Jueces 18:2 - CHUYA QELLQA La Biblia en Quechua de Ayacucho 2012

² Chayraykum Danpa mirayninkunaqa Zora llaqtamantawan Estaol llaqtamanta pichqa allinnin qari-qari runakunata kacharqaku, chaynapi allpata allinta qawamunankupaq, paykunatam nirqaku: Rispa allpata qawamuychik, nispanku. Chay pichqa runakunam Efraín orqokunaman chayarurqaku, hinaspam samapakunankupaq Micaiapa wasinman rirqaku.

Quechua Ayacucho Bible 1987

² Chaymi Danpa mirayninkuna Zora llaqtamantawan Estaol llaqtamanta pichqa kallpasapa qarikunata kacharqaku chaynapi allpata reqsimuspa qawamunankupaq, paykunatam nirqaku: —Rispayá allpata qawamuychik —nispa. Chay pichqantin runakuna Efrain orqokunaman chayaruspankum Micaiapa wasinman rirqaku samakunankupaq.

Chuya Qellqa 1992

² Chayraykum Danpa mirayninkunaqa Zora llaqtamantawan Estaol llaqtamanta pichqa allinnin qari-qari runakunata kacharqaku, chaynapi allpata allinta qawamunankupaq, paykunatam nirqaku: Rispa allpata qawamuychik, nispanku. Chay pichqa runakunam Efraín orqokunaman chayarurqaku, hinaspam samapakunankupaq Micaiapa wasinman rirqaku.

Jueces 18:2 Iomraidhean Croise

Génesis 42:9

Chaymi Joseqa paykunamanta mosqokusqanta yuyariruspa nirqa: Wateqaqkunam kankichik, kay nacionqa arkachisqa otaq mana arkachisqa kasqanta qawaqmi hamurqankichik, nispa.

Proverbios 20:18

Allin consejowanmi ima ruway munasqapas allinqa qespin, allinta tantearispam guerramanqa yaykuna.

Números 13:17

Canaán allpata imaynam kasqanta qawamunankupaq kachaspanmi paykunata Moisés nirqa: Kaymantam Neguev lawman rinkichik, hinaspañam orqoman qespinkichik.

Lucas 14:31

Chaynataqmi chunka waranqa soldadoyuq reypas, puntataqa tiyaykuspa allinta tanteanan, iskay chunka waranqa soldadoyuq reywan peleaq rinanta otaq mana rinantapas.

Josué 15:33

Pampakunapiñataqmi karqa: Estaol, Zora, Asena,

Josué 19:41

Paykunapa allpankupim kay llaqtakuna tarikurqa: Zora, Estaol, Ir-semes.

Josué 2:1

Nunpa churin Josueymi, Sitim lawmanta mana pipapas yachasqallanta, iskay wateqaqkunata kachaspan kaynata nirqa: Jericó llaqtatawan muyuriqninpi allpakunata qawaramuychik, nispa. Chaymi rispanku Rahab sutiyuq chuchumika warmipa wasinman chayaruspanku chaypi samarurqaku.

Josué 2:2

Ichaqa hukkaqninmi Jericó llaqtapa reyninman kaynata willaykurqa: Israelpa mirayninmanta kaq runakunam allpanchikta wateqanankupaq kunan tuta hamurunku, nispa.

Jueces 13:2

Zora llaqtapim Dan ayllumanta kaq Manoa yacharqa, warminñataqmi mana wachakuq karqa.

Jueces 13:25

Zora llaqtamanta Estaol llaqtaman rinapi, Dan ayllupa campamentonkunapi Sansón kachkaptinmi Tayta Diospa Espiritun paypi llamkayta qallaykurqa.

Jueces 16:31

Hinaptinmi Sansonpa wawqen-kuna taytanpa llapallan ayllunkunapiwan hamuruspanku Sansonpa ayanta aparqaku, hinaspam Zoramanta Estaolman rinapi, taytan Manoapa sepulturanpi pamparurqaku. Sansonqa iskay chunka watam Israel miraykunata kamachirqa.

Jueces 17:1

Efraín law orqokunapim Micaía yacharqa.

Jueces 18:11

Chaymi Dan ayllumanta soqta pachak qarikuna guerrapaq allin armasqakama Zora llaqtamantawan Estaol llaqtamanta lloqsirqaku.

Jueces 18:13

Chaymanta pasaspankum Efraín law orqokunapi yachaq Micaiapa wasinman chayarurqaku.

Jueces 18:3

Micaiapa wasinpa hichpanpiña kachkaspankum Leví casta jovenpa rimasqanta musyaruspanku yaykuruspa tapurqaku: ¿Pitaq kayman pusamusurqanki? ¿Imatataq kaypi ruwachkanki? ¿Imanas-qataq kaypi kachkanki? nispanku.

Jueces 18:8

Chay pichqa wateqamuqkuna Zora llaqtapi hinaspa Estaol llaqtapi kaq ayllunkuman kutimuptinkum paykuna tapurqaku: ¿Imaynataq karamunkichik? nispanku.

Jueces 19:1

Chay punchawkunapiqa manam Israel nacionpi rey karqaraqchu. Efraín law orqokunamanta karupim Leví ayllumanta kaq runa huklaw llaqtayuq hina yacharqa, paymi Judá lawpi Belén llaqtamanta warmita uywanakuqmasin kananpaq pusamurqa.

Jueces 19:18

Chaymi payñataq nirqa: Judá lawpi Belén llaqtamantam hamuchkaniku, hinaspam Efraín law orqokunapa waklawninpi maymi yachanaykuman richkaniku. Judá law Belén llaqtapim kamurqani, kunanñataqmi Tayta Diospa santuarionman richkani, ichaqa manam pipas wasinpi samaykachiwayta munanchu.