Jueces 15:14 - CHUYA QELLQA La Biblia en Quechua de Ayacucho 2012

¹⁴ Lehi lawman chayarachimuptinkum Sansonwan tupanankupaq filisteokuna kusikuymanta qaparistin lloqsimurqaku, ichaqa Sansonman Tayta Diospa Espiritun huntaykuptinmi brazonkunapi chaqnasqa waskakunata rupasqa lino waskata tipichkaq hinalla tipirurqa, hinaptinmi makinkunamanta wichirurqa.

Quechua Ayacucho Bible 1987

¹⁴ Lehi lawman chayarachimuptinkum Filistea runakuna kusikuymanta qaparistin lloqsimurqaku Sansonwan tupanankupaq ichaqa Tayta Diospa Espiritun payta yanapaptinmi brazonkunapi chaqnasqa waskakunata tipirurqa rupasqa lino waskata tipichkaq hinalla hinaptinmi makinkunamanta wichirurqa.

Chuya Qellqa 1992

¹⁴ Lehi lawman chayarachimuptinkum Sansonwan tupanankupaq filisteokuna kusikuymanta qaparistin lloqsimurqaku, ichaqa Sansonman Tayta Diospa Espiritun huntaykuptinmi brazonkunapi chaqnasqa waskakunata rupasqa lino waskata tipichkaq hinalla tipirurqa, hinaptinmi makinkunamanta wichirurqa.

Jueces 15:14 Iomraidhean Croise

Jobwan Sutichasqa Libro 20:5

Mana allin runapa asikuyninqa tukuruqllam, Diosta mana kasukuq runapa kusikuyninqa chinkaruqllam.

Éxodo 14:3

Faraonmi ninqa: “Israelpa mirayninkunaqa purunpim pantaruspanku chunniqwan wichqarachikunku” nispa.

Éxodo 14:5

Israelpa mirayninkuna lloqsisqankutam Egipto nacionpi reyman willaykurqaku, hinaptinmi Faraonqa serviqninkunapiwan Israelpa mirayninkunapa contranpi tanteaspa nirqaku: Israelpa mirayninkunata kachaykuspanchikqa yanqatam ruwarunchik, ¿pitaq kunanqa serviwasunchik? nispanku.

Miqueas 7:8

Cheqniwaqniy nación, tuñisqata qawawaspaykiqa amayá kusipayawaychu, wichiruspaypas ñoqaqa hatarisaqmi, tutayayña pampaykuwaptinpas Tayta Diosmi kanchariwaqniyqa.

Zacarías 4:6

Hinaptinmi chay angelñataq niwarqa: Kaymi Zorobabelpaq Diospa Chuya simin: Manam tropakunawanchu, nitaqmi kallpawanchu, aswanqa espirituywanmi, Tukuy Atiyniyuq Tayta Diosmi chaynata nin.

Filipenses 4:3

Llamkaqmasilláy, qamtañataqmi valekuyki chay paninchikkunata yanapaykunaykipaq. Paykunapas yanapaykuwarqakum Cristomanta allin noticiata willakuptiy, yanapaykuwarqataqmi Clementewan wakin llam-kaqmasiykunapas. Paykunapa sutinqa wiñay kawsay libropi qellqasqañam kachkan.

Jueces 14:19

Tayta Diospa Espiritun Sansonman huntaykuptinmi, Ascalón llaqtaman rispan, paykunapa castanmanta kimsa chunka qarikunata wañurachirqa. Paykunamanta qechumuspanmi, watuchipa imam ni-nanta willaqninkunaman fiesta pachakunata qoykurqa, hinaspam llumpay piñasqa taytanpa wasinman kutikurqa.

Jueces 14:6

Chaymi Sansonman Tayta Diospa Espiritun huntaykuptin, yaqa uña cabrata tisapachkaq hina mana imallawan tisaparurqa. Ichaqa manam chay ruwasqanta tayta-mamanman willakurqachu.

Jueces 15:13

Chaymi paykunañataq nirqaku: Manam wañuchisqaykikuchu, chaqnaruspallaykum filisteokunaman qoykusqaykiku, nispanku. Hinaspam iskay musoq waskakunawan chaqnaruspanku qaqamanta pusamurqaku.

Jueces 15:9

Filisteokunam hamuruspanku Judá lawmanta Lehi lawkama campamentonkuta sayarachirqaku.

Jueces 16:12

Chaymi musoq waskakunawan chaqnaruspan Dalila nirqa: ¡Sansón, filisteokuna hawaykipiña! nispa. Filisteokunam Dalilapa wasinpi pakakuspa kachkarqaku, Sansonmi ichaqa chay chaqnachikusqan waskakunata huk qaytuta hinalla tipirurqa.

Jueces 16:24

Wakin runakunapas Sansonta qawaykuspankum diosninkuta kaynata yupaycharqaku: Diosninchikmi Sansonta qoykuwanchik, enemigonchik runatam qoykuwanchik, chakranchikkuna purmachiqtam qoykuwanchik, ayllunchikkuna wañuchiqtam makinchikman churaykun, nispanku.

Jueces 16:9

Filisteokuna Dalilapa wasinpi pakakusqa kachkaptinkum Dalila nirqa: ¡Sansón, filisteokuna hawaykipiña! nispa. Chaymi waskakunata Sansón tipirurqa, ninapa rupasqan lino qaytuta hinalla, chayraykum imapim kallpan kasqantapas mana yacharqakuchu.

Jueces 3:10

Otonielman Tayta Diospa espiritun huntaykuptinmi Israel miraykunata kamachispan guerrapi peleaq lloqsirqa, hinaptinmi Siria nacionpa reynin Cusan-risataimta Otonielpa makinman Tayta Dios churaykuptin vencerurqa.

Jueces 5:30

Guerrapi ganasqankutachiki rakinakuchkanku, sapa soldadomanchiki hukta otaq iskay sipasta qochkanku; Sisaramanñataqchiki kuyayllapaq pachakunata qochkanku, sumaq colorkunawan bordasqa telakunatachiki hukta otaq iskayta kunkanman wallqakunanpaq qochkanku, nispa.

1~Samuel 10:10

Chaymantam criadonpiwan Saúl pasaspan chayarurqa Gabaa sutiyuq llaqtaman, chaypim profetakunawan tupanakururqaku. Hinaptinmi Saulman Diospa Espiritun huntaykuptin paykunawan kuska profetizarqa.

1~Samuel 10:6

Chaymi Tayta Diospa Espiritun qanman huntaykusuptiki paykunawan kuska profetizayta qallaykunki, hinaspam musoq runaña rikurirunki.

1~Samuel 11:6

Chayta uyariykuptinmi Saulman Diospa Espiritun huntaykurqa, hinaptinmi llumpa-llumpayta piñakururqa.

1~Samuel 17:35

qepanta qatispaymi siminmanta qechumuq kani, qonqayta kutiriykuwaptinñataqmi kakichunmanta hapiruspay maqachkaspalla wañurachiq kani.

1~Samuel 4:5

Tayta Diospa contrato ruwasqan Arcata campamentoman chayarachimuptinkum, Israelpa tropankuna allpapas kuyurinankama kusikuymanta qaparirqaku.