Jueces 10:16 - CHUYA QELLQA La Biblia en Quechua de Ayacucho 2012

¹⁶ Hinaspam huklaw nacionkunapa diosninkunata chawpinkumanta wischuruspanku Tayta Diostaña servirqaku, chaymi Israelpa mirayninkunapa ñakariyninta qawarispan Tayta Dios llakipayariykurqa.

Quechua Ayacucho Bible 1987

¹⁶ Kikillankumanta huklaw nacionpa taytachankunata saqeruspankum Tayta Diostaña adorarqaku chaymi Israelpa mirayninkunataqa ñakarisqankumanta Dios llakipayarikurqa.

Chuya Qellqa 1992

¹⁶ Hinaspam huklaw nacionkunapa diosninkunata chawpinkumanta wischuruspanku Tayta Diostaña servirqaku, chaymi Israelpa mirayninkunapa ñakariyninta qawarispan Tayta Dios llakipayariykurqa.

Jueces 10:16 Iomraidhean Croise

Génesis 6:6

Chaymi runa ruwasqanmanta, Tayta Dios llumpayta pesakurqa, sonqonpipas anchatam llakikurqa.

2~Reyes 13:23

Ichaqa Tayta Diosmi paykunata kuyapayaspan llakipayarikurqa, chaynataqa ruwarqa Abrahamwan, Isaacwan hinaspa Jacobwan pactota ruwasqankuraykum, chaymi kunan punchawkama paykunataqa mana chinkarachirqachu nitaqmi qayllanmantapas wischururqachu.

2~Crónicas 15:8

Profeta Azariaspa nisqanta Asa uyariykuspanmi kallpanchakururqa, hinaspam Judá lawpipas chaynataq Benjamín lawpipas millakuypaq idolokunata ñuturachirqa. Ñuturachirqataqmi Efraín law orqokunapi idolokunatawan hapikuykusqan llaqtakunapi idolokunatapas. Allichachirqataqmi Tayta Diospa templonpa ñawpaqninpi kaq altartapas.

2~Crónicas 33:15

Tayta Diospa templonmantapas huklaw llaqtayuq runakunapa idolonkunatawan kikinpa churasqan idolotam hurqorqa. Hurqorqataqmi Tayta Diospa templonpa kasqan moqopi chaynataq Jerusalenpi ruwachisqan altarkunatapas, hinaspam llaqtapa hawa lawninman wikaparachirqa.

2~Crónicas 7:14

sichum sutiyta hatunchaq llaqtay uchuychakuspan qayakamuwaspa maskawanqa hinaspa tukuy mana allin kawsayninmanta wanakuspa ñoqaman kutirikamuwaptinqa, hanaq pachamantam uyariykamusaq hinaspam huchankunata pampachaykuspay allpankutapas allinyachisaq.

Isaías 63:9

Runankunapa ñakarisqankunatam paypas ñakarirqa. Manam huk angelchu nitaqmi hukkaqnin kachamusqanchu paykunataqa salvarqa, aswanqa kikin Diosmi salvarqa. Diosmi kuyakuyninpi llakipayaspan paykunataqa reclamarqa, hoqarispanmi paykunataqa marqayninpi aparqa, chaynallatam tukuy tiempo ruwarqa.

Jeremías 31:20

Ñoqa Tayta Diosmi nini: Efraín llaqtaqa kuyasqay churiymi, payqa ancha kuyasqay churiymi; qaqcharuspaypas paytaqa manam qonqanichu, paymantaqa sonqoypas waqanmi, paymantaqa sinchitam llakikuni.

Oseas 11:8

¿Efraín llaqtalláy, imaynataq saqeruykiman? ¿Israel llaqtalláy, imaynataq qoykuykiman? ¿Imaynataq Adma llaqtata hinaqa qoykuykiman? ¿Imaynataq Zeboim llaqtata hinaqa saqeruykiman? sonqoymi qamkunamanta llumpayta llakikun, chayraykum munaspaypas mana atinichu.

Oseas 14:8

Chayraqmi Efrainpa mirayninkunaqa ninqaku: “Idolokunamantaqa manam imapas qokuwankuñachu”, nispanku. Ñoqam mañakuyninkutapas uyariykusaq, ñoqataqmi paykunataqa waqaychasaqpas. Paykunapaq kallmasapallaña pino hina kaptiymi paykunapa rurunpas ñoqamanta paqarimunqa.

Miqueas 7:18

Dios Taytalláy, qam hinaqa manam pipas kanchu, llaqtaykimanta puchuqkunapa hucha ruwasqankuta pampachaykuspam qonqarunki, wiñaypaq mana piñakuruspaykim kuyapayaykuwankiku.

Lucas 15:20

Hinaspanmi hatarispan taytanpa kasqanman kutirqa. Taytanñataqmi karullataraq hamuchkaqta rikuruspan sinchita paymanta llakirikuspan chaskiqnin kallparqa, hinaspam muchaykuspan abrazaykurqa.

Lucas 19:41

Jerusalenman hichpaykuspanmi, llaqtata qawarispan Jesús waqarqa:

Juan 11:34

Chaymi tapurqa: ¿Maypitaq pamparurqankichik? nispa. Paykunañataqmi nirqaku: Señor, hakuchikyá qawaykamunki, nispanku.

Efesios 4:32

Aswanqa sumaq sonqo kaspa kuyanakuychik, imaynam Diospas Cristorayku pampachasurqankichik, chaynayá qamkunapas pampachanakuychik.

Deuteronomio 32:36

Tayta Diosmi llaqtanta mana kallpayuqta rikuspan nanachikunqa, manaña pipas kallpayuq qepasqanta rikuspanmi serviqninkunata llakipayarinqa.

Hebreos 3:10

Chayraykum chay runakunawan piñasqa kaspay, kaynata nirqani: “Tukuy tiempo pantaq sonqoyuqmi karqankichik” manam “ñanniykunatapas reqsiyta munarqankichikchu”, nispa.

Hebreos 4:15

Sumo sacerdotenchik Jesusqa huchaman urmaqlla kayninchikmanta llakipayawaqninchikmi. Paypas ñoqanchik hinam tukuypi tentasqa karqa, ichaqa manam huchallikurqachu.

Josué 24:23

Hinaptinmi paykunata Josué nirqa: Kunanyá hatallisqaykichik idolokunata qamkunamanta wischuychik, hinaspayá tukuy sonqoykichikwan Israelpa yupaychasqan Tayta Diosman kutirikuychik, nispa.

Jueces 2:18

Hinaptinmi kamachiqkunata Tayta Dios hatarichispan yanaparqa. Chay kamachiq kawsanankamaqa paykunatam enemigonkunamanta librarqa. Tayta Diosmi paykunata ñakariypi hinaspa llakikuypi kaspa waqasqankuta uyarispa llakipayarqa.

1~Samuel 12:10

Chaymi paykuna qaparispa Tayta Diosta nirqaku: Diosnillayku, qamta qepanchaspam huchallikuruniku; Baal idolokunatawan Astarot idolokunatañam yupaycharqaniku. Kunanqa qamyá enemigoykumanta libraykullawayku, qamllataña servillanaykupaq, nispa.

1~Samuel 7:3

Chaymi paykunata Samuel nirqa: Sichum tukuy sonqoykichikwan Diosman kutirikuspaykichikqa, wischuychikyá qamkuna ukupi kaq idolokunata chaynallataq Astarot idolokunatapas, hinaspayá cheqap Diosllapaqña kawsaspa payta serviychik, chayna kaptinqa kikinpunim filisteokunamanta librasunkichik, nispa.

1~Samuel 7:4

Hinaptinmi Israelpa mirayninkuna wischurqaku Baal sutiyuq idolokunata chaynataq Astarot sutiyuq idolokunatapas, hinaspam Tayta Diosllataña yupaycharqaku.