Jueces 2:14 - CHUYA QELLQA La Biblia en Quechua de Ayacucho 2012

¹⁴ Chayraykum Israel castakunapa contranpi Tayta Dios piñakuruspan suwakunawan llapa imankuta suwachirqa. Muyuriqninkupi enemigonkunaman qoykuptinmi manaña ima ruwakuytapas atirqakuchu.

Quechua Ayacucho Bible 1987

¹⁴ Chaymi Israel castakunapa contranpi Tayta Dios piñakuruspan salteaqkunamanña qoykurqa salteasqa kanankupaq. Muyuriqninkupi enemigonkumanña qoykuptinmi manaña defiendekuyta atirqakuchu.

Chuya Qellqa 1992

¹⁴ Chayraykum Israel castakunapa contranpi Tayta Dios piñakuruspan suwakunawan llapa imankuta suwachirqa. Muyuriqninkupi enemigonkunaman qoykuptinmi manaña ima ruwakuytapas atirqakuchu.

Jueces 2:14 Iomraidhean Croise

2~Samuel 24:1

Tayta Diosmi Israel nacionpa contranpi huktawan piñakururqa, hinaspam Davidpa sonqonman Israel runakunata yuparuy munayta churarurqa.

2~Samuel 7:11

imaynam Israel llaqtaypi juezkuna churasqay punchawkunapi hinaqa. Ñoqam llapallan enemigoykikunamanta hawkayayta qosqayki, miraynikimantapas reykunam hatarinqa.

2~Reyes 13:3

Chayraykum Israel nacionpa contranpi Tayta Dios anchallataña piñakuspan, Siria nacionpa reynin Hazaelman chaynataq churin Ben-adadman unay wata munaychakunanpaq qoykurqa.

2~Reyes 17:20

Chayraykum Israelpa mirayninkunata Tayta Dios qepancharurqa. Ñakarichispanmi qayllanmanta chinkarachinankama salteaqkunaman qoykurqa.

2~Crónicas 15:5

Chay tiempokunapiqa manam pipaqpas hawkayay karqachu, aswanqa llapallan nacionkunapi kaqkunapaqmi ñakariyllaña karqa.

2~Crónicas 28:5

Chayraykum Siria nacionpa reyninman Tayta Dios qoykurqa. Siria runakunam venceruspanku achka-achkata presocharuspa Damasco llaqtaman aparqaku. Tayta Diosqa qoykurqataqmi Israel nacionpa reyninmanpas, hinaptinmi paypas pasaypaqta vencerurqa.

2~Crónicas 36:16

Paykunam ichaqa Diospa kachasqan runakunamanta asikurqaku, profetakunapa willakusqankutapas mana uyariq tukuspankum burlakurqaku. Chayraykum runankunapa contranpi Tayta Dios piñakururqa manaña ima ruwaytapas atinankukama.

Nehemías 9:27

Chaymi ñakarichisqa kanankupaq enemigonkuman qoykurqanki, ñakariyninkupim qayakamusurqanki, qamñataqmi hanaq pachamanta uyariykurqanki, kuyapayakuynikiman hinam libraqninkunata kachamurqanki, chaynapi enemigonkumanta libramunankupaq.

Isaías 42:24

¿Pitaq Israelta suwakunapa hinaspa ñakarichiqkunapa makinman qoykurqa? ¿Manachum Tayta Diosqa huchanchikrayku chaykunaman qoykurqa? Manam paypa munasqanman hina kawsayta munarqakuchu, kamachikuyninkunatapas manam kasukurqakuchu.

Isaías 50:1

Tayta Diosmi kaynata nin: ¿Maypitaq kachkan mamaykichikwan rakinakuspay acta ruwanakusqay? ¿Pikunawantaq manu karqani qamkunata rantikunaypaq? Huchaykichikraykum rantikusqa karqankichik, mana kasukuq kasqaykichikraykum mamaykichiktapas qarqorurqani.

Jeremías 37:10

Caldea tropakunataña venceruptikichikpas, paykunamanta herido puchuqkunam carpankumanta sapakama hatarimuspanku kay llaqtata kañaykunqaku, nispa.

Levítico 26:17

Ñoqam contraykichikpi kasaq, hinaptinmi enemigoykichikpas vencesunkichik. Cheqnisuqnikichik runakunam munaychakusunkichik, mana pipa qatikachasqanmi ayqenkichikpas.

Levítico 26:28

ñoqapas contraykichikpi piñakuspaymi aswan qanchis kutikamaraq huchaykichik-manta ñakarichisqaykichik.

Levítico 26:37

Mana pipas qatichkaptillanmi guerramanta lluptichkaq hina kallpaspanku kikinkupura urmachinakunqaku, manam mayqanninkupas enemigonku kutipakuyta atinqakuchu.

Números 32:13

Chayraykum Tayta Dios anchata piñakurqa Israel runakunapa contranpi hinaspam tawa chunka wata chunniqpi purichirqa, paypa qayllanpi mana allin ruwaq miraykuna wañuspa tukunankukama.

Números 32:14

Yaw, huchasapa ru-nakunapa mirayninkuna, qamkunaqa taytaykichiktañam qatipakuchkankichik, chaynapi Israel runakunapa contranpi Tayta Diosta astawan piñachinaykichikpaq.

Deuteronomio 28:20

Tayta Diosmi ima ruwasqaykichikpipas ñakasunkichik, muspachisunkichik hinaspa llakichisunkichik. Mana allinkunata ruwanaykichikpaq paymanta rakikusqaykichikraykum manapas unaypi pasaypaqta chinkarachisunkichik.

Deuteronomio 28:25

Tay-ta Diosmi enemigoykichikkunawan vencechisunkichik. Enemigoykichikpa contranpim huk ñanninta seqella lloqsinkichik, ichaqa qanchis ñannintam paykunamanta ayqenkichik. Llapa nacionkunapa munaychakunanñam kankichik.

Deuteronomio 28:58

Sichum kay libropi qellqasqa yachachikuykunata mana kasukuptikichikqa, nitaq ancha reqsisqa manchakuypaq Señornikichik Tayta Diostapas mana manchakuptikichikqa,

Deuteronomio 32:30

¿Chullalla runa, waranqa runata qatikacharunmanchu? ¿Iskaylla runa, chunka waranqa runata qatikacharunmanchu? Arí atirunmanmi, ichaqa enemigonkuman waqaychaqninku Tayta Dios hapiykachiptillanmi.

Josué 23:16

Sichum Señornikichik Tayta Diospa kamachisusqaykichik pactonta mana kasukuspa idolokunataña qonqorakuspa yupaychanaykichikpaq pasakuptikichikqa, Tayta Diosmi contraykichikpi piñakuspan kay qosusqaykichik sumaq allpamanta chaylla chinkarachisunkichik, nispa.

Jueces 1:19

Judá ayllukunam Tayta Dios yanapaptin orqokunapi yachaqkunata qarqorurqaku. Qechwapi yachaqkunatam ichaqa mana qarqoyta atirqakuchu, guerrapaq carretanku fierromanta kasqanrayku.

Jueces 1:34

Llapa amorreokunam Dan aylluta orqokunaman qatirurqaku, hinaspam qechwaman uraykamunankuta mana munarqakuchu.

Jueces 10:7

Chaymi Israel castakunapa contranpi Tayta Dios piñakuspan, filisteokunamanwan amonitakunamanña qoykurqa.

Jueces 2:20

Chaymi Israel runakunapa contranpi Tayta Dios piñakuruspan nirqa: Kay runakunaqa ñawpaq taytankuwan pacto ruwasqayta qepanchaspam nisqaykunatapas mana kasukunkuchu,

Jueces 3:12

Israelpa mirayninkunam kasqallan Tayta Diospa qayllanpi mana allinkunata ruwarqaku, chaymi Moab nacionpa reynin Eglonta Israel miraykunapa contranpi Tayta Dios kallpanchaykurqa.

Jueces 4:2

chaymi paykunata cananeokunapa reynin Jabinpa makinman Tayta Dios qoykurqa. Jabinqa Hazor llaqtapim munaychakurqa, Sisarañataqmi tropankunapa kamachiqnin karqa, payqa Haroset-goim llaqtapim yacharqa.