Jueces 14:17 - CHUYA QELLQA La Biblia en Quechua de Ayacucho 2012

¹⁷ Chay warmim Sansonpa qayllanpi qanchisnintin punchaw convido tukuykama waqapayarqa. Waqapayaspa tapupayasqanraykum, convidopa qanchis kaq punchawninpi, watuchipa imam ninanta willaykurqa, chay warmiñataqmi llaqtamasinkunaman willaykurqa.

Quechua Ayacucho Bible 1987

¹⁷ Ichaqa Sansonpa warminmi paypa qayllanpi waqarqa convidopa qanchis kaq punchawninkama. Sansonpa warmin ruegapayasqanraykum convidopa qanchis kaq punchawninpi willaykurqa watuchipa imam ninanta chaymi payñataq llaqtamasinkunaman willaykurqa.

Chuya Qellqa 1992

¹⁷ Chay warmim Sansonpa qayllanpi qanchisnintin punchaw convido tukuykama waqapayarqa. Waqapayaspa tapupayasqanraykum, convidopa qanchis kaq punchawninpi, watuchipa imam ninanta willaykurqa, chay warmiñataqmi llaqtamasinkunaman willaykurqa.

Jueces 14:17 Iomraidhean Croise

Génesis 3:6

Chaymi warmi qawaykurqa chay sachapa rurunqa mikunapaq hina kasqanta hinaspa yachayta haypanapaqpas munayllapaqña kasqanta, chaymi rurunta pallaykuspan mikururqa, qosanmanpas qoykuptinmi paypas mikururqa.

Jobwan Sutichasqa Libro 2:9

Warminñataqmi nirqa: ¿Hinallaraqchu iñiynikipi takyapakuchkanki? ¡Diosta ñakaspayki hukllata wañuy! nispa.

Proverbios 7:21

Chaynata hikutaspanmi chay joventa wichiykachirqa, sumaqllataña rimasqanwanmi sonqonta suwarurqa.

Jeremías 9:3

Tayta Diosmi kaynata nin: Flechachkaq hinaraqmi llullata rimanankupaq listoñalla kachkanku, kay llaqtapiqa llullakuyllañam munaychakuchkan cheqapqa manañam kanñachu; aswan-aswanmi mana allinkunaman qokurunku, Diospunim kaynata nin: Paykunaqa mana reqsisqapaqñam hapiwanku,

Miqueas 7:5

Reqsinakusqaykipa nisqantapas ama creeychu, kamachikuqpipas ama hapipakuychu, puñuqmasikimantapas cuidakuy, simikitapas wichqakuy.

Lucas 11:8

Ichaqa nikichikmi, amistadnikichik kasqanrayku manaña qosunaykichikpaq hatarimuyta munachkaspapas, mana penqaypi kananraykum hatarimuspan tukuy ima mañakusqaykichikta qoykusunkichik.

Jueces 14:16

Chaymi Sansonpa warminqa, waqas-pan Sansonta nirqa: Qamqa cheqniwankim, manam kuyawankichu, llaqtamasiykunamanmi huk watuchita nirqanki, ichaqa manam imam ninanta willaykuwankichu, nispa. Sansonñataqmi nirqa: ¿Tayta-mamaymanpas mana willach-kaspaychu qanmanñataq willaruykiman? nispa.

Jueces 14:18

Hinaptinmi qanchis kaq punchawpi, manaraq inti seqaykuchkaptin, chay runakuna Sansonta nirqaku: Mielmantapas aswan miskiqa, ¿imaraqtaq kanman? Leonmantapas aswan kallpayuqqa, ¿imaraqtaq kanman? nispanku. Chaymi Sansonñataq paykunata nirqa: Vaquillaywan yapuruspaykichikmi watuchiypa imam ninanta yacharunkichik, nispa.

Jueces 16:13

Hinaptinmi Sansonta Dalila nirqa: Kunanpas yanqakunallata niwaspaykim llullakuruwanki. Kunanyá ichaqa niykuway, ¿imawantaq chaqnaruykiman? nispa. Chaymi Sansón nirqa: Sichum chukchayta qanchisman simparuspa telarpi qaytukunawan kuskata simparuspa sumaqta pampaman estacaruptikiqa kallpay pisiruptinmi wakin runakuna hinallaña rikurirusaq, nispa. Chaymi Sansonta Dalila puñurachispa qanchisman simpasqa chukchankunata telarpi qaytukunawan kuskata simparurqa,

Jueces 16:16

Dalilam sapa punchaw chayllataña tapupayaspan Sansonta piñachirqa, chayraykum wañukuytaña munaspan

Jueces 16:6

Chaymi Sansonta Dalila nirqa: Ama hina kaspaykiyá imaynanpim kallpasapa kasqaykita willaykuway. ¿Imawantaq chaqnarachikuwaq vencesqa kanaykipaq? nispa.