Jueces 16:25 - CHUYA QELLQA La Biblia en Quechua de Ayacucho 2012

²⁵ Llumpay kusisqa kaspankum nirqaku: Asichiwananchikpaq Sansonta pusamuychik, nispanku. Sansonta carcelmanta pusaramuptinkum paykunapa qayllanpi asichiqninku karqa. Chaymantam Sansonta pilarkunapa chawpinman sayaykachirqaku.

Quechua Ayacucho Bible 1987

²⁵ Anchata kusikuspankum nirqaku: —Sansonta pusachimuychik asichiwananchikpaq —nispa. Sansonta carcelmanta pusamuptinkum paykunapa qayllanpi asichiqninku karqa. Chaymantañataqmi Sansonta pilarkunapa chawpinman sayaykachirqaku.

Chuya Qellqa 1992

²⁵ Llumpay kusisqa kaspankum nirqaku: Asichiwananchikpaq Sansonta pusamuychik, nispanku. Sansonta carcelmanta pusaramuptinkum paykunapa qayllanpi asichiqninku karqa. Chaymantam Sansonta pilarkunapa chawpinman sayaykachirqaku.

Jueces 16:25 Iomraidhean Croise

2~Samuel 13:28

Hinaspam serviqninkunata kamachirqa: Amnontam allinta qawankichik, sinkaña kachkaptinmi wañurachinaykichikpaq kamachisqaykichik, hinaptinmi ama manchakuspa wañuchinkichik, ñoqam kamachikichik, kallpanchakuspa qarinchakuychik, nispa.

1~Reyes 20:12

Ben-adadmi wakin reykunapiwan ramadapi tomachkarqaku, chaymi Acabpa nimusqanta uyariykuspan capitanninkunata, nirqa: Atacanapaq allichakuychik, nispa. Chaymi llaqtata atacanankupaq alli-chakurqaku.

Ester 1:10

Qanchis kaq punchawpim, reyqa vino upyasqanwan kusisqallaña kaspan, Mehumanta, Biztata, Harbonata, Bigtata, Abagtata, Zetarta hinaspa Carcasta, kay qanchis serviqninkunata kamachirqa,

Ester 3:15

Reypa kamachikusqanman hinam chay cartakuna utqayman apasqa karqa, Susa llaqtapipas willachisqa kaptinmi llapa runakuna hatun chaqwapi tarikurqaku. Amanñataqmi reywan kuska tiyaykuspa upyakurqaku.

Isaías 22:13

Ichaqa kusikuyllawanñam fiestakunataraq ruwakunkichik, torokunatawan carnerokunata nakakuspam aycha mikukuypi hinaspa vino upyakuypi kakunkichik. Chaywanpas ninkichikraqmi: “Mikukusun, upyakusun, paqarinmi wañukusun” nisparaq.

Mateo 27:29

Umanmanpas kichkaman-ta simpasqa coronata churaykuspankum alleq makinmanñataq kaspita hapichirqaku, hinaspam ñawpaqninpi qonqorakuspanku kaynata burlakur-qaku: ¡Kawsachun judiokunapa reynin! nispanku.

Hebreos 11:36

Wakinkunatam burlakurqaku, azoterqaku, cadenarqaku hinaspam carcelman wichqarqaku. Chayna pruebakunatam chaskirqaku.

Jueces 16:24

Wakin runakunapas Sansonta qawaykuspankum diosninkuta kaynata yupaycharqaku: Diosninchikmi Sansonta qoykuwanchik, enemigonchik runatam qoykuwanchik, chakranchikkuna purmachiqtam qoykuwanchik, ayllunchikkuna wañuchiqtam makinchikman churaykun, nispanku.

Jueces 16:26

Chaymi pusaqnin warmata Sansón nirqa: Tawnapakuykunaypaq templo takyachiq pilarkunaman asuykachiway, nispan.

Jueces 18:20

Chay nisqanku sonqonpaq hinakaptinmi sacerdoteqa efodtawan wasiyuqpa idolonkunata, llaqllasqa idolokunata aparikuspan chay runakuna-taña qatikurqa.

Jueces 19:6

Chaymi mikunankupaq hinaspa upyanankupaq iskayninku tiyaykurqaku, hinaptinmi masanta sipaspa taytan nirqa: Ama hina kaspayá kunan tutatawanraq kaypi qepaykuy chaynapi sonqoykita kusichinaykipaq, nispa.

Jueces 19:9

Warmintawan criadonta pusarikuspa pasanankupaq chay qari hatariptinmi yapamanta suegron nirqa: Tutaykamuchkanñam, kunan tutatawanyá kaypi samakuy. Kayqaya punchawqa tutaykamuchkanña, sonqoykita kusichinaykipaqyá kaypi puñukuy. Paqarin tutapaytañachiki wasikiman ripukunki, nispa.

Jueces 9:27

Chaymantam Siquem llaqtayuqkunaqa chakraman rispanku uvasninkuta pallaruspa vinota ruwarurqaku, hinaspam diosninkupa templonpi fiestata ruwarqaku, chaypim mikuspanku upyaspanku Abimelecta ñakarqaku.