Jueces 12:1 - CHUYA QELLQA La Biblia en Quechua de Ayacucho 2012

¹ Efraín ayllumanta kaq qarikunam huñunakuruspanku Jordán mayuta chimparuspa Zafón lawman rispanku Jefteyta nirqaku: Amonitakunapa contranpi peleaq richkaspaqa, ¿imanasqataq mana qayamuwarqankikuchu qamkunawan rinaykupaq? kunanmi wasikita, qamtawan kuskata kañaykusqaykiku, nispanku.

Quechua Ayacucho Bible 1987

¹ Efrain casta qarikunam huñunakuruspanku Zafon llaqta lawman Jordan Mayuta chimparurqaku hinaspam Jefteyta nirqaku: —Amonpa mirayninkunapa contranpi peleaq richkaspaqa ¿imanasqataq mana qayamuwarqankikuchu qamkunawan rinaykupaq? Chaynaqa ñoqaykum wasikita qamtawan kuskata kañasaqku —nispa.

Chuya Qellqa 1992

¹ Efraín ayllumanta kaq qarikunam huñunakuruspanku Jordán mayuta chimparuspa Zafón lawman rispanku Jefteyta nirqaku: Amonitakunapa contranpi peleaq richkaspaqa ¿imanasqataq mana qayamuwarqankikuchu qamkunawan rinaykupaq? kunanmi wasikita, qamtawan kuskata kañaykusqaykiku, nispanku.

Jueces 12:1 Iomraidhean Croise

Eclesiastés 4:4

Kaytapas rikurqanim: Pipas llamkakuspa imatapas armakuptinqa runakunam envidiakunku. Chaypas yanqallam, waspiy hina chinkaruqllam.

Oseas 13:1

Efraín castakuna rimariptinqa lliwmi manchakuqku, Israelpi llapallan ayllukunam respetaqku; ichaqa Baal idolota yupaychasqankuraykum Efraín castakunaqa wañurunku.

Marcos 3:24

Sichum huk nación iskayman rakinasqa kaspaqa manam takyan-manchu.

Juan 10:32

Jesusñataqmi nirqa: Achkatam ruwarqani allin ruwaykunata Taytaypa atiy qowasqanwan, chaynaqa, ¿mayqanninmantataq rumiwan chamqawayta munankichik? nispa.

Santiago 3:16

Maypim envidianakuykunapa hinaspa kikillanpaq imapas munaykunapa kasqanpiqa, kachkanraqmi chaqwanakuykuna hinaspa tukuy mana allin ruwaykuna.

Jueces 11:40

Chaymantapunim Israelpi kay costumbre qallaykurqa: Watan-watanmi llapa sipaskuna lloqsiqku Galaad llaqtayuq Jefteypa warmi churinmanta tawa punchawpuni waqamunankupaq.

Jueces 12:2

Hinaptinmi Jefté nirqa: Ñoqam runaykunapiwan Amonpa mirayninkunawan hatun peleopi karqaniku, hinaspam qayamurqaykiku, ichaqa manam yanapaykuwarqankikuchu.

Jueces 14:15

Tawa punchawmanmi, Sansonpa warminta chay jovenkuna nirqaku: Qosaykita tapuy kay watuchipa imam ninanta willawanaykikupaq, mana chayqa qamtam aylluykikunatawan kuskata kañaykusqaykiku. ¿Suwawanaykikupaqchu kayman convidaramuwarqankiku? nispanku.

Jueces 15:6

Hinaptinmi filisteokunañataq nirqaku: ¿Pitaq kayta ruwarun? nispanku. Chaymi nirqaku: Timnat llaqtayuq runapa masan Sanson-mi, warminta qechuruspan hukwanña casararachisqanrayku, nispanku. Chaymi filisteokuna hamuruspanku Sansonpa suegronta churintinta kañaykurqaku.

Jueces 8:1

Gedeontam Efraín castakuna nirqaku: ¿Imanasqataq kayta ruwawankiku? ¿Imanasqataq madianitakunawan peleaq richkaspaqa mana qayaykamuwarqankikuchu? nispanku. Paywan llumpayta churanakuruspankum piñakururqaku.