Jueces 19:6 - CHUYA QELLQA La Biblia en Quechua de Ayacucho 2012

⁶ Chaymi mikunankupaq hinaspa upyanankupaq iskayninku tiyaykurqaku, hinaptinmi masanta sipaspa taytan nirqa: Ama hina kaspayá kunan tutatawanraq kaypi qepaykuy chaynapi sonqoykita kusichinaykipaq, nispa.

Quechua Ayacucho Bible 1987

⁶ Chaymi iskayninku tiyaykurqaku mikunankupaq hinaspa tomanankupaq hinaptinmi sipaspa taytan chay qarita nirqa: —Ama hina kaspayá kunan tutatawanraq quedaykuy kusikunanchikpaq —nispa.

Chuya Qellqa 1992

⁶ Chaymi mikunankupaq hinaspa upyanankupaq iskayninku tiyaykurqaku, hinaptinmi masanta sipaspa taytan nirqa: Ama hina kaspayá kunan tutatawanraq kaypi qepaykuy chaynapi sonqoykita kusichinaykipaq, nispa.

Jueces 19:6 Iomraidhean Croise

2~Samuel 13:28

Hinaspam serviqninkunata kamachirqa: Amnontam allinta qawankichik, sinkaña kachkaptinmi wañurachinaykichikpaq kamachisqaykichik, hinaptinmi ama manchakuspa wañuchinkichik, ñoqam kamachikichik, kallpanchakuspa qarinchakuychik, nispa.

1~Reyes 21:7

Chaymi warmin Jezabel nirqa: ¿Manachu qamqa Israelpa reynin karqanki? Hatarispayki mikuy hinaspa kusikuy, Jezreel llaqtayuq Nabotpa uvas huertantaqa ñoqam qosqayki, nispa.

Ester 1:10

Qanchis kaq punchawpim, reyqa vino upyasqanwan kusisqallaña kaspan, Mehumanta, Biztata, Harbonata, Bigtata, Abagtata, Zetarta hinaspa Carcasta, kay qanchis serviqninkunata kamachirqa,

Lucas 12:19

almaytañataq nisaq: Almalláy, unay watakunapaqmi tukuy imata achkallataña waqaycharunki. Kunanqa samakuy, mikukuy, upyakuy hinaspa kusikuy, nispa.

1~Tesalonicenses 5:3

Hawkam, segurom kachkanchik, nispa, runakuna nichkaptinkum qonqayllamanta paykunaman hatun sasachakuy chayaramunqa, dolorwan hapichikuq warmi hinam kanqaku, manam lluptinqakuchu.

Apocalipsis 11:10

Kay pachapi kawsaqkunañataqmi chay wañuqkunamanta kusikunqaku, hinaspam kusikuymanta regalokunatapas apachinakunqaku, chaynataqa ruwanqaku chay iskay profetakuna kay pachapi yachaqkunata manaña ñakarichisqankuraykum.

Apocalipsis 11:13

Hina chay ratollataqmi nisyu-nisyu terremoto karurqa, hinaptinmi llaqtapa chunka kaq parten tuñirurqa, chay terremotowanmi qanchis waranqa runakuna wañururqa. Wakinñataqmi hatu-hatunta mancharikuspanku hanaq pachapi kaq Diosta qapaqcharqaku.

Jueces 16:25

Llumpay kusisqa kaspankum nirqaku: Asichiwananchikpaq Sansonta pusamuychik, nispanku. Sansonta carcelmanta pusaramuptinkum paykunapa qayllanpi asichiqninku karqa. Chaymantam Sansonta pilarkunapa chawpinman sayaykachirqaku.

Jueces 19:7

Hatariruspan pasakunanpaqña kachkaspanpas suegron ruegapayasqanraykum huktawan chay tuta qeparurqa.

Jueces 19:9

Warmintawan criadonta pusarikuspa pasanankupaq chay qari hatariptinmi yapamanta suegron nirqa: Tutaykamuchkanñam, kunan tutatawanyá kaypi samakuy. Kayqaya punchawqa tutaykamuchkanña, sonqoykita kusichinaykipaqyá kaypi puñukuy. Paqarin tutapaytañachiki wasikiman ripukunki, nispa.

Jueces 9:27

Chaymantam Siquem llaqtayuqkunaqa chakraman rispanku uvasninkuta pallaruspa vinota ruwarurqaku, hinaspam diosninkupa templonpi fiestata ruwarqaku, chaypim mikuspanku upyaspanku Abimelecta ñakarqaku.

Rutwan Sutichasqa Libro 3:7

Mikuytapas tomaytapas tukuruspanmi Boozqa kusisqallaña pasaspan monton cebadapa waqtanpi puñuykurqa. Rutmi upallalla asuykuspan Boozpa haytananta kichaykuspan ustuykurqa.

1~Samuel 25:36

Abigailmi wasinman kutispan qosan Nabalta tarirurqa rey hinaraq hatun convidota ruwaspa llumpay kusisqa hinaspa sinchi machasqa kachkaqta. Chayraykum paqarinnintinkama mana imatapas nirqachu.