas.

Chuya Qellqa 1992

²⁶ Chaymi Israelpa llapallan mirayninkunaqa Tayta Diospa qayllanpi waqaspa mañakunankupaq Bet-el llaqtaman rirqaku, hinaspam chay punchaw tutaykunankama ayunarqaku, ofrecerqakutaqmi lliw kañanapaq animalkunatawan allinlla kasqankumanta ofrendakunatapas.

Jueces 20:26 Iomraidhean Croise

Génesis 28:19

Chay lugartam Bet-elwan suticharqa, punta sutinñataqmi karqa Luz.

2~Samuel 3:35

Chaymantam Davidta achkillapiraq mikunanpaq ruegarqaku, Davidñataqmi juraspan nirqa: Diosyá castigawachun tantata otaq imatapas manaraq inti seqaykuchkaptin mikuruptiyqa, nispa.

2~Crónicas 20:3

Chaymi Josafatqa mancharikuspan Tayta Diosta mañakurqa yanapananpaq, Judá nacionpi llapallan runakunamanmi willachirqa ayunanankupaq.

Esdras 8:21

Chaymantam Ahava mayupa patanpi ayunanaykupaq kamachikurqani, Tayta Diospa qayllanpi uchuychakuspa payta mañakunaykupaq, chaynapi ñoqaykupas, warmaykupas chaynataq llapa kapuqniykupas ñanta allinlla rinaykupaq.

Jeremías 36:9

Judá nacionpi Josiaspa churin rey Joacim pichqa wataña munaychakuchkaptinmi, chay watapa isqon kaq killanpi qayachirqaku, Jerusalén llaqtapi chaynataq Judá nacionpi kaq llaqtakunapi yachaqkunata, Jerusalenman hamuspanku Tayta Diospa qayllanpi ayunanankupaq.

Joel 1:14

Ayunopaq runakunata huñumuychik, Diospa templonman kay nacionpi kamachikuqkunatawan runakunata huñumuychik, hinaspa Tayta Diosta qayakuychik.

Josué 24:1

Josueymi Israelpa mirayninkunata Siquem llaqtaman qayachispan llapa ancianokunata, kamachikuqkunata, juezkunata chaynataq capitankunatapas Tayta Diospa qayllanman huñururqa.

Josué 7:6

Hinaptinmi Josueywan Israelpa ancianonkuna, pachankuta llikipakuspanku, umankumanpas allpata machqekuspanku Tayta Diospa Arcanpa ñawpaqninpi tardeykuykama qonqoranpa kumuykurqaku.

Jueces 20:18

Israelpa mirayninkunam Diosta tapukunankupaq Bet-el llaqtaman rirqaku: ¿Mayqanniykutaq Benjaminpa mirayninkunawan peleaq puntata rinqa? nispanku. Chaymi Tayta Dios nirqa: Judá castakunam rinqaku, nispa.

Jueces 20:23

Chaynataqa ruwarqaku Israelpa mirayninkuna tutaykuqkama Tayta Diospa qayllanpi waqasqankuraykum, chaypim Tayta Diosta kaynata tapurqaku: ¿Huktawanchu castamasiyku Benjamín aylluwan peleaq risaqku? nispanku. Hinaptinmi Tayta Dios nirqa: Riychik, nispa.

Jueces 20:25

Benjamín castakunaqa iskay kaq punchawpipas Gabaa llaqtamanta lloqsiramuspankum Israelpa mirayninkunamanta espadawan peleaq qarikunata chunka pusaqniyuq waranqata wañurachirqaku.

Jueces 21:2

Ichaqa Bet-el llaqtapi huñunakuruspankum Tayta Diospa qayllanpi tukuylla punchaw sinchita waqaspanku nirqaku:

Jueces 21:4

Paqarinnintin punchawmi tutapayta hatariruspanku, altarta chaypi ruwaspanku lliw kañanapaq animalkunatawan allinlla kasqankumanta ofrendakunata ofrecerqaku.

1~Samuel 11:4

Chay noticia willakuqkunam Saulpa yachasqan Gabaa llaqtaman chayarurqaku, chaypi llapa runakunaman willaykuptinkum qapariyllawanña waqarqaku.

1~Samuel 7:6

Israelpa mirayninkunam Mizpa llaqtapi huñunakururqaku, chaypim yakuta hurqospanku ofrendata hina Diospa ñawpaqninpi machqerqaku, chay punchawmi ayunaspanku Diospa contranpi huchallikusqankuta lliw reqsikurqaku. Samuelmi Israelpa mirayninkunata Mizpa llaqtapi juzgarqa.