Jueces 11:8 - CHUYA QELLQA La Biblia en Quechua de Ayacucho 2012

⁸ Chaymi paykuna nirqaku: Sasachakuypi kasqaykuraykum hamuniku ñoqaykuwan kunan rinaykipaq, chaynapi amonitakunapa contranpi peleaspa Galaad lawpi llapallan yachaq-kunapa kamachiqninña kanaykipaq, nispanku.

Quechua Ayacucho Bible 1987

⁸ Hinaptinmi paykunañataq nirqaku: —Sasachakuypi kasqaykuraykumá kunan hamuniku ñoqaykuwan rinaykipaq hinaspa Amonpa mirayninkunapa contranpi peleaspa Galaad lawpi llapallan *f**yachaqkunapa jefenña kanaykipaq —nispa.

Chuya Qellqa 1992

⁸ Chaymi paykuna nirqaku: Sasachakuypi kasqaykuraykum hamuniku kunan ñoqaykuwan rinaykipaq, chaynapi amonitakunapa contranpi peleaspa Galaad lawpi llapallan yachaqkunapa kamachiqninña kanaykipaq, nispanku.

Jueces 11:8 Iomraidhean Croise

1~Reyes 13:6

Hinaptinmi profetata rey nirqa: Ama hina kaspayá yupaychasqayki Tayta Diosta mañaykapuway makillay allinyarunanpaq, nispa. Chaymi Tayta Diosta mañakuptin reypa makin allinyarurqa, hinaspam imaynam ñawpaq kasqanman hina kutiykurqa.

Éxodo 10:17

Chaynaqa, kunanllañayá huchayta pampachaykuwaspa Tayta Diosta mañakuychik, kay plagallatañapas ñoqamanta wischunanpaq, chaynapi mana wañurunaykupaq, nispa.

Éxodo 8:28

Chaymi Faraón nirqa: Ñoqam chunniqman rinaykichikpaq kachaykusqaykichik, chaynapi Dios-nikichikman sacrificiokunata ofrecespa yupaychamunaykichikpaq, ichaqa amam llumpay karutaqa rinkichikchu, hinaspam ñoqapaqpas mañakamunkichik, nispa.

Éxodo 8:8

Chaymi Moisestawan Aaronta qayachispan Faraón nirqa: Tayta Diosta mañapuwaychik ñoqamantawan runaykunamanta karyakunata asuchinanpaq, hinaptinqa miraynikikunatam kacharisaq sacrificiokunata ofrecespa Tayta Diosta yupaychamunankupaq, nispa.

Éxodo 9:28

Tayta Diosta mañakuychik kay rayontin llipyantin runtu para pasananpaq. Ñoqaqa kachaykusqaykichikñam, manañam qepankichikñachu, nispa.

Jueces 10:18

Hinaptinmi Galaad lawpi runakuna kamachiqninkunapiwan ninakurqaku: Pipas amonitakunapa contranpi peleayta qallariqmi Galaad lawpi yachaqkunapa kamachiqnin kanqa, nispanku.

Jueces 11:9

Hinaptinmi Jefté nirqa: Sichum Amonpa mirayninkunapa contranpi peleaq kutichiwaptikichik Tayta Dios vencechiwaptinqa qamkunapa kamachiqnikichikmi kasaq, nispa.