Jueces 14:6 - CHUYA QELLQA La Biblia en Quechua de Ayacucho 2012

⁶ Chaymi Sansonman Tayta Diospa Espiritun huntaykuptin, yaqa uña cabrata tisapachkaq hina mana imallawan tisaparurqa. Ichaqa manam chay ruwasqanta tayta-mamanman willakurqachu.

Quechua Ayacucho Bible 1987

⁶ Tayta Diospa Espiritun Sansonta yanapaptinmi huk cabrachata tisapachkaq hina mana imallawan tisaparurqa. Tayta-mamanmanqa manam willakurqachu chay rurasqanmanta.

Chuya Qellqa 1992

⁶ Chaymi Sansonman Tayta Diospa Espiritun huntaykuptinmi, yaqa uña cabrata tisapachkaq hina mana imallawan tisaparurqa. Ichaqa manam chay ruwasqanta tayta-mamanman willakurqachu.

Jueces 14:6 Iomraidhean Croise

Isaías 42:2

Manam payqa qayaykachakunqachu, nisyumantaqa manam qaparinqachu, callekunapiqa vozninpas manam uyarikunqachu.

Zacarías 4:6

Hinaptinmi chay angelñataq niwarqa: Kaymi Zorobabelpaq Diospa Chuya simin: Manam tropakunawanchu, nitaqmi kallpawanchu, aswanqa espirituywanmi, Tukuy Atiyniyuq Tayta Diosmi chaynata nin.

Mateo 11:29

Yugoyta apaspayá ñoqamanta yachaychik, ñoqaqa llampu sonqo hinaspa mana chaylla piñakuruqmi kani, chaynata ruwaspam ñoqapi samayta tarinkichik.

Hebreos 11:33

Paykunaqa iñiyllawanmi huklaw nacionkunata vencerqaku, mana pimanpas sayapakuspam kamachikurqaku, Dios-pa prometesqankunatam chaskirqaku, leonkunapa simintam wichqarurqaku,

1~Juan 3:8

Pipas hucha ruwaqqa diablopam, diabloqa qallariyninmantapuni huchallikuqmi. Diospa Churinqa rikurimurqa diablopa ruwasqankunata tuñichinanpaqmi.

Jueces 11:29

Tayta Diospa Espiritun Jefteyta yanapaptinmi Galaad hinaspa Manasés lawninta pasarqa. Chaymantam Galaad lawpi Mizpa llaqtaman chayarurqa. Mizpa llaqtamantañataqmi Amonpa mirayninkunapa kasqanman rirqa.

Jueces 13:25

Zora llaqtamanta Estaol llaqtaman rinapi, Dan ayllupa campamentonkunapi Sansón kachkaptinmi Tayta Diospa Espiritun paypi llamkayta qallaykurqa.

Jueces 14:19

Tayta Diospa Espiritun Sansonman huntaykuptinmi, Ascalón llaqtaman rispan, paykunapa castanmanta kimsa chunka qarikunata wañurachirqa. Paykunamanta qechumuspanmi, watuchipa imam ni-nanta willaqninkunaman fiesta pachakunata qoykurqa, hinaspam llumpay piñasqa taytanpa wasinman kutikurqa.

Jueces 14:5

Sansonmi tayta-mamanpiwan Timnat llaqtaman rirqaku. Timnat lawpi uvas huertakunaman chayaruptinmi, huk malta león qaparispan Sansonman pawaykamurqa.

Jueces 14:7

Chayaruspanmi sipasta rimapayarqa, hinaptinmi chay sipasqa Sansonpa sonqonpaq hina karqa.

Jueces 15:15

Chaymantam wañusqa asnopa kakichunta tariruspa, chaywan waranqa filisteokunata wañurachirqa.

Jueces 15:8

Hinaspanmi mana llakipayaspa man-charikuypaqta wañurachirqa, tullun-kutapas pakiparurqam. Chaymanta pasakuspanmi Etam qaqa machaypi yacharqa.

Jueces 16:30

qaparirqa: ¡Filisteokunawan kuska wañusaq! nispa. Chaynata qaparispanmi templo takyachiq pilarkunata llapallan kallpanwan tanqaykurqa, hinaptinmi kamachikuqkunapa hawanman chaynataq llapa runakunapa hawanman templo wichiykamurqa. Wañuyninpiraqmi Sansonqa kawsaynin-pi wañuchisqanmantapas masta wañu-rachirqa.

Jueces 3:10

Otonielman Tayta Diospa espiritun huntaykuptinmi Israel miraykunata kamachispan guerrapi peleaq lloqsirqa, hinaptinmi Siria nacionpa reynin Cusan-risataimta Otonielpa makinman Tayta Dios churaykuptin vencerurqa.

1~Samuel 10:16

Hinaptinmi tionta Saúl nirqa: Asnokunapa rikurirusqantañam willay-kuwarqaku, nispa. Imaynam rey kananmanta Samuelpa rimapayasqantam ichaqa mana imallatapas willarirqachu.

1~Samuel 10:6

Chaymi Tayta Diospa Espiritun qanman huntaykusuptiki paykunawan kuska profetizayta qallaykunki, hinaspam musoq runaña rikurirunki.

1~Samuel 11:6

Chayta uyariykuptinmi Saulman Diospa Espiritun huntaykurqa, hinaptinmi llumpa-llumpayta piñakururqa.

1~Samuel 14:1

Huk punchawmi Saulpa churin Jonatán arman apaqta nirqa: Haku chimparusunchik waklaw chim-papi tarikuq Filistea tropakunapa kasqanman, nispa. Ichaqa manam taytanman willarqachu.

1~Samuel 17:46

Tayta Diosmi kunanpuni qamta makiyman churanqa, wañurachispaymi umaykitapas qorusaq; hinaspam Filistea tropakunapa aychantañataq alton pawaq ankakunamanwan purun animalkunaman qarasaq. Chaynapim lliw runakuna Israel nacionpi Dios kasqanta yachanqaku.