Jueces 17:5 - CHUYA QELLQA La Biblia en Quechua de Ayacucho 2012

⁵ Micaiapaqa wasinpim karqa idolonkuna yupaychanan capillan, hinaptinmi efodtawan terafinkunata otaq idolokunata ruwarachispa huknin churinta sacerdote kananpaq churarqa.

Quechua Ayacucho Bible 1987

⁵ Micaiapa wasinpim kapurqa capillan hinaptinmi Diosta adorananpaq efodtawan wasinpaq taytachata rurachirqa hinaspam huknin churinta sacerdote kananpaq churarqa.

Chuya Qellqa 1992

⁵ Micaiapaqa wasinpim karqa idolonkuna yupaychanan capillan, hinaptinmi efodtawan terafinkunata otaq idolokunata ruwarachispa huknin churinta sacerdote kananpaq churarqa.

Jueces 17:5 Iomraidhean Croise

Génesis 31:19

Labanñataqmi ovejankuna rutuq pasakuspa mana wasinpichu tarikurqa. Chaykamam Labanpa idolonkunata Raquel suwaramurqa.

Génesis 31:30

Taytaykipa wasinman llumpayta kutiyta munaspaqa ¿imanasqataq diosniykunata suwaramuwarqanki? nispa.

1~Reyes 12:31

Ruwachirqataqmi alto moqokunapi capillakunatapas, hinaspam mana Leviypa mirayninmanta kaq runakunata sacerdote kanankupaq churarurqa.

1~Reyes 12:32

Chaymantam qallarichirqa pusaq kaq killapa chunka pichqayuq punchawninpi huk hatun fiestata, chay fiestataqa ruwachirqa Judá nacionpi fiestata hinam, hinaspam kikinpuni sacrificiokunata altarpi ofrecerqa, chaynatam Bet-el llaqtapi ruwarqa. Qorimanta ruwasqan torillokunapaqmi animalta wañuchispa lliwta kañarqa, hinaspam Bet-el llaqtapa moqonkunapi capillakuna ruwachisqanpi sacerdotekunata churarqa.

Esdras 1:7

Rey Nabucodonosormi Jerusalenpi Tayta Diospa templonmanta apaspan diosninkunapa templonman churarqa, chay serviciokunatam rey Ciro hurqomurqa,

Éxodo 24:5

Chaymantam Israel casta jovenkunata kacharqa, torokunata sacrificaspa Tayta Dioswan allinlla kasqankumanta ofrecenankupaq.

Éxodo 28:15

Efodta ruwasqankuta hinam imam munasqayta yachanaykipaq pectoraltapas ruwachinki, qorimanta, morado qaytumanta, grosella qaytumanta hinaspa kawpusqa linomanta.

Éxodo 28:4

Kaykunam ruwananku pachakuna: Pectoral, efod, capa, bordasqa túnica, mitra hinaspa chumpi. Chay pachakunatam wawqeki Aaronpaqwan churinkunapaq ruwanqaku chaynapi sacerdoteykuna kanankupaq.

Éxodo 29:9

Aarontawan churinkunatam chumpiwan chumpichinki, churachinkitaqmi mitrakunawanpas, chaynapim paykunaqa kamachikuyman hina wiñaypaq sacerdotekunaña kanqaku. Chaynatam Aarontawan churinkunata wiñaypaq sacerdoteykuna kanankupaq sapaqchanki.

Isaías 44:13

Carpinteroñataqmi kaynata ruwan: Reglawan tupuruspanmi lapizwan chaynataq compaswan dibujarun, hinaspam formonwan llaqllaspan kuyayllapaqta runa kaqllata ruwan. Tukuruspanmi templopi churaykun.

Ezequiel 21:21

Babilonia nacionpa reyninmi chay iskay ñankunapa qallariyninpi sayaykuspan suerteta chamqachkan, flechankunatam taspichkan, idolonkunatam tapukuchkan, animalkunapa kichpannintam qawachkan.

Ezequiel 21:26

Ñoqa Tayta Diosmi kaynata nini: Chay uma wankinaykita hurqokuy, hurqokuytaq chay coronaykitapas, tukuy imapas manam ñawpaqta hinañachu kanqa. Pampapi kaqmi altoman churasqa kanqa, altopi kaqñataqmi pampaman uchuychasqa kanqa.

Oseas 3:4

Israelpa mirayninkunapas unay watakunam mana reyniyuq, mana kamachiqniyuq kanqaku; sacrificiopas, sacerdotekunapas, idolokunapas manam kanqañachu.

Oseas 8:14

Israelmi unanchaqninta qonqaruspan palaciokunata ruwakurun, Judapas murallasqa llaqtakunatam achkallataña hatarirachin, ñoqam ichaqa palacionkunata ninawan kañasaq, murallankunatapas ninawanmi uchpayachisaq.

Números 3:10

Aaronwan churinkunam sacerdotekunapa imam ruwananta ruwanqaku. Pipas mana sacerdote kachkaspa santuarioman asuykuqqa wañunqam, nispa.

Hebreos 5:4

Manam pipas kikillanmantaqa Sumo sacerdoteqa kanmanchu, aswanqa kanman Aarón hina Diospa qayasqan kaqkunallam.

Jueces 17:4

Chay qollqeta Micaía kutiykachiptinmi, maman iskay kilo masnin qollqeta plateroman qoykurqa llaqllaspa chaynataq chulluchispa ruwasqa idolokunata ruwananpaq; chay idolokunatam Micaiapa wasinman churarqaku.

Jueces 18:14

Hinaptinmi Lais allpa reqsimuq pichqa runakuna ayllunkunaman willarqaku: Kay wasipiqa kachkanmi efodpas chaynataq llaqllaspa hinaspa qollqeta chulluchispa ruwasqa idolonkunawan terafinkunapas. Chaynaqa, ¿ima ruwaytataq munankichik? nispanku.

Jueces 18:24

Micaiañataqmi nirqa: Ruwachikusqay diosniykunatam apakuchkankichik, pusakuchkankichiktaqmi sacerdoteytapas, ¿mana imayuqta saqeruwachkaspaykichikchu “imataq pasasunki” nisparaq tapuwankichik?

Jueces 18:30

Chay llaqtapim Danpa mirayninkuna, llaqllasqa idolota yupaychanankupaq churarqaku, sacerdotenku kananpaqñataqmi Gersonpa churinta otaq Moisespa willkan Jonatanta churarqaku. Jonatanpa mirayninkunapas sacerdotekunam karqaku Israel nacionninkumanta preso apasqa rinankukama.

Jueces 8:27

Chay adornokunamantam huk Efodta Gedeón ruwachirqa, hinaspam Ofra llaqtanpi churarachirqa; chaymi Israelpa llapallan mirayninkunaqa Tayta Diosta saqeruspanku chay efodtaña yupaycharqaku. Chaywanmi Gedeonpas chaynataq ayllunkunapas huchallikurqaku.

1~Samuel 19:13

Chaymantam Micalqa huk idolota Davidpa camanman siriykachirqa, sawnanmanñataqmi cabrapa pelonmanta ruwasqa sawnata churaykurqa, hinaspam qataykurqa.

1~Samuel 23:6

Davidwan pakakuq Ahimelecpa churin Abiatarpas efod apakusqam Keila llaqtaman uraykurqa.