Jueces 18:24 - CHUYA QELLQA La Biblia en Quechua de Ayacucho 2012

²⁴ Micaiañataqmi nirqa: Ruwachikusqay diosniykunatam apakuchkankichik, pusakuchkankichiktaqmi sacerdoteytapas, ¿mana imayuqta saqeruwachkaspaykichikchu “imataq pasasunki” nisparaq tapuwankichik?

Quechua Ayacucho Bible 1987

²⁴ Hinaptinmi Micaiañataq nirqa: —Rurachikusqay taytachaykunatam apakuchkankichik, pusakuchkankichiktaqmi sacerdoteytapas ¿mana imayoqta saqeruwachkaspaykichikchu tapuwankichikraq: “¿Imataq pasasunki?” nispa?

Chuya Qellqa 1992

²⁴ Micaiañataqmi nirqa: Ruwachikusqay diosniykunatam apakuchkankichik, pusakuchkankichiktaqmi sacerdoteytapas ¿mana imayuqta saqeruwachkaspaykichikchu “imataq pasasunki” nisparaq tapuwankichik?

Jueces 18:24 Iomraidhean Croise

Génesis 31:30

Taytaykipa wasinman llumpayta kutiyta munaspaqa ¿imanasqataq diosniykunata suwaramuwarqanki? nispa.

Génesis 31:34

Raquelñataqmi chay idolokunata camellokunapa monturan ukunman pakaruspa hawanpi tiyarurqa, chaynapim Labanqa mana tarirqachu.

2~Crónicas 25:15

Hinaptinmi Amasiaspa contranpi Tayta Dios piñakururqa, hinaspam profetanta kacharqa kaynata nimunanpaq: ¿Imanasqataq huklaw nacionpa dios-ninkunataraq yupaychachkanki llaqtan-tapunipas makikimanta mana librachkaptinqa? nispa.

Jeremías 50:38

Mayunkunapa contranpi peleamuychik, chay mayukuna chakichun, Babiloniaqa tukuy rikchaq idolokunapa kananmi, chay idolonkum paykunata locoyarachin.

Jeremías 51:17

Llapa runakunam mana yachayniyuq rikurirunku, ídolo ruwaqkunamanmi ídolo ruwasqanmanta penqakuy yaykurun. Chay idolokuna ruwasqankuqa mana imapaq valeqmi, chaykunapaqa manam kawsaynin kanchu.

Ezequiel 23:5

Aholam ñoqawan kachkaspan hukwan-hukwan kakuyta qallaykurqa, Asiria nacionniyuq tropakunata kuyaruspanmi paykunawan pierdekururqa.

Hechos 19:26

Ichaqa qamkunam rikuchkankichik hinaspa uyarichkankichik kay Pablopa rimasqanta, paymi nichkan: “Runapa ruwasqanqa manam dioskunachu”, nispa. Chaynata nispaqa manam pantachichkan kay Éfeso llaqtapi kaqkunallatachu, aswanqa lliw Asia lawpi kaqkunatawanmi.

Apocalipsis 17:2

Paywanmi kay pachapi reykuna huchapakurqaku, kay pachapi yachaq runakunapas vinowan sinkachkaq hinam chay chuchumikawan huchapakurqaku, nispa.

Jueces 17:13

Sacerdotenpaq churaruspanmi Micaiaqa tantearqa: Kunanqa Tayta Diosmi bendeciwanqa, Leví casta sacerdotey kapuwasqanrayku, nispa.

Jueces 17:5

Micaiapaqa wasinpim karqa idolonkuna yupaychanan capillan, hinaptinmi efodtawan terafinkunata otaq idolokunata ruwarachispa huknin churinta sacerdote kananpaq churarqa.

Jueces 18:23

Qayaykachakusqankuta uyariruspankum, Dan ayllukunaqa muyuriykamuspanku Micaiata nirqaku: ¿Imataq pasasunki qayaykachamuwanaykikupaq? nispanku.

Jueces 18:25

Hinaptinmi Danpa mirayninkuna nirqaku: Ama qayaykachamuwaykuchu, yanqañataq hukkaqniyku piñakuruspa qamtapas chaynataq aylluykikunatapas wañurachikikuman, nispa.