Jueces 20:2 - CHUYA QELLQA La Biblia en Quechua de Ayacucho 2012

² Israel ayllukunapa llapallan kamachiqninkunam chaypi tarikurqaku. Tayta Diospa llaqtanmantam tawa pachak waranqa soldadokuna espadantinkama huñunakururqaku.

Quechua Ayacucho Bible 1987

² Chaynapimá karqaku Israel ayllukunapa llapallan kamachiqninkuna Diospa runankunapa huñunakuyninpi. Guerrapi peleaqkunam karqaku tawa pachak waranqa chakillawan puriqkuna.

Chuya Qellqa 1992

² Israel ayllukunapa llapallan kamachiqninkunam chaypi tarikurqaku. Tayta Diospa llaqtanmantam tawa pachak waranqa soldadokuna espadantinkama huñunakururqaku.

Jueces 20:2 Iomraidhean Croise

2~Samuel 14:13

Hinaptinmi chay warmi nirqa: Chaynata rimaspaykiqa, ayqekuq churikita mana kutichimusqaykiraykum kikillayki huchayuq kanki. Chaynaqa, ¿imanasqataq Diospa llaqtanpa contranpi chaynata tanteanki?

2~Samuel 24:9

Chaymantam reyman Joab willarqa hayka runakunam kasqanta. Yuparamuptinkum guerrapi peleanankupaq hina qarikuna Israelpi kasqa pusaq pachak waranqa, Judapiñataq pichqa pachak waranqa.

2~Reyes 3:26

Moab nacionpa reyninmi peleasqanpi vencerachikusqanta qawakuykuspan, qanchis pachak soldadokunata akllaykurqa Edom nacionpa reyninta atacananpaq, ichaqa manam atirqachu.

Josué 22:12

Chay ruwasqankuta yacharuspankum Canaán lawpi kaq Israelpa wakin mirayninkuna, paykunawan peleanankupaq Silo llaqtapi huñunakururqaku.

Jueces 20:15

Chay tiempopim llapallan llaqtankunamanta Benjaminpa mirayninkuna, iskay chunka soqtayuq waranqa peleaqkuna karurqaku, Gabaa llaqtapi yachaq qanchis pachak akllasqa qarikunam ichaqa mana yupasqachu karqaku.

Jueces 20:17

Israel castakunamanta wakin ayllukunañataqmi tawa pachak waranqa peleaqkuna karqaku.

Jueces 20:3

Benjamín ayllukunam Israelpa mirayninkuna Mizpa llaqtaman risqankuta yacharurqaku. Israelpa mirayninkunam chay Leví ayllu runata tapurqaku imaynam chay warminta wañuchisqankumanta.

Jueces 8:10

Zebawan Zalmunaqa, Carcor llaqta-pim kachkarqaku, paykunawanmi yaqa chunka pichqayuq waranqa tropa-kunapas kachkarqaku, chay tropaku-naqa karqa intipa qespimunan lawmanta hamuqkunamanta puchuq tropakunam, paykunamantam espadawan peleaq soldadokuna pachak iskay chunka waranqa wañururqaku.

1~Samuel 11:8

Bezec llaqtaman runakunata Saúl huñuruptinmi, Israel ayllumanta karqa kimsa pachak waranqa qarikuna, Judá lawmantañataqmi karqa kimsa chunka waranqa qarikuna.