Jueces 2:17 - CHUYA QELLQA La Biblia en Quechua de Ayacucho 2012

¹⁷ Chaywanpas Israelpa mirayninkunaqa manam chay kamachiqkunatapas kasurqakuchu, paykunaqa Tayta Diosta qepanchakuruspankum idolokunataña yupaycharqaku. Tayta Diospa kamachikuyninkunatam ñawpaq taytankuqa kasukurqaku, paykunam ichaqa chaylla saqerurqaku.

Quechua Ayacucho Bible 1987

¹⁷ ichaqa Israelpa mirayninkunaqa manataqmi jefekunatapas kasukurqakuchu, paykunaqa pierdekuq warmi hinam taytacha-mamachakunataña adorarqaku. Tayta Diospa kamachikuyninkunatam ñawpa abuelonkuqa kasukurqaku, paykunam ichaqa chaylla chay kamachikuyninkunamanta rakikururqaku, manam ñawpa abuelonku hinachu rurarqaku.

Chuya Qellqa 1992

¹⁷ Chaywanpas Israelpa mirayninkunaqa manam chay kamachiqkunatapas kasurqakuchu, paykunaqa Tayta Diosta qepanchakuruspankum idolokunataña yupaycharqaku. Tayta Diospa kamachikuyninkunatam ñawpaq taytankuqa kasukurqaku, paykunam ichaqa chaylla saqerurqaku.

Jueces 2:17 Iomraidhean Croise

Éxodo 32:8

Kamachikuyniykunamanta rakikuruspankum qorita chullurachispa torillota ruwakurunku, hinaspam yupaychaspanku animalkunatapas wañuchipuspanku nichkanku: “¡Yaw Israel runakuna, kaymi Egipto nacionmanta hurqomuwaqninchik diosqa!” nispanku.

Jeremías 3:6

Rey Josiaspa munaychakusqan tiempopim Tayta Dios kaynata niwarqa: ¿Rikurqankichu mana kasukuq Israelpa ruwasqanta? Alto orqokunaman rispanmi chuchumika warmi hina qanrakurqa rapisapa sachakunapa sikinpi.

Jeremías 6:16

Tayta Diosmi runankunata kaynata nin: Ñankunapi sayaykuspa qawariychik, ñawpaq ñankunamanta tapukamuychik, mayqanmi allin ñan kasqanta tapukamuychik; chayninta purispaqa samaytam tarinkichik, nispa. Paykunam ichaqa nirqaku: Manam chaynintaqa puriymankuchu, nispanku.

Oseas 2:2

Tayta Diosmi nin: Mamaykichikta uyanpi niychik, payqa manam warmiyñachu, nitaqmi ñoqapas qosanñachu kani; chuchumika kayninta saqechun, qarikunawan qanrakuyninta qonqachun.

Levítico 17:7

Demoniokunamanqa amañam sacrificiotaqa qonkichikñachu. Ñawpaqtam chaykunaman ofrecespa pierdekuq warmi hina huchallikurqankichik; kay kamachikuymi wiña-wiñaypaq llapallan miraynikichikpaq kanqa.

Amós 2:4

Tayta Diosmi kaynata nin: Judá naciontam llumpa-llumpay huchanmanta castigasaqpuni; kamachikuyniykunatapas wischupakuspankum mana kasukurqakuchu, aswanraqmi tayta-mamanku kaqlla paykunapas idolokunata yupaycharqaku.

Gálatas 1:6

Admirasqallañam kachkani, Jesu-cristopa kuyakuyninraykum Dios qayasurqankichik, hinaptinqa, ¿imanasqamá manapas unaypiqa Diosmantaqa karunchakurunkichik huk rikchaq evangeliotaña qatinaykichikpaqqa?

Deuteronomio 31:16

Hinaptinmi Moisesta Tayta Dios nirqa: Qamqa wañukunkiñam, ichaqa kay runakunam maymi risqanku allpapi, hukwan tupakuruq casada warmi hina mana reqsisqanku dioskunata qatinqaku. Saqeruwaspankum paykunawan ruwasqay pactotapas yanqacharunqaku.

Deuteronomio 31:18

Chayna ñakariypi kaptinkum astawanraq paykunamanta karunchakurusaq, chaynataqa ruwasaq tukuy mana allinkunata ruwaspa idolokunataña yupaychasqankuraykum.

Deuteronomio 9:12

Hinaspam niwarqa: “Chaylla kutiy, Egipto nacionmanta hurqomusqayki runakunam huchallikurunku, manapas unaypim kamachisqaykunata mana cumplispanku qorita chulluchisqa idolota ruwakurunku”, nispa.

Deuteronomio 9:16

Hinaspam Señornikichik Tayta Diospa contranpi huchallikusqaykichikta qawaykurqani. Qamkunam Tayta Diospa kamachisqankunata manapas unaypi saqeruspa metalta chulluchispa malta toroman rikchakuq idolotaña ruwakururqankichik.

Josué 24:24

Chaymi runakunañataq nirqaku: Ñoqaykuqa Señorninchik Tayta Diostam servisaqku hinaspam niwasqaykikuta kasukusaqku, nispanku.

Josué 24:31

Josueypa kawsanankamaqa chaynataq wiñaymasin ancianonkunapas kawsanankamaqa, Israelpa mirayninkunam Tayta Diosta servirqaku; chay ancianokunaqa rikurqakum Israelpa mirayninkunapaq Tayta Diospa tukuy ima ruwasqanta.

Jueces 2:7

Josueypa kawsanankamaqa chaynataq wiñaymasin ancianonkunapas kawsanankamaqa, Israel runakunam Tayta Diosta servirqaku; chay ancianokunaqa rikurqakum Israelpa mirayninkunapaq Tayta Diospa tukuy ima ruwasqanta.

Jueces 8:33

Gedeón wañukuptinmi, Israelpa mirayninkunaqa Tayta Diosta saqeruspanku kaqllamanta huchallikuyta qallaykurqaku, hinaspam Baal idolokunapa qepantaña pasakurqaku, paykunaqa diosninkupaqpas Baal-berit sutiyuq idolotañam akllakuykurqaku.

1~Samuel 12:12

Ichaqa Amonpa reynin Nahasta contraykichikpi peleaq hamuqta rikuspam huk reyta qonaypaq mañakuwarqankichik, yupaychasqanchik Diospuni reyninchik kachkaptinmi huk munaychakuqtaraq mañakuwarqankichik.

1~Samuel 12:17

Yachasqaykichikpi hinapas trigo rutuy tiempoqa manam paramunchu. Ichaqa Tayta Diostam ñoqa mañakusaq rayota toqyachimuspa parata chayachimunanpaq, chayraqmi yachankichik, rey mañakusqaykichikqa Tayta Diospa qayllanpi llumpay mana allin kasqanta.

1~Samuel 12:19

Hinaspankum llapallan runakuna Samuelta nirqaku: Ama hina kaspayki Tayta Diosta mañaykapuwayku ama wañuchiwanankupaq, cheqaptapunim llumpay huchasapallaña kachkaspapas reyta mañakusqaykuwan aswanraq huchallikuruniku, nispanku.