Jueces 20:23 - CHUYA QELLQA La Biblia en Quechua de Ayacucho 2012

²³ Chaynataqa ruwarqaku Israelpa mirayninkuna tutaykuqkama Tayta Diospa qayllanpi waqasqankuraykum, chaypim Tayta Diosta kaynata tapurqaku: ¿Huktawanchu castamasiyku Benjamín aylluwan peleaq risaqku? nispanku. Hinaptinmi Tayta Dios nirqa: Riychik, nispa.

Quechua Ayacucho Bible 1987

²³ Chaynataqa rurarqaku Israelpa mirayninkuna tutaykuqkama Tayta Diospa qayllanpi waqasqankuraykuñam, chaypim Tayta Diosta tapurqaku kaynata: —¿Huktawanchu risaqku castamasiyku Benjamin aylluwan peleaq? —nispa. Hinaptinmi Tayta Diosñataq nirqa: —Riychikyá paykunapa contranpi peleaq —nispa.

Chuya Qellqa 1992

²³ Chaynataqa ruwarqaku Israelpa mirayninkuna tutaykuqkama Tayta Diospa qayllanpi waqasqankuraykum, chaypim Tayta Diosta kaynata tapurqaku: ¿Huktawanchu castamasiyku Benjamín aylluwan peleaq risaqku? nispanku. Hinaptinmi Tayta Dios nirqa: Riychik, nispa.

Jueces 20:23 Iomraidhean Croise

2~Samuel 3:35

Chaymantam Davidta achkillapiraq mikunanpaq ruegarqaku, Davidñataqmi juraspan nirqa: Diosyá castigawachun tantata otaq imatapas manaraq inti seqaykuchkaptin mikuruptiyqa, nispa.

Oseas 5:15

Huchankuta reqsikuspanku maskaqniy hamunankukamam maymi kasqayman kutikusaq. Ñakariyninkupim anchata maskawanqaku.

Josué 7:6

Hinaptinmi Josueywan Israelpa ancianonkuna, pachankuta llikipakuspanku, umankumanpas allpata machqekuspanku Tayta Diospa Arcanpa ñawpaqninpi tardeykuykama qonqoranpa kumuykurqaku.

Josué 7:7

Chaymi Josué nirqa: ¡Dios Taytalláy! ¿Imapaqtaq kay llaq-tata Jordán mayuta chimpachimurqanki amorreokunaman qoykuwaptikiku chinkarachiwanankupaq? ¡Ima allinchá kanman karqa Jordán mayupa waklaw chimpanpi qepakamuyniykuqa!

Jueces 1:1

Josué wañukuptinmi, Tayta Diosta Israelpa mirayninkuna kaynata tapurqaku: ¿Mayqanniykutaq puntata risaqku cananeokunawan peleamunaykupaq? nispanku.

Jueces 20:18

Israelpa mirayninkunam Diosta tapukunankupaq Bet-el llaqtaman rirqaku: ¿Mayqanniykutaq Benjaminpa mirayninkunawan peleaq puntata rinqa? nispanku. Chaymi Tayta Dios nirqa: Judá castakunam rinqaku, nispa.

Jueces 20:22

Aswanqa Israel castakunam kallpanchakuspanku peleanankupaq yapamanta kinrayninman churakurqaku, hina punta kaq punchawpi peleasqanku sitiollapi.

Jueces 20:24

Chaymi Israelpa mirayninkunaqa iskay kaq punchawpi kasqallan Benjamín ayllukunawan peleaq rirqaku.

Jueces 21:2

Ichaqa Bet-el llaqtapi huñunakuruspankum Tayta Diospa qayllanpi tukuylla punchaw sinchita waqaspanku nirqaku:

1~Samuel 10:3

Chaymanta pasaspaykim, Taborpi encina sachapa kasqanman chayaruspayki, kimsa runakunawan tupanakunki, Bet-el llaqtaman Diosta yupaychaq richkaqwan, kimsa cabrata, kimsa tantakunata chaynataq huk puyñupi vinota apachkaqwan.

1~Samuel 11:4

Chay noticia willakuqkunam Saulpa yachasqan Gabaa llaqtaman chayarurqaku, chaypi llapa runakunaman willaykuptinkum qapariyllawanña waqarqaku.

1~Samuel 7:6

Israelpa mirayninkunam Mizpa llaqtapi huñunakururqaku, chaypim yakuta hurqospanku ofrendata hina Diospa ñawpaqninpi machqerqaku, chay punchawmi ayunaspanku Diospa contranpi huchallikusqankuta lliw reqsikurqaku. Samuelmi Israelpa mirayninkunata Mizpa llaqtapi juzgarqa.