Jueces 19:1 - CHUYA QELLQA La Biblia en Quechua de Ayacucho 2012

¹ Chay punchawkunapiqa manam Israel nacionpi rey karqaraqchu. Efraín law orqokunamanta karupim Leví ayllumanta kaq runa huklaw llaqtayuq hina yacharqa, paymi Judá lawpi Belén llaqtamanta warmita uywanakuqmasin kananpaq pusamurqa.

Quechua Ayacucho Bible 1987

¹ Chay tiempokunapim Israel nacionpi rey manaraq karqachu. Efrain orqokuna cantonpim *f**yacharqa forastero hina Leviy ayllumanta huk qari, paymi Juda lawpi Belen llaqtamanta warmita pusamurqa compañeranpaq.

Chuya Qellqa 1992

¹ Chay punchawkunapiqa manam Israel nacionpi rey karqaraqchu. Efraín law orqokunamanta karupim Leví ayllumanta kaq runa huklaw llaqtayuq hina yacharqa, paymi Judá lawpi Belén llaqtamanta warmita uywanakuqmasin kananpaq pusamurqa.

Jueces 19:1 Iomraidhean Croise

Génesis 22:24

Nacorpa churiwachan Reumañataqmi wachakurqa Tebasta, Gahamta, Tahasta hinaspa Maacata.

Génesis 25:6

Hawa churinkunamanñataqmi regalokunata qorqa, hinaspam kawsachkaspallaraq Isaacpa ladonmanta intipa qespimunan lawman paykunata aviarurqa.

Génesis 35:19

Raquel wañukuptinmi Efrata llaqtaman riq ñanpi pamparurqaku. Efratapa huknin sutinqa Belenmi.

2~Samuel 16:22

Chaymi Absalonpaq palaciopa hawanpi carpata ruwarapurqaku, chaypim Absalonqa lliw Israel runakunapa qawasqanta, taytanpa uywanakusqan warmikunawan Absalón puñurqa.

2~Samuel 19:5

Chaymi reypa wasinman rispan Joab nirqa: Kunanmi llapallan serviqnikikunata penqayman churarunki, paykunam vidaykita, churikikunapa, warmikikunapa chaynataq uywanakusqayki warmikunapa vidantapas librarqaku.

2~Samuel 20:3

Jerusalén llaqtapi palacionman chayaruspanmi, palacion cuidananpaq saqesqan uywanakusqan chunka warmikunata sapaq wasimanña David churarurqa. Paykunamanta nanachikuspanmi hina kikin uywarqa, ichaqa manañam paykunawan puñurqañachu, viudakuna hinam wañunankukama wichqasqa kawsarqaku.

2~Samuel 3:7

Saulpam karqa uywanakusqan Rizpa sutiyuq warmin, paymi karqa Ajapa churin. Paywanmi Abner puñururqa. Chaymi Abnerta Is-boset nirqa: ¿Imanasqataq taytaypa uywanakusqan warmiwan puñururqanki? nispa.

2~Samuel 5:13

Hebrón llaqtamanta Jerusalenman astakuruspanmi Davidqa achka warmikunawan casarakururqa, uywanakurqataqmi huk warmikunawanpas. Paykunam qarita warmita Davidpa churinkunata wachakurqaku.

1~Reyes 11:3

Salomonpa warminkunaqa qanchis pachak reinakunam karqa, uywanakusqan warminkunañataqmi karqa kimsa pachak. Chay warminkunam Salomonpa sonqonta Tayta Diosmanta karuncharachirqa.

1~Reyes 4:8

Paykunam kay llaqtakunapi kamachikurqaku: Hurpa churinqa kamachikurqa Efraín law orqokunapim.

2~Crónicas 11:21

Roboamqa llapallan warmikunamantapas mastaqa Absalonpa churin Maacatam kuyarqa. Roboampam karqa chunka pusaqniyuq warminkuna, soqta chunka uywanakuq masinkuna. Qari churinkunam karqa iskay chunka pusaqniyuq, warmi churinkunañataqmi karqa soqta chunka.

