Jueces 2:18 - CHUYA QELLQA La Biblia en Quechua de Ayacucho 2012

¹⁸ Hinaptinmi kamachiqkunata Tayta Dios hatarichispan yanaparqa. Chay kamachiq kawsanankamaqa paykunatam enemigonkunamanta librarqa. Tayta Diosmi paykunata ñakariypi hinaspa llakikuypi kaspa waqasqankuta uyarispa llakipayarqa.

Quechua Ayacucho Bible 1987

¹⁸ Hinaptinmi Tayta Dios paykunapaq jefekunata hatarichispan chay jefekunata yanaparqa. Chay jefe kawsanankamaqa paykunatam enemigonkunamanta librarqa. Tayta Diosmá paykunata llakipayarirqa ñakariypi hinaspa llakikuypi kaspa waqasqankuta uyarispan.

Chuya Qellqa 1992

¹⁸ Hinaptinmi kamachiqkunata Tayta Dios hatarichispan yanaparqa. Chay kamachiq kawsanankamaqa paykunatam enemigonkunamanta librarqa. Tayta Diosmi paykunata ñakariypi hinaspa llakikuypi kaspa waqasqankuta uyarispa llakipayarqa.

Jueces 2:18 Iomraidhean Croise

Génesis 6:6

Chaymi runa ruwasqanmanta, Tayta Dios llumpayta pesakurqa, sonqonpipas anchatam llakikurqa.

2~Reyes 13:4

Hinaptinmi Tayta Diosta Joacaz qayakurqa, chaymi Israel runakunapa ñakarisqanta qawaspan Joacazpa mañakusqanta Tayta Dios uyariykurqa; paykunataqa Siria nacionpa reyninmi ñakarichirqa.

Éxodo 2:24

Ñakarispa waqasqankuta Dios uyarispanmi Abrahamwan, Isaacwan hinaspa Jacobwan pacto ruwasqanta mana qonqarqachu.

Éxodo 3:12

Hinaptinmi Dios nirqa: Ñoqam qanwan kasaq, kaymi kachasqaypa señalnin kanqa: Egipto nacionmanta runaykunata hurqoramuspam kay orqopi yupaychawankichik.

Éxodo 32:14

Chaymi Tayta Diosqa mana allin ruwananpaq piensasqanta manaña ruwarqachu.

Oseas 11:8

¿Efraín llaqtalláy, imaynataq saqeruykiman? ¿Israel llaqtalláy, imaynataq qoykuykiman? ¿Imaynataq Adma llaqtata hinaqa qoykuykiman? ¿Imaynataq Zeboim llaqtata hinaqa saqeruykiman? sonqoymi qamkunamanta llumpayta llakikun, chayraykum munaspaypas mana atinichu.

Jonás 3:10

Imam ruwasqankuta qawarispanmi Tayta Dios rikururqa Nínive llaqtayuq runakuna mana allin kawsayninkumanta wanakurusqankuta, chayraykum piñakuyninta sapaqchaykuspan imam tanteasqantaqa manaña ruwarqañachu.

Números 10:9

Nacionnikichikpi kachkaptikichik ñakarichisuqnikichik enemigo contraykichikpi hamuptinqa guerraman lloqsinaykichikpaqmi trompetakunata tocankichik, chaynapim ñoqa Tayta Diosqa mana qonqarusqaykichikchu, hinaspam enemigoykichikmanta librasqaykichik.

Deuteronomio 32:36

Tayta Diosmi llaqtanta mana kallpayuqta rikuspan nanachikunqa, manaña pipas kallpayuq qepasqanta rikuspanmi serviqninkunata llakipayarinqa.

Josué 1:5

Kawsanayki punchawkamaqa manam pipas venceyta atisunkichu. Moisesta yanapasqayta hinam qamtapas yanapasqayki, manam saqesqaykichu nitaqmi qonqasqaykichu.

Jueces 10:16

Hinaspam huklaw nacionkunapa diosninkunata chawpinkumanta wischuruspanku Tayta Diostaña servirqaku, chaymi Israelpa mirayninkunapa ñakariyninta qawarispan Tayta Dios llakipayariykurqa.

Jueces 11:32

Jefteymi mayuta chimparqa amonitakunawan peleananpaq, chaymi Jefteypa makinman Tayta Dios churaykurqa.

Jueces 2:19

Kamachiqninku wañuruptinqa kasqallanmi huchallikuyta qallaykuqku, hinaspam ñawpaq taytankumantapas aswan penqakuypaq kaqtaraq ruwaqku. Idolokunataña servispankum qonqoraspa yupaycharqaku. Manam wanakuqkuchu mana allin ruwayninmantawan rumi sonqo kayninkumantaqa.

Jueces 3:9

Hinaptinmi Israelpa mirayninkuna qaparispa Tayta Diosta mañakurqaku, chaymi librananpaq Calebpa sullka wawqen Cenazpa churin Otonielta Tayta Dios hatarichirqa.

Jueces 6:12

Chaypim Tayta Diospa angelnin rikuriykuspan Gedeonta nirqa: ¡Kallpasapa qari, Tayta Diosmi qanwan kachkan! nispa.

Jueces 6:16

Chaymi Tayta Dios nirqa: Yanapaptiymi chulla runata hinalla madianitakunata vencenki, nispa.