Jueces 2:11 - CHUYA QELLQA La Biblia en Quechua de Ayacucho 2012

¹¹ Israelpa mirayninkunam Tayta Diospa qayllanpi mana allinta ruwarqaku, paykunaqa Baal sutiyuq idolokunatañam yupaycharqaku.

Quechua Ayacucho Bible 1987

¹¹ Israelpa mirayninkunam Tayta Diospa qayllanpi mana allinta rurarqaku, paykunaqa Baal sutiyoq taytachakunatañam adorarqaku.

Chuya Qellqa 1992

¹¹ Israelpa mirayninkunam Tayta Diospa qayllanpi mana allinta ruwarqaku, paykunaqa Baal sutiyuq idolokunatañam yupaycharqaku.

Jueces 2:11 Iomraidhean Croise

Génesis 13:13

Sodomapi runakunaqa llumpay mana allin runakunam karqaku, Tayta Diospa contranpim millakuypaq kaqkunata ruwaspa anchata huchallikuqku.

Génesis 38:7

Ichaqa Judapa piwi churin Ermi, Diospa qayllanpi mana allinkuna ruwaq karqa, chayraykum Dios wañurachirqa.

1~Reyes 11:5

Aswanqa Sidón runakunapa Astoret idolontañam yupaycharqa, yupaycharqataqmi amonitakunapa millakuypaq Milcom idolotapas.

1~Reyes 18:18

Eliasñataqmi nirqa: Ñoqaqa manam Israel naciontaqa chaqwachinichu, aswanqa qanmi chaq-wachirqankiqa, Tayta Diospa kamachikuyninkunata saqeruspa, taytaykipa mirayninkunapiwan kuska Baal idolokunataña qatispaykichik.

1~Reyes 22:53

Baal idolotam servirqa hinaspa yupaycharqa, tayta-mamanpa imam ruwasqanta hina ruwaspanmi Israelpa yupaychasqan Tayta Diosta piñachirqa.

2~Crónicas 28:2

Aswanqa Israel nacionpi reykunapa kawsasqanta hinam kawsarqa. Metalkunata fundichispam Baal idolokunata ruwachirqa.

2~Crónicas 28:3

Ben-hinom wayqopipas inciensota kañaspanmi churinkunatapas sacrificaspa kañarqa, chaynataqa ruwarqa, Israelpa qayllanmanta Tayta Diospa qarqosqan nacionkunapa millakuypaq costumbrenkunata qatipakuspanmi.

2~Crónicas 33:6

Churinkunatapas Ben-hinom way-qopim sacrificarqa, layqa kayman qokuruspanmi alma qayaqkunatawan qatipaqkunatapas kikinpuni hatarichirqa. Chay millakuypaq mana allin kaqkunata ruwaspanmi tayta Diosta piñachirqa.

Esdras 8:12

Azgadpa mirayninkunamanta Haca-tanpa churin Johanán, paywanmi kutimurqaku pachak chunka runakuna.

Nehemías 9:26

Paykunam ichaqa mana kasukurqakuchu, contraykipi hatarispankum kamachikuynikita qepancharqaku, qanman kutirikamunankupaq rimapayaqninku profetaykikunatapas wañurachispankum llumpayta piñachisurqanki.

Jeremías 11:10

Ñawpaq taytankupa mana allin ruwasqankumanmi qokurunku. Paykunaqa nisqaykunata mana kasukuspankum idolokunataña yupaycharqaku. Israel runakunawan Judá nacionpi runakunam, ñawpaq taytankuwan pacto ruwasqayta yanqacharunku.

Jeremías 16:11

Chaymi ñoqa Tayta Diospa nisqayta kaynata ninki: Ñawpaq taytaykichikkunam saqeruwaspanku idolokunataña qatirqaku, chaykunatam qayllanpi qonqoraspanku yupaycharqaku. Ñoqata saqeruwaspankum kamachikuyniykunatapas mana kasukurqakuchu.

Jeremías 2:20

Unayñam contraypi hoqarikuruspa manaña kasuwankichu hinaspam niwankiraq: Manam servisqaykichu, nispa. Llapa alto moqokunapim, rapisapa sachakunapa sikinkunapim, chuchumika warmi hina qanrakurqanki.

Jeremías 2:23

¿Imaynataq niwaq manam qanrakurqanichu, nitaqmi Baal idolokunatapas qatirqanichu nispaykiqa? Qechwapi imakunam ruwasqaykita yuyarispa reqsikuy, qamqa mana qasillalla kaspa kayman chayman kallpakachaq china camello hinam kanki;

Jeremías 32:23

Kay allpaman yaykumuspankum munaychakurqaku, ichaqa kamachikuynikitawan yachachikuynikitam mana kasukurqakuchu, kawsarqakupas manam kamachisqaykiman hinachu, chayraykum tukuy kay sasachakuykunata kachaykamurqanki.

Jeremías 9:14

Aswanraqmi sonqonkuta rumiyarachispanku, ñawpaq taytankuta qatipakuspanku Baal idolokunataña yupaycharqaku.

Números 25:3

Chaynapim Israel runakunaqa Baal-peor idolotaña qatirqaku, chayraykum Tayta Dios paykunapa contranpi llumpayta piñakururqa.

Deuteronomio 31:16

Hinaptinmi Moisesta Tayta Dios nirqa: Qamqa wañukunkiñam, ichaqa kay runakunam maymi risqanku allpapi, hukwan tupakuruq casada warmi hina mana reqsisqanku dioskunata qatinqaku. Saqeruwaspankum paykunawan ruwasqay pactotapas yanqacharunqaku.

Deuteronomio 4:25

Churikichikpas chaynataq willkaykichikpas karuptinqa hinaspa qamkunapas chay allpapi machuyaruspaykichikqa yanqañataq tukuy imaman rikchakuq idolokunatapas ruwaspa Señornikichik Tayta Diospa contranpi huchallikuspa payta piñachiwaqchik.

Jueces 10:10

Chaymi Israelpa mirayninkuna, Tayta Diosta kaynata qayakurqaku: Qampa contraykipim huchallikuruniku. Qam Diosniykuta qepanchakuruspaykum Baal idolokunataña yupaycharqaniku, nispanku.

Jueces 10:6

Israelpa mirayninkunam kaqllamanta Tayta Diospa qayllanpi huchallikuyta qallaykurqaku. Baal idolokunata, Astarot idolokunata, arameokunapa, sidoniokunapa, moabitakunapa, amonitakunapa hinaspa filisteokunapa diosninkunataña yupaychaspankum Tayta Diostaqa manaña servirqakuñachu.

Jueces 13:1

Israelpa mirayninkunam Tayta Diospa qayllanpi huktawan huchallikururqaku, hinaptinmi tawa chunka watapaq Filistea castakunaman Tayta Dios qoykurqa.

Jueces 3:12

Israelpa mirayninkunam kasqallan Tayta Diospa qayllanpi mana allinkunata ruwarqaku, chaymi Moab nacionpa reynin Eglonta Israel miraykunapa contranpi Tayta Dios kallpanchaykurqa.

Jueces 3:7

Israelpa mirayninkunam mana allinkunata ruwaspa Tayta Diospa qayllanpi huchallikurqaku, hinaspam Tayta Diosmanta karunchakuruspanku Baal idolokunatawan Asera idolokunataña servirqaku.

Jueces 4:1

Aod wañukuptinmi, Israelpa mirayninkuna kasqallan Tayta Diospa qayllanpi mana allinkunata ruwarqaku,

Jueces 6:1

Israelpa mirayninkuna Tayta Diospa qayllanpi mana allinkunata ruwaptinkum madianitakunaman qanchis watapaq qoykurqa.

Jueces 6:25

Chay tutallam Gedeonta Tayta Dios nirqa: Taytaykipa animalninkunamanta qan-chis watayuq allinnin toronta hapiy hinaspa taytaykipa Baal idolonpa altarninta tuñichimuy, altarpa ladonpi Asera idolotapas kuchumuytaq.

Jueces 8:33

Gedeón wañukuptinmi, Israelpa mirayninkunaqa Tayta Diosta saqeruspanku kaqllamanta huchallikuyta qallaykurqaku, hinaspam Baal idolokunapa qepantaña pasakurqaku, paykunaqa diosninkupaqpas Baal-berit sutiyuq idolotañam akllakuykurqaku.

1~Samuel 12:10

Chaymi paykuna qaparispa Tayta Diosta nirqaku: Diosnillayku, qamta qepanchaspam huchallikuruniku; Baal idolokunatawan Astarot idolokunatañam yupaycharqaniku. Kunanqa qamyá enemigoykumanta libraykullawayku, qamllataña servillanaykupaq, nispa.

1~Samuel 7:3

Chaymi paykunata Samuel nirqa: Sichum tukuy sonqoykichikwan Diosman kutirikuspaykichikqa, wischuychikyá qamkuna ukupi kaq idolokunata chaynallataq Astarot idolokunatapas, hinaspayá cheqap Diosllapaqña kawsaspa payta serviychik, chayna kaptinqa kikinpunim filisteokunamanta librasunkichik, nispa.

1~Samuel 7:4

Hinaptinmi Israelpa mirayninkuna wischurqaku Baal sutiyuq idolokunata chaynataq Astarot sutiyuq idolokunatapas, hinaspam Tayta Diosllataña yupaycharqaku.