Ester 2:14

Reypa palacionman tardeykuyta rispanmi paqarinnintinñataq sapaq wasimanña pusasqa karqa, chaypi reypa eunucon Saasgazña nanachikunanpaq; payqa reypa uywanakusqan warmikunata nanachikuqmi karqa. Chay warmikunaqa manañam reypa qayllanmanqa yaykuqkuñachu, aswanqa rey qayachimuptillanñam.

Daniel 5:3

Chaynapim Jerusalén llaqtapi Diospa templonmanta saqueamusqanku qorimanta vasokunata apamurqaku. Chay vasokunapim reyqa reqsisqa runankunawan, warminkunawan hinaspa churiwachankunawan vinota upyakurqaku.

Malaquías 2:15

¿Manachum runataqa Dios unancharqa huk cuerpoyuqlla hinaspa huk espirituyuqlla kananpaq? ¿Imapaqtaq Diosqa chaynata unancharqa? Chaynataqa unancharqa runakunapa miraynin Diosllapaqña kananpaqmi. Chaynaqa, Diospa qosusqaykichikta waqaychaspayá, jovenllaraq kachkaspa akllakusqaykichik warmikichiktaqa ama traicionaychikchu.

Mateo 2:6

“Judá lawpi Belén llaqta, qamqa manam Judapi llaqtakunamanta taksallanchu kanki, qanmantam huk kamachikuq hatarinqa, paymi Israel llaqtayta michinqa”, nispanku.

Josué 24:30

Hinaptinmi Timnat-sera llaqta law allpanpi pamparurqaku. Timnat-sera llaqtaqa Efraín law orqokunapim kachkan, Gaas orqopa norte lawninpi.

Josué 24:33

Aaronpa churin Eleazarpas wañu-kuptinmi churin Fineespa allpanpi pamparurqaku, Fineespa allpanqa karqa Efraín law orqokunapim, chay allpatam Fineesman Josué qorqa.

Jueces 12:8

Jefté wañukuptinmi Israel castakunata Belén llaqtamanta kaq Ibzán sutiyuq runaña kamachirqa.

Jueces 17:1

Efraín law orqokunapim Micaía yacharqa.

Jueces 17:6

Chay punchawkunapiqa manaraqmi rey Israel nacionpi karqaraqchu, chayraykum sapakama munasqankuta ruwarqaku.

Jueces 17:7

Judá law Belén llaqtapim Judá ayllumanta kaq joven yacharqa, payqa levitam karqa.

Jueces 17:8

Paymi Judá lawpi Belén llaqtamanta lloqsirqa maypim yachananpaq maskastin, chaymi richkaspan Efraín law orqokunapi yachaq Micaiapa wasinman chayarurqa.

Jueces 18:1

Chay punchawkunapiqa manam Israel nacionpi rey karqachu. Dan ayllukunapapas manataqmi Israel ukupiqa allpanku karqaraqchu, chaymi maypim yachanankupaq allpata maskachkarqaku.

Jueces 18:13

Chaymanta pasaspankum Efraín law orqokunapi yachaq Micaiapa wasinman chayarurqaku.

Jueces 19:16

Hinachkaptinmi huk machucha chakrapi llamkasqanmanta tutaykuqtaña hamuchkasqa, payqa Efraín orqokunamanta kasqanraykum Gabaa llaqtapi huklaw llaqtayuq hina yacharqa. Chay llaqtapi yachaqkunaqa Benjaminpa mirayninkunam karqaku.

Jueces 19:2

Hinaptinmi chay warmiqa piñakuruspan Judá law Belén llaqtapi taytanpa wasinman kutikurqa. Tawa killaña chaypi kachkaptinmi,

Jueces 21:25

Chay punchawkunapiqa Israel nacionpi manaraq rey kasqanraykum sapakama munasqankuman hina kawsakurqaku.

Jueces 3:27

Chayman chayaruspanmi Efraín law orqokunapi trompetata tocaykurqa, hinaptinmi Israelpa mirayninkuna paywan kuska orqomanta uraykamurqaku, Aodñataqmi paykunapa ñawpaqninta rispan