Jueces 16:24 - CHUYA QELLQA La Biblia en Quechua de Ayacucho 2012

²⁴ Wakin runakunapas Sansonta qawaykuspankum diosninkuta kaynata yupaycharqaku: Diosninchikmi Sansonta qoykuwanchik, enemigonchik runatam qoykuwanchik, chakranchikkuna purmachiqtam qoykuwanchik, ayllunchikkuna wañuchiqtam makinchikman churaykun, nispanku.

Quechua Ayacucho Bible 1987

²⁴ Wakin runakunapas Sansonta qawaykuspankum diosninkuta yupaycharqaku kaynata: Diosninchikmi Sansonta qoykuwanchik. Enemigonchik runatam qoykuwanchik. Chakranchikkuna purmachiqtam qoykuwanchik. Ayllunchikkuna wañuchiqtam makinchikman churaykun.

Chuya Qellqa 1992

²⁴ Wakin runakunapas Sansonta qawaykuspankum diosninkuta kaynata yupaycharqaku: Diosninchikmi Sansonta qoykuwanchik, enemigonchik runatam qoykuwanchik, chakranchikkuna purmachiqtam qoykuwanchik, ayllunchikkuna wañuchiqtam makinchikman churaykun, nispanku.

Jueces 16:24 Iomraidhean Croise

1~Crónicas 10:9

Chaymi Saulpa pachanta llatanaruspanku umantawan armankunata aparqaku, hinaspam Filistea llaqtakunaman chaynataq diosninkumanpas runakunawan willachimurqaku.

Isaías 37:20

Kunanyá Dios Taytallayku, qamlla Dios kasqaykita kay pachapi llapallan nacionkuna reqsinankupaq rey Senaqueribpa makinmanta libraykuwayku, nispa.

Ezequiel 20:14

Ichaqa manam chaynatachu ruwarqani, chaynapi imaynam Egipto nacionmanta hurqomusqayta qawaq nacionkunapa qayllanpi sutiy mana yanqachasqa kananpaq.

Daniel 5:23

Aswanraqmi qamqa hanaq pachapi kaq Diospa contranpi hoqarikurqanki. Templonpi vasokunata aparachimuspaykim ancha reqsisqa runaykikunawan, warmikikunawan hinaspa churiwachaykikunawan, chay vasokunapi vinota upyakuchkankichik. Hinaspam qollqemanta, qorimanta, broncemanta, fierromanta, kullumanta, rumimanta idolokunata yupaycharqanki. Chay idolokunaqa mana qawakuqmi, mana uyarikuqmi hinaspa mana ima musyaqmi. Kawsachisuspayki tukuy ruwasqaykita nanachikuq Diostam ichaqa mana yupaycharqankichu.

Daniel 5:4

Llapallankum vinota upyakuspanku qorimanta, qollqemanta, broncemanta, fierromanta, kullumanta hinaspa rumimanta idolonkunata hatuncharqaku.

Habacuc 1:16

Chayraykum mallankuta yupaychanku, inciensotaraqmi qontichipunku, chay mallankuwanmi tukuy imata huñukunku, chayraykum mikunankupas mana pisiq.

Deuteronomio 32:27

Ichaqa enemigokunapa asipayasqa kanantam mana munarqanichu, yanqañataq contrankupi kaqkuna ninmanku: “Kaytaqa kallpallanchikwanmi ruwarunchik, manam Tayta Dioschu ruwan”, nispanku.

Apocalipsis 11:10

Kay pachapi kawsaqkunañataqmi chay wañuqkunamanta kusikunqaku, hinaspam kusikuymanta regalokunatapas apachinakunqaku, chaynataqa ruwanqaku chay iskay profetakuna kay pachapi yachaqkunata manaña ñakarichisqankuraykum.

Jueces 15:14

Lehi lawman chayarachimuptinkum Sansonwan tupanankupaq filisteokuna kusikuymanta qaparistin lloqsimurqaku, ichaqa Sansonman Tayta Diospa Espiritun huntaykuptinmi brazonkunapi chaqnasqa waskakunata rupasqa lino waskata tipichkaq hinalla tipirurqa, hinaptinmi makinkunamanta wichirurqa.

Jueces 15:16

Hinaspanmi Sansón nirqa: Asnopa kakichunwanmi waranqantin runata wañurachini, hinaspaymi huk montonta iskay montonta ruwaruni, nispa.

Jueces 15:8

Hinaspanmi mana llakipayaspa man-charikuypaqta wañurachirqa, tullun-kutapas pakiparurqam. Chaymanta pasakuspanmi Etam qaqa machaypi yacharqa.

Jueces 16:25

Llumpay kusisqa kaspankum nirqaku: Asichiwananchikpaq Sansonta pusamuychik, nispanku. Sansonta carcelmanta pusaramuptinkum paykunapa qayllanpi asichiqninku karqa. Chaymantam Sansonta pilarkunapa chawpinman sayaykachirqaku.

1~Samuel 31:9

Chaymi Saulpa umanta qoruruspanku armankunatapas lliwta hoqarirurqaku, hinaspam Filistea llaqtakunaman chaynataq diosninkunamanpas runakunawan willachimurqaku.