Jueces 15:18 - CHUYA QELLQA La Biblia en Quechua de Ayacucho 2012

¹⁸ Chaymantam Sansonqa sinchita yakunayaruptin Tayta Diosta kaynata qayakurqa: ¿Kaynaña runata vencerachiwachkas-pachu kunanñataq yakumanta wañurachiwankiman kay mana reqsisuqniki runakunapa makinpi? nispa.

Quechua Ayacucho Bible 1987

¹⁸ Chaymantam Sanson sinchita yakunayarachikuspa Tayta Diosta mañakurqa: —¿Kaynasuta vencerachiwachkaspachu kunanñataq yakumanta wañurachiwanki kay mana señalasqa runakunapa makinpi? —nispa.

Chuya Qellqa 1992

¹⁸ Chaymantam Sansonqa sinchita yakunayaruptin Tayta Diosta kaynata qayakurqa: ¿Kaynaña runata vencerachiwachkaspachu kunanñataq yakumanta wañurachiwankiman kay mana reqsisuqniki runakunapa makinpi? nispa.

Jueces 15:18 Iomraidhean Croise

Génesis 20:11

Hinaptinmi Abraham nirqa: Arí kaytam piensarqani: “Kaypiqa manam Diosta manchakunkuchu, hinaspachá warmiyrayku wañurachiwanqaku” nispay.

Génesis 32:31

Chaymantam Jacobqa wistutyastin rirqa, Penielta pasaruptinñam inti qespiramurqa.

2~Samuel 1:20

Gat llaqtapiqa amam willakunkichikchu, Ascalón llaqtapa callenkunapiqa amam willakunkichikchu Filistea warmikunam kusikunmanku, Diosta mana reqsiq warmikunam kusikuymanta pawaykachanmanku.

Juan 19:28

Kaykuna pasakuptinqa Jesusqa yacharqañam tukuy imapas cumplikusqanta, chaymi Qellqapa nisqan cumplikunanpaq nirqa: Yakunayaruwanmi, nispa.

Hebreos 11:32

¿Imatawanraqtaq niyman? Tiempo-pas manam haypawanmanchu, Gedeon-manta, Baracmanta, Sansonmanta, Jeftey-manta, Davidmanta, Samuelmanta chay-nataq profetakunamantapas rimaptiyqa.

Jueces 14:3

Hinaptinmi tayta-maman nirqaku: ¿Manachu ayllunchikpi otaq nacionninchikpi warmi kan paywanraq casarakunaykipaq? ¿Imanasqataq Tayta Diosta mana reqsiq Filistea warmiwanraq casarakuyta munachkanki? nispanku. Chaymi taytanta Sansón nirqa: Chay sipasmi sonqoyta suwaruwan, casarakunaypaq payta hurqopamuwaychik, nispa.

Jueces 15:17

Rimayta tukuruspanmi asnopa kakichunta wischuruspan chay sitiota “Ramat-lehi” nispa suticharqa.

Jueces 16:28

Hinaptinmi Tayta Diosta mañakuspan Sansón nirqa: Dios Taytalláy, kunanllañayá yuyariykullaway. Diosnilláy kallpanchaykullaway ñawiykunamanta filisteokunata vengakurunaypaq, nispa.

Jueces 8:4

Gedeonmi kimsa pachak runankunapiwan Jordán mayuta chimparurqaku. Pisipasqa kachkaspankupas enemigonkutam qatirqaku.

1~Samuel 17:26

Chaymi waqtanpi kaqkunata David tapurqa: ¿Imatataq wak filisteo runata wañu-chiqman hinaspa Israel tropakunapa penqayninta chinkachiqman qonqaku? ¿Pitaq wak mana señalasqa filisteoqa, kawsaq Diospa tropankunata insultananpaqqa? nispa.

1~Samuel 17:36

Leontapas otaq ukumaritapas kay qawasqayki serviqnikiqa wañuchiqmi kani. ¡Wak mana señalasqa filisteoqa chay animalkuna hinallam kachkan! ¿Imanasqamá payqa kawsaq Diospa tropankunataqa insultanqa?

1~Samuel 27:1

Davidmi yuyaymanayninpi nirqa: Hukkaqnin punchawtachá Saulqa wañurachiwanqa, chaynaqa filisteokunapa nacionninman ayqekusaq, chaypi kaptiyqa Saulqa manañam maskawanqañachu nitaq Israel runakunapa allpanpipas. Chaynatam paypa makinmanta lluptikusaq, nispa.