Jueces 20:1 - CHUYA QELLQA La Biblia en Quechua de Ayacucho 2012

¹ Israelpa llapallan mirayninkunam Mizpa llaqtaman rispanku huk runa hinalla Tayta Diospa qayllanpi huñunakururqaku; huñunakururqakuqa Dan llaqtamanta qallaykuspa Beerseba llaqtakama hinaspa Galaad lawkamam.

Quechua Ayacucho Bible 1987

¹ Israelpa llapallan mirayninkunam Mizpa llaqtaman rispanku huñunakururqaku huk runa hinalla Tayta Diospa qayllanpi, huñunakururqakumá Dan llaqtamanta, Beerseba llaqtamanta hinaspa Galaad lawmantapas.

Chuya Qellqa 1992

¹ Israelpa llapallan mirayninkunam Mizpa llaqtaman rispanku huk runa hinalla Tayta Diospa qayllanpi huñunakururqaku; huñunakururqakuqa Dan llaqtamanta qallaykuspa Beerseba llaqtakama hinaspa Galaad lawkamam.

Jueces 20:1 Iomraidhean Croise

2~Samuel 19:14

Chaymi Amasaqa Judá lawpi llapallan runakunapa sonqonta suwarurqa, chaymi huk runa hinalla reyta chaynataq tropankunatapas kutichimunankupaq nichimurqaku.

2~Samuel 2:9

Paytam Galaadpi, Aserpi, Jezreelpi, Efraín ayllupi, Benjamín ayllupi hinaspa lliw Israel nacionpi munaychakunanpaq churarurqa.

2~Samuel 24:2

Chaymi rey Davidqa paywan kuska kaq tropakunapa kamachiqnin Joabta nirqa: Israelpi ayllukunaman riy Danmanta qallaykuspa Beerseba llaqtakama hinaspa llapa runata yupamuy, chaynapi hayka kasqantapas yachanaypaq, nispa.

2~Samuel 3:10

Saulpa ayllunmanta kamachikuy atiyninta qechuspaymi Davidman qosaq Israelpi chaynataq Judapi munaychakunanpaq; Dan llaqtamanta qallaykuspa Beerseba llaqtakama munaychakunanpaq, nispa.

1~Reyes 5:5

Chayraykum tantearuni yupaychasqay Tayta Diospa templonta ruwanaypaq. Taytay Davidtam Tayta Dios nirqa: “Rantikipi munaychakunanpaq churasqay churikim wasiyta ruwapuwanqa”, nispa.

2~Reyes 25:23

Judá nacionpa tropankunata kama-chiqkunawan tropakunañataqmi, Geda-liasta llaqtapa gobernadornin kananpaq rey Nabucodonosorpa churasqanta yacharuspanku, Gedaliaswan tupamunankupaq Mizpa llaqtaman rirqaku. Paykunam karqaku Netaniaspa churin Ismael, Careapa churin Johanán, Netofa llaqtayuq Tanhumetpa churin Seraías hinaspa Maacat llaqtayuq runapa churin Jaazanías. Paykunaqa runankunapiwanmi hamurqaku.

1~Crónicas 21:2

Chaymi Joabtawan llaqtapi kamachikuqkunata David kaynata kamachirqa: Rispayá Israel nacionpi runakunata yupamuychik Beerseba llaqtamanta qallaykuspa Dan llaqtakama, chaynapi guerrapaq hina runakuna haykam kasqanta yachanaypaq, nispa.

2~Crónicas 30:5

Chaymi Beerseba llaqtamanta qallarispa Dan llaqtakama Israelpi llapallan runakunaman willachirqaku, Israelpa yupaychasqan Tayta Diospaq Pascua fiestata ruwaq Jerusalén llaqtaman hamunankupaq. Unay watañam Pascua fiestataqa mana ruwarqakuchu, chay ruwananpaq kamachikuy kachkaptinpas.

Esdras 3:1

Qanchis kaq killa chayaramuptinmi, Israelpa mirayninkuna sapakama llaqtankupiña kachkaspanku, chulla runa hinalla Jerusalén llaqtapi huñunakururqaku.

Nehemías 11:27

Hazar-sual, Beerseba,

Nehemías 8:1

Chaykunapa qepantam huk runa hinalla llapallanku huñunakamurqaku Yakuwan sutichasqa pukyupa ñawpaqnin plazaman. Hinaspankum sacerdote Esdrasta nirqaku Israelpa mirayninkunaman Moisesnintakama Tayta Diospa qosqan kamachikuy librota apamunanpaq.

Jeremías 40:6

Chaymi Jeremiasqa Mizpa llaqtapi yachaq Ahicampa churin Gedaliaspaman ripukurqa, hinaspam chaylawpi puchuq runakunawan kuska yacharqa.

Números 32:1

Rubenpa chaynataq Gadpa mirayninkunam animalsapa kasqankurayku, Jazer lawpi hinaspa Galaad lawpi allpakunata animalkunapaq kusallaña kasqanta qawaykurqaku.

Números 32:40

Chayraykum Manasespa churin Maquirpa mirayninkunaman Galaad lawpi allpata Moisés qoykurqa, hinaptinmi chaypiña yacharqaku.

Josué 15:38

Dileán, Mizpa, Jocteel,

Josué 17:1

Sorteasqankuman hinam Joseypa piwi churin Manasés ayllumanpas allpata qorqaku. Manasespa piwi churinmi karqa Maquir, Maquirñataqmi karqa Galaadpa taytan. Maquirqa karqa guerrapi peleaq runam. Paymanmi Jordán mayupa intipa qespimunan lawninpi Galaad allpawan Basán allpa tuparurqa.

Josué 18:26

Mizpa, Cafira, Mozah,

Josué 22:12

Chay ruwasqankuta yacharuspankum Canaán lawpi kaq Israelpa wakin mirayninkuna, paykunawan peleanankupaq Silo llaqtapi huñunakururqaku.

Josué 22:9

Chaynatam Manasespa wakin ayllu-manta, Rubén ayllumanta, Gad ayllumanta kaqkuna, wakin ayllumasinkumanta Canaán lawpi kaq Silo llaqtapi rakikuykuspanku Galaad lawpi allpankuman kutikurqaku. Chaypim paykunapa allpan karqa Moisesman Tayta Diospa kamachisqanman hina.

Josué 4:13

Guerrapi peleanankupaq armasqakamam yaqa tawa chunka waranqa soldadokuna Tayta Diospa ñawpaqninta chimparqaku, hinaspam Jericó lawpi pampaman chayarurqaku.

Jueces 10:17

Amonitakunam guerrapaq huñunakuruspanku Galaad lawpi campamentonkuta sayachirqaku, Israelpa mirayninkunapas huñunakuruspankum Mizpa llaqtapa hichpanpi campamentonkuta sayachirqaku.

Jueces 11:11

Paykunawan Jefté riptinmi llapa runakuna kamachiqninkupaq churarurqaku; Mizpa llaqtaman chayaruptinkum Jefteyqa tukuy ima rimasqanta Tayta Diospa qayllanpi huktawan rimarirqa.

Jueces 11:34

Mizpa llaqtapi wasinman Jefté kutimuptinmi, sapallan warmi churin lloqsiramurqa, paymi taytanta chaskinanpaq panderetawan tusustin lloqsimurqa. Jefteypaqa manam huk churinqa karqachu.

Jueces 18:29

Chay llaqtatam ñawpaq taytanku Danpa sutinwan suticharurqaku, Israelpa churin Danpa sutinman hina. Chay llaqtapa ñawpaq sutinqa Laismi karqa.

Jueces 20:11

Chaymi Israel casta runakunaqa Gabaa llaqtapa contranpi peleanankupaq huk runa hinallaña huñunakururqaku.

Jueces 20:18

Israelpa mirayninkunam Diosta tapukunankupaq Bet-el llaqtaman rirqaku: ¿Mayqanniykutaq Benjaminpa mirayninkunawan peleaq puntata rinqa? nispanku. Chaymi Tayta Dios nirqa: Judá castakunam rinqaku, nispa.

Jueces 20:2

Israel ayllukunapa llapallan kamachiqninkunam chaypi tarikurqaku. Tayta Diospa llaqtanmantam tawa pachak waranqa soldadokuna espadantinkama huñunakururqaku.

Jueces 20:26

Chaymi Israelpa llapallan mirayninkunaqa Tayta Diospa qayllanpi waqaspa mañakunankupaq Bet-el llaqtaman rirqaku, hinaspam chay punchaw tutaykunankama ayunarqaku, ofrecerqakutaqmi lliw kañanapaq animalkunatawan allinlla kasqankumanta ofrendakunatapas.

Jueces 20:8

Hinaptinmi llapallanku, huk runa hinalla hatarispanku nirqaku: Manam mayqanninchikpas carpanchikmanqa nitaq wasinchikmanpas kutisunchu.

Jueces 21:5

Hinaspam tapunakurqaku: Llapallan Israelpa mirayninkunamanta, ¿mayqan ayllutaq Tayta Diospa qayllanpi huñunakuyman mana rirqachu? nispanku. Paykunam kaynata jurarqaku: Tayta Diospa qayllanpi Mizpa llaqtapi huñunakuyman mana riqkunaqa wañuchisqapunim kanqaku, nispanku.

1~Samuel 10:17

Chaymantam Samuelqa Israel runakunata Tayta Diospa ñawpaqninpi Mizpa llaqtapi huñururqa.

1~Samuel 3:20

Chaymi Israelpa llapallan mirayninkuna, Dan llaqtamanta qallaykuspan Beerseba llaqtakama yacharqaku Samuelqa cheqap profeta kasqanta.