Jueces 20:13 - CHUYA QELLQA La Biblia en Quechua de Ayacucho 2012

¹³ Kunanyá Gabaa llaqtapi chay millakuypaq ruwaq runakunata makiykuman churamuychik, wañuchispa Israel nacionmanta chay mana allin ruwayta chinkachinanchikpaq, nispanku. Benjamín ayllukunam ichaqa Israelpa mirayninkunapa nisqanta mana kasurqakuchu

Quechua Ayacucho Bible 1987

¹³ Kunanyá makiykuman churamuy Gabaa llaqtapi chay penqaypaq ruraq qarikunata wañuchinaykupaq chaynapi chay mana allinta Israel nacionmanta chinkachinaykupaq —nispa. Benjamin ayllu runakunam ichaqa Israelpa miraynin ayllumasinkunapa nisqanta mana kasurqakuchu

Chuya Qellqa 1992

¹³ Kunanyá Gabaa llaqtapi chay millakuypaq ruwaq runakunata makiykuman churamuychik, wañuchispa Israel nacionmanta chay mana allin ruwayta chinkachinanchikpaq, nispanku. Benjamín ayllukunam ichaqa Israelpa mirayninkunapa nisqanta mana kasurqakuchu

Jueces 20:13 Iomraidhean Croise

2~Samuel 20:1

Gilgal llaqtapim huk mana allin runa tarikurqa, paymi karqa Benjamín ayllumanta Bicripa churin Seba. Paymi trompetata tocaspan qaparirqa: Israel runakuna ¡Davidwanqa manam ima ruwananchikpas kanñachu, Isaipa churinwanqa manam herenciapas rakinakunanchikpaq kanñachu! ¡Wasikichikman sapakama ripukusunchik! nispa.

2~Samuel 23:6

Mana allin ruwaqkunaqa kichka hina wischusqam kanqaku, mana pipapas makiwan hoqarinanmi kanqaku.

1~Reyes 21:13

Chaymantam iskay mana allin runakuna hamuruspanku Nabotpa chimpanpi tiyaykurqaku, paykunam llullakuspanku runakunapa qayllanpi Nabotpa contranpi nirqaku: Nabotmi Diostawan reyta insultarun, nispanku. Chaymi llaqtamanta hawaman pusa-ruspanku rumiwan choqapaspa wañurachirqaku.

2~Crónicas 13:7

Jeroboammanmi hukllawakururqa mana allin runakunawan qella runakuna, paykunam Salomonpa churin Roboampa contranpi hoqarikururqaku, Roboamñataqmi warmallaraq kaspa mana tanteakuq kasqanrayku mana imayna rimarikuyta atirqachu.

2~Crónicas 25:16

Diospa profetan manaraq rimayta tukuchkaptinmi Amasías nirqa: ¿Reyta consejaqpaqchu qamta churarqaykiku? Upallay ¿icha wañuytachu munanki? nispa. Rimayta tukuruptinmi profetañataq nirqa: Nisqaykunata mana kasukuspa chay-kunata ruwasqaykimantam wañu-chisunaykipaq Tayta Diosqa tantearunña, nispa.

2~Crónicas 25:20

Amasiasmi ichaqa mana kasurqachu; chaymi Edompa idolonkunaman hapipakusqanmanta Joaspa makinman qoykunanpaq Diospuni tantearurqa.

Proverbios 29:1

Huk runa qaqchasqa kachkaspan mana kasukuspanqa, mana pipa ama nisqanmi qonqaymanta chinkachisqa kanqa.

Eclesiastés 11:10

Sonqoykimantayá piñakuyta wischuy, mana allin ruwaykunamantayá ayqekuy, warma kaywan joven kayqa tukuruqllam.

Oseas 10:9

Tayta Diosmi kaynata nin: Israelpa mirayninkuna, qamkunaqa mana allin runakunam kankichik; Gabaapi huchallikusqaykichikmantam kunankama huchallikuyta mana saqenkichikchu, chayraykum maymi huchallikusqaykichikpi chinkachisqa kankichik.

Oseas 9:9

Gabaa llaqtapi ruwasqankuta hinaraqmi llumpayta huchallikurunkichik; Tayta Diosmi ichaqa mana allin ruwaynikichikta yuyaykuspan ñakarichisunkichik.

Romanos 1:32

Paykunaqa yachankum chayna ruwaqkunaqa wañuypaq Diospa sentenciasqan kasqankuta, ichaqa yachachkaspankupas hinallam ruwanku, hinaspam chay mana allin ruwaqkunapa ruwasqanwanpas kusikunku.

1~Corintios 5:13

Diosmi mana iñiqkunataqa juzganqa. Qamkuna ukupi chay mana allin runataqa qarqoychik.

2~Corintios 6:15

Cristoqa manam diablowanqa hukllawakunmanchu, nitaqmi Diospi iñiqpas mana iñiqwanqa hukllawakunmanchu.

Deuteronomio 13:5

Chay Profeta tukuq otaq revelacionninpi qawaq tukuq runaqa wañuchisqam kanqa, chay runam Egipto nacionpi esclavo kachkaptikichik hurqomusuqnikichik Señornikichik Tayta Diosmanta rakisunaykichikpaq umachasurqankichik. Tayta Diospa ñanninmantam chay runaqa rakiyta munasurqankichik. Chayraykum qamkuna ukumanta chinkachinkichik.

Deuteronomio 13:6

Sichum wawqekipas, qari churikipas, warmi churikipas, kuyay yanaykipas, llumpay kuyanakusqayki amistadnikipas, pakasqallapi nisunkiman idolonkunata ñawpaq taytaykikunapa mana servisqankunata yupaychanaykipaq, hinaptinqa amam kasunkichu, nitaqmi uyarinkichu. Chay idolokuna muyuriqnikipi kaq runakunapa diosnin kaptinpas otaq huklaw runakunapa diosnin kaptinpas amam kasunkichu nitaq uyarinkichu. Chay hikutasuqniki runataqa amam llakipayankichu, wañuchinankumantapas amam harkakunkichu nitaqmi pakankichikchu.

Deuteronomio 17:12

Señornikichik Tayta Diospa qayllanpi servikuq sacerdoteta otaq juezta mana kasukuq runataqa wañuchinkichikmi. Chaynata ruwaspaykichikmi Israelpa mirayninkunamanta tukuy mana allin ruwaqkunata chinkachinkichik.

Deuteronomio 17:7

Chay testigokunam wañuchinankupaq rumiwan chamqayta qallarinqaku. Chaymantañam llapallan runakunapas chamqapanqaku. Chaynatam qamkunamanta tukuy mana allin ruwaqkunata chinkachinkichik.

Deuteronomio 19:19

chay runamasinpa contranpi mañakusqan castigowanmi castigasqa kanqa. Chaynata ruwaspam qamkunamanta mana allin ruwaqta chinkachinkichik.

Deuteronomio 21:21

Chaymi llaqtanpi llapallan qarikuna rumiwan choqapaspa wañuchinqaku. Chaynata ruwaspaykichikmi mana allin ruwaqkunata qamkunamanta chinkachinkichik. Chayta yachaspankum Israelpa mirayninkuna manchakunqaku.

Deuteronomio 22:21

taytanpa wasinmanta hurqoruspanku llaqtapi runakuna rumiwan chamqapaspa wañuchinqaku, Israelpa mirayninkuna ukupi chaynataq taytanpa wasinpi chuchumika hina millakuypaqta ruwasqanmanta. Chaynatam qamkunamanta chay mana allin ruwayta chinkachinkichik.

Deuteronomio 22:24

iskaynintam llaqtapi ancianokunaman pusankichik, hinaspam rumiwan chamqapaspa wañuchinkichik. Sipasqa wañunqa llaqtapi kachkaspan mana qaparisqanraykum. Qariñataqmi wañunqa runamasinpa casaranan warmita penqayman churasqanrayku. Chaynata ruwaspam qamkunamanta mana allin ruwaqkunata chinkachinkichik.

Deuteronomio 24:7

Sichum Israelpa mirayninmanta hukkaqnin runa, hina llaqtamasillanta suwarunman paywan servichikunanpaq otaq rantikurunanpaqpas, hinaptinqa chay suwaqtam wañuchinkichik. Chaynata ruwaspam chay mana allin ruwayta qamkunamanta chinkachinkichik.

Jueces 19:22

Kusisqa kachkaptinkum, chay llaqtapi mana allin qarikuna wasita muyururqaku, punkuta takaspankum wasipa dueñonta nirqaku: Wasikiman yaykumuq runata abusanaykupaq hurqomuy, nispanku.

Jueces 20:12

Hinaspankum runakunata kacharqaku Benjamín ayllukunaman kaynata nimunankupaq: ¿Imanasqataq qamkuna ukupi kay millakuypaq kaqta ruwarunkichik?

Jueces 20:14

Aswanqa Gabaa llaqtamanmi lliw llaqtankumanta huñunakururqaku Israel castamasinkupa contranpi peleanankupaq.

1~Samuel 2:25

Sichum pipas runamasinpa contranpi huchallikuptinqa Diosmi allinyanachinman. Ichaqa pipas Tayta Diospa contranpi huchallikuptinqa, ¿pitaq paywan allinyanachinman? nispa. Chaynata taytanku niptinpas paykunaqa manam kasukurqakuchu. Tayta Diosqa ñam tantearurqaña paykunata wañurachinanpaq.

1~Samuel 30:22

Ichaqa Davidwan riqkunamantam, wakiqnin kikillankupaq munaq mana allin runakuna nirqaku: Enemigonchikmanta imakunapas qechu-musqanchiktaqa, mana reysiwaqninchik runakunamanqa manam imatapas qochwanchu, paykunaqa warminkutawan churinkunata pusakuspayá sapakama kutikuchunku, nispanku.