Jueces 16:20 - CHUYA QELLQA La Biblia en Quechua de Ayacucho 2012

²⁰ nirqa: ¡Sansón, filisteokuna hawaykipiña! nispa. Sansonñataqmi puñusqanmanta rikchariruspan yuyaymanarqa: Kunanpas wakin kutipi hinam librakurusaq, nispa. Ichaqa manam yacharqachu paymanta Tayta Dios karunchakurusqantaqa.

Quechua Ayacucho Bible 1987

²⁰ nirqa: —¡Sanson, Filistea runakunam hapirusuchkankiña! —nispa. Puñusqanmanta Sanson rikchariruspanmi piensarqa: —Kunanpas wakin kutipi hinam librakurusaq —nispa. Ichaqa manam yacharqachu Tayta Dios paymanta karunchakurusqanta.

Chuya Qellqa 1992

²⁰ nirqa: ¡Sansón, filisteokuna hawaykipiña! nispa. Sansonñataqmi puñusqanmanta rikchariruspan yuyaymanarqa: Kunanpas wakin kutipi hinam librakurusaq, nispa. Manam yacharqachu paymanta Tayta Dios karunchakurusqantaqa.

Jueces 16:20 Iomraidhean Croise

2~Crónicas 15:2

Rey Asawan tupananpaq rispan nirqa: Rey Asa, Judá runakuna hinaspa Benjamín ayllukuna, llapallaykichik uyariwaychik: Tayta Dioswan kaptikichikqa paypas qamkunawanmi kanqa, maskaspaykichikqa tarinkichikmi, saqeruptikichikqa paypas saqerusunkichikmi.

Isaías 42:24

¿Pitaq Israelta suwakunapa hinaspa ñakarichiqkunapa makinman qoykurqa? ¿Manachum Tayta Diosqa huchanchikrayku chaykunaman qoykurqa? Manam paypa munasqanman hina kawsayta munarqakuchu, kamachikuyninkunatapas manam kasukurqakuchu.

Oseas 7:9

Huklaw nación runakunam paykunapa kallpanta tukurun, ichaqa manam musyakunkuchu; umankupas soqoyarunñam ichaqa manam musyakunkuchu.

Números 14:9

Chaynaqa, ama Tayta Diospa contranpi hatariychikchu, nitaq chay allpapi runakunatapas manchakuychikchu, paykunataqa manam pipas yanapanchu, ñoqanchikwanmi ichaqa Tayta Dios kachkan, tantata mikuchkaq hinallam vencerusunchik, nispanku.

Mateo 17:16

Discipuloykikunamanmi apamurqani, ichaqa manam sanoyachiyta atinkuchu, nispan.

Mateo 17:20

Chaymi Jesusñataq nirqa: Pisi iñiyniyuq kasqaykichikraykum. Cheqaptapunim nikichik, sichum iñiyni-kichik huk mostazapa muhun hinallapas kaptinqa, kay orqotam niwaqchik: “Kaymanta waklawman suchuy” nispa, hinaptinqa pasanmanmi. Manam imapas sasaqa kanmanchu, nispan.

2~Corintios 3:5

Manam ñoqaykuqa kikiykumanta ruway atiq hinachu, aswanqa tukuy ima ruwanaykupaq yachayqa Diosmantam hamun.

Deuteronomio 32:30

¿Chullalla runa, waranqa runata qatikacharunmanchu? ¿Iskaylla runa, chunka waranqa runata qatikacharunmanchu? Arí atirunmanmi, ichaqa enemigonkuman waqaychaqninku Tayta Dios hapiykachiptillanmi.

Josué 7:12

Chayraykum Israelpa mirayninkunaqa enemigonkuna venceyta manaña atinqakuchu, aswanqa enemigonkupa ñawpaqninmantam ayqenqaku, paykunapas chinkachisqa kanankupaq ñakasqaña kasqankurayku. Sichum qamkuna chay ñakasqa kaqkunata mana chinkachiptikichikqa manam yanapasqaykichikñachu.

Jueces 16:14

hinaspam pampaman estacaruspan nirqa: ¡Sansón, filisteokunam hawaykipiña! nispan. Sansonmi ichaqa puñusqanmanta rikchariruspan estacata telarnintinta chutarurqa.

Jueces 16:19

Dalilam Sansonta moqonkunapa hawanpi puñurachirqa, hinaspam huk qarita qayaykuspan qanchisman simpasqa chukchanta ruturachirqa. Kallpan chinkaruptinmi burlakuyta qallaykuspan

Jueces 16:21

Filisteokunañataqmi Sansonta hapiruspanku ñawinkunata hurqorurqaku, hinaspam Gaza llaqtaman aparqaku, chaypim broncemanta cadenawan wataruspanku carcelpi kaq molinopi kutachirqaku.

Jueces 16:3

Sansonmi ichaqa chawpi tutakamalla puñururqa. Chaylla hatariruspanmi, llaqtapa punkunta, pilarnintinta hinaspa cerrojontinta hombrorikuspan Hebronpa chimpan moqopa puntankama aparurqa.

Jueces 16:9

Filisteokuna Dalilapa wasinpi pakakusqa kachkaptinkum Dalila nirqa: ¡Sansón, filisteokuna hawaykipiña! nispa. Chaymi waskakunata Sansón tipirurqa, ninapa rupasqan lino qaytuta hinalla, chayraykum imapim kallpan kasqantapas mana yacharqakuchu.

1~Samuel 16:14

Tayta Diospa Espiritunmi Saulmanta anchurikururqa, hinaptinmi Tayta Diospa kachamusqan mana allin espíritu Saulta ñakarichirqa.

1~Samuel 18:10

Paqarinnintinmi Saulta Diospa kacha-musqan mana allin espíritu hapirurqa, hinaptinmi Saulqa palacion ukupi loco hinaña hapisqanta rimakurqa. Davidña-taqmi ñawpaq tocapusqanta hina arpata tocarqa. Saulqa lanza hapirisqam kachkarqa.

1~Samuel 18:12

Saulmi manchakururqa Davidta Tayta Dios yanapasqanrayku, Saultam ichaqa manaña yanaparqachu.