Jueces 16:27 - CHUYA QELLQA La Biblia en Quechua de Ayacucho 2012

²⁷ Chay templopiqa qaripas warmipas achka-achkam kachkarqaku. Filisteoku-napa llapallan kamachiqninkunapas chaypim tarikurqaku, templopa altosninpipas qarikuna warmikunam yaqa kimsa waranqa kachkarqaku, Sansonta burlakuspa asikusqankuta qawaspanku.

Quechua Ayacucho Bible 1987

²⁷ Chay templopim kachkarqaku huntay-huntayllaña qarikunawan warmikuna. Filistea runakunapa llapallan kamachiqninkunapas chaypim kachkarqaku, templopa altosninpipas yaqa kimsa waranqa qarikunawan warmikunam kachkarqaku Sansonpa asichisqanta qawaspanku.

Chuya Qellqa 1992

²⁷ Chay templopiqa qaripas warmipas achka-achkam kachkarqaku. Filisteokunapa llapallan kamachiqninkunapas chaypim tarikurqaku, templopa altosninpipas qarikuna warmikunam yaqa kimsa waranqa kachkarqaku, Sansonta burlakuspa asikusqankuta qawaspanku.

Jueces 16:27 Iomraidhean Croise

2~Samuel 11:2

Hinaspam Davidqa tarde lawta camanmanta hatariruspan palacionpa altosninpi ichikachachkarqa, hinaspam ancha kuyayllapaq warmita bañakuchkaqta rikuruspan,

Deuteronomio 22:8

Musoq wasita ruwakuspaykiqa qatanpa muyuriqninpim perqanta ruwanki. Mana chayqa pipas wichiykamuspa wañuruptinmi wasipi kaqkuna huchayuq kawaqchik.

Josué 2:8

Rahabñataqmi, pakasqan runakuna manaraq puñuruchkaptinku, wasi hawanman qespiruspan nirqa:

Jueces 16:26

Chaymi pusaqnin warmata Sansón nirqa: Tawnapakuykunaypaq templo takyachiq pilarkunaman asuykachiway, nispan.

Jueces 16:28

Hinaptinmi Tayta Diosta mañakuspan Sansón nirqa: Dios Taytalláy, kunanllañayá yuyariykullaway. Diosnilláy kallpanchaykullaway ñawiykunamanta filisteokunata vengakurunaypaq, nispa.

Jueces 9:51

Chay llaqtapa chawpinpim qaqay-qaqay torre karqa, chaymanmi llapallan qarikuna, warmikuna chaynataq llaqtapi yachaqkunapas pakakurqaku, hinaspam punkukunata wichqakuruspanku torrepa hawanman seqarurqaku.