Jueces 13:6 - CHUYA QELLQA La Biblia en Quechua de Ayacucho 2012

⁶ Chaymi hamuspan qosanman kaynata willarqa: Diospa runanmi ñoqapa kasqayman hamusqa, rikchayninpas Diospa angelnin hinam kasqa. Manam maymantam kasqantapas tapurqanichu, nitaqmi sutintapas willawarqachu.

Quechua Ayacucho Bible 1987

⁶ Chay warmim qosanman hamuspan willarqa kaynata: —Diosmanta kaq runam hamuwarqa, rikchayninpas kasqa Diospa angelnin hina sinchi manchakuypaqmi. Manam tapurqanichu maymantam kasqanta, manataqmi paypas sutintaqa willawarqachu.

Chuya Qellqa 1992

⁶ Chaymi hamuspan qosanman kaynata willarqa: Diospa runanmi ñoqapa kasqayman hamusqa, rikchayninpas Diospa angelnin hinam kasqa. Manam maymantam kasqantapas tapurqanichu, nitaqmi sutintapas willawarqachu.

Jueces 13:6 Iomraidhean Croise

Génesis 18:2

Abrahammi qawarispan rikururqa kimsa runakuna sayachkaqta, chaymi chaskinanpaq utqayllamanña kallpaspan, ñawpaqninkupi pampakama kumuykuspan

Génesis 32:29

Jacobñataqmi chay runata tapurqa: Kunanyá sutikita willaykuway, nispa. Payñataqmi nirqa: ¿Imapaqtaq sutiymanta tapuwanki? nispa. Hinaspanmi chaypi bendeciykurqa.

1~Reyes 17:18

Chaymi Eliasta viuda nirqa: Diospa runan ¿imatataq contraykipi ruwaruni? ¿Huchaykunata yuyarichiwaspa wawayta wañuchinaykipaqchu hamurqanki? nispa.

1~Reyes 17:24

Viudañataqmi nirqa: Kunanmi yachaykuni qamqa Diospa runan kasqaykita chaynataq Tayta Diospa palabran rimasqaykipas cheqap kasqanta, nispa.

2~Reyes 4:16

Hinaptinmi Eliseo nirqa: Wataman kunan hinatam qari wawata marqarinki, nispa. Hinaptinmi chay warmi nirqa: Taytalláy, amayá kay serviqnikitaqa burlakuwaychu, nispa.

2~Reyes 4:9

Chay warmim qosanta nirqa: Yachanim kay wasinchikman mikunanpaq hamupayaq runaqa Diospa chuya profetan kasqanta.

Éxodo 3:2

Chaypim Tayta Diospa angelnin rikuriykurqa, ninawan lenwachkaq tankar kichkapa chawpinpi. Moisés sumaqta qawaykuptinmi chay tankar kichkaqa rupaspapas mana kañakurqachu

Éxodo 3:6

Diosqa nirqataqmi: Ñoqam kani ñawpaq taytaykichik Abrahampa, Isaacpa hinaspa Jacobpa Diosnin, nispa. Chaymi Diosta qawaykuyta manchakuspan uyanta Moisés tapakuykurqa.

Daniel 10:11

Paymi niwarqa: Diospa kuyasqan Daniel, hatarispayki kay nisqayta allinta uyariy. Ñoqam qanman kachamusqa karqani, nispa. Rimayta tukuykuptinmi katkatatastin sayarirurqani.

Daniel 10:5

Hinachkaspam rikururqani linomanta pachayuq runata, paypaqqa weqaw watanpas qorimantam kasqa.

Daniel 8:17

Chaynapim payqa ñoqapa kasqaykama asuykamuwarqa, chaymi manchakuyllawanña qonqoranpa kumuykuptiy niwarqa: “Runapa churin, kay imam qawasqaykiqa tukupay tiempokunapaqmi”, nispa.

Lucas 1:19

Chaymi angelñataq nirqa: Ñoqaqa Diospa qayllanpi servikuq Gabrielmi kani, paymi kachamuwarqa kay allin noticiata qanman willanaypaq.

Lucas 9:29

Mañakuchkaptinmi rikchaynin tikrakururqa, pachankunapas yuraq-yuraq hinaspa kancharichkaqmi rikurirurqa.

Hechos 6:15

Hinaptinmi chay cortepi llapallan tiyaqkuna Estebanpa uyanta qawarispanku angelpa uyanta hina rikururqaku.

Deuteronomio 33:1

Diospa serviqnin Moisesmi wañukunallanpaqña Israelpa mirayninkunata kaynata bendeciykurqa:

1~Timoteo 6:11

Qanmi ichaqa Diospa runan kanki, chaynaqa chay llapa mana allin ruwaykunamanta ayqekuy hinaspa imatapas allinta ruway, Diosllapaqña kawsaspa, iñiypi, kuyakuypi, pacienciakuspa hinaspa llampu sonqolla kaspa.

Josué 14:6

Judapa mirayninkunam rirqaku Josueywan rimanankupaq Gilgal lawpi kachkaptin, chaymi Josueyta Cenez casta Jefonepa churin Caleb nirqa: Qamqa yachankim ñoqamantawan qanmanta Cades-barnea lawpi kachkaptinchik serviqnin Moisesman Tayta Diospa imam nisqantaqa.

Apocalipsis 1:17

Rikuruspaymi ñawpaqninman wañusqa hina wichiykurqani, hinaptinmi alleq makinwan llapchaykuwaspan niwarqa: Ama manchakuychu, “Ñoqam kani Punta kaqpas, Qepa kaqpas

Jueces 13:10

Warmiñataqmi utqay-llamanña kallpaspan qosanman kaynata willamurqa: ¡Qayninpa rikuriwaqniy runam huktawan rikuriykuwan! nispan.

Jueces 13:22

Hinaptinmi warminta Manoa nirqa: Diostam rikurunchik, kunanqa cheqaptapunim wañurusun, nispa.

Jueces 13:3

Chay warmimanmi Tayta Diospa angelnin rikuriykuspan nirqa: Qamqa mana wachakuq kachkaspapas wiksayakuspaykim qari wawata wachakunki.

Jueces 13:7

Ichaqa kaynatam niwarqa: “Wiksayakuspaykim qari wawata wachakunki, amam vinota nitaq ima sinkachikuqtapas upyankichu, amataqmi mana mikuna kaqkunatapas mikunkichu, chay wawaqa mamanpa wiksanmantapunim wañukunan pun-chawkama Diospaq sapaqchasqa kanqa”, nispa.

Jueces 13:8

Chaymi Tayta Diosta mañakuspan Manoa nirqa: Señorlláy, mañakuykim, chay qampa kachamusqayki runayá ñoqaykuman kutimuspa chay nacemuq wawawan imam ruwanaykuta yachachiwachunku, nispa.

Jueces 6:11

Hinaptinmi Tayta Diospa angelnin Ofra llaqtaman hamuspan, chaypi kaq encina sachapa sikinpi tiyaykurqa, chay sachaqa Abiezer casta Joaspam karqa. Joaspa churin Gedeonñataqmi uvas saruna uchkupi trigota wayrachichkarqa, Madián castakuna mana rikurunanpaq.

1~Samuel 2:27

Huk punchawmi Diospa profetan, sacerdote Eliyman hamuspan nirqa: Tayta Diosmi nin: “Egipto nacionpi ñawpaq taytaykikuna rey Faraonta servichkaptinkum, paykunaman rikurir-qani.

1~Samuel 9:6

Criadonñataqmi nirqa: Amaraq kutisunchu, kay llaqtapim kachkan Dios serviq runa. Paytaqa llaqtantin runakunam llumpayta respetanku. Paypa imapas rimarisqanqa cumplekunpunim, asnonchik maypi kasqantapas willaykuwasunchikmi. Paypata hakuchik, maypim maskamunanchiktapas niykuwasunchikmi, nispa.