Jueces 10:15 - CHUYA QELLQA La Biblia en Quechua de Ayacucho 2012

¹⁵ Chaymi Tayta Diosta Israelpa mirayninkuna nirqaku: Huchallikurunikum, qamyá ñoqaykuwan munasqaykita ruway; ama hina kaspa kunan libraykullawayku, nispanku.

Quechua Ayacucho Bible 1987

¹⁵ Chaymi Israelpa mirayninkunañataq Tayta Diosta nirqaku: —Huchallikurunikum, qamyá munasqaykita ruray ñoqaykuwan, ruegakullaykikum kunanllañayá libraykuwayku —nispa.

Chuya Qellqa 1992

¹⁵ Chaymi Tayta Diosta Israelpa mirayninkuna nirqaku: Huchallikurunikum, qamyá ñoqaykuwan munasqaykita ruway; ama hina kaspa kunan libraykullawayku, nispanku.

Jueces 10:15 Iomraidhean Croise

2