Jueces 19:20 - CHUYA QELLQA La Biblia en Quechua de Ayacucho 2012

²⁰ Hinaptinmi chay machucha nirqa: Wasiyman hakuchik, imapas pisisuqnikitaqa ñoqam qosqayki, amayá kay plazapiqa puñuychu, nispa.

Quechua Ayacucho Bible 1987

²⁰ Ichaqa chay machucham nirqa: —Wasiymanyá hakuchik, imapas pisisuqnikitaqa ñoqam qosqayki, kunan tutaqa amayá plazapiqa puñuychu —nispa.

Chuya Qellqa 1992

²⁰ Hinaptinmi chay machucha nirqa: Wasiyman hakuchik, imapas pisisuqnikitaqa ñoqam qosqayki, amayá kay plazapiqa puñuychu, nispa.

Jueces 19:20 Iomraidhean Croise

1~Crónicas 12:18

Hinaptinmi kimsa chunka soldadokunapa kamachiqnin Amasaiman Tayta Diospa Espiritun huntaykurqa, chaymi pay nirqa: ¡David, ñoqaykuqa qampam kaniku! ¡Isaipa churin, ñoqaykuqa qanwanmi kachkaniku! ¡Hawkayay qanwan kachun! ¡Yanapaqnikikunawanpas hawkayay kachun! ¡Diosnikim yanapasuqnikiqa! nispa. Chaymi paykunata David chaskiykuspan tropankunata kamachinankupaq churaykurqa.

Juan 14:27

Hawkayaytam saqekichik, hawkayayniytam qoykichik, kay hawkayay qosqayqa manam runakunapa qosqan hinachu. Amayá hukmanyaychikchu nitaq manchakuychikpaschu.

Romanos 12:13

Diospi iñiqkunapa imam pisipusqanpi yanapaykuychik, wasikichikpipas samaykachikuqyá kaychik.

1~Corintios 1:3

Dios Taytanchikwan Señorninchik Jesucristoyá hawkayaytawan kuyakuyninta qamkunaman qosunkichik.

Gálatas 6:6

Diospa palabran chaskiqkunaqa yachachiqnintam imallawanpas yana-pananku.

Hebreos 13:2

Wasikichikpi samaykachiytapas amayá qonqaruychikchu, wakinkunam chayta ruwaspanku mana yachastin angelkunata samaykachirqaku.

1~Pedro 4:9

Ama murmuranakuspa wasikichikpipas samaykachinakuychik.

1~Juan 3:18

Churillaykuna, amayá simillawanchu kuyanakusunchikqa, aswanqa cheqap ruwaywanyá kuyanakuychik.

Jueces 6:23

Ichaqa Tayta Diosmi nirqa: Ama manchakuychu, hawkalla kay, manam wañunkichu, nispa.

1~Samuel 25:6

Hinaspa nimuychik: “Hawkayay kachun qanwan, aylluykikunawan chaynataq tukuy imayki kaqkunawanpas.