Jueces 13:7 - CHUYA QELLQA La Biblia en Quechua de Ayacucho 2012

⁷ Ichaqa kaynatam niwarqa: “Wiksayakuspaykim qari wawata wachakunki, amam vinota nitaq ima sinkachikuqtapas upyankichu, amataqmi mana mikuna kaqkunatapas mikunkichu, chay wawaqa mamanpa wiksanmantapunim wañukunan pun-chawkama Diospaq sapaqchasqa kanqa”, nispa.

Quechua Ayacucho Bible 1987

⁷ Paymi niwarqa: “Wiksayakuspaykim qari wawata wachakunki, amam tomankichu vinota nitaq ima sinkachikuqtapas, amataqmi mikunkichu mana mikuna kaqkunataqa, chay wawaqa nacesqanmantapunim wañukunan punchawkama Diospaq rakisqa kanqa” nispa.

Chuya Qellqa 1992

⁷ Ichaqa kaynatam niwarqa: “Wiksayakuspaykim qari wawata wachakunki, amam vinota nitaq ima sinkachikuqtapas upyankichu, amataqmi mana mikuna kaqkunatapas mikunkichu, chay wawaqa mamanpa wiksanmantapunim wañukunan punchawkama Diospaq sapaqchasqa kanqa”, nispa.

Jueces 13:7 Iomraidhean Croise

Jeremías 35:6

Paykunam ichaqa niwarqaku: Manam tomaymankuchu. Recabpa churin taytayku Jonadabmi kaynata kamachiwarqaku: “Vinotaqa amam wiñaypaq tomankichikchu qamkunapas nitaq miraynikichikpas.

Amós 2:11

Hinaspaymi miraynikichikkunamanta wakiqninta akllarqani profetaykuna kanankupaq, joven kaq warmakunamantañataqmi sapaqcharqani ñoqallapaqña kawsanankupaq. ¿Icha manachu chaynata ruwarqani? Tayta Diosmi chaynata nin.

Jueces 13:4

Chaynaqa, amam vinota nitaq ima sinkachikuqtapas upyankichu. Amataqmi mana mikuna kaqkunatapas mikunkichu.

Jueces 13:6

Chaymi hamuspan qosanman kaynata willarqa: Diospa runanmi ñoqapa kasqayman hamusqa, rikchayninpas Diospa angelnin hinam kasqa. Manam maymantam kasqantapas tapurqanichu, nitaqmi sutintapas willawarqachu.

Jueces 13:8

Chaymi Tayta Diosta mañakuspan Manoa nirqa: Señorlláy, mañakuykim, chay qampa kachamusqayki runayá ñoqaykuman kutimuspa chay nacemuq wawawan imam ruwanaykuta yachachiwachunku, nispa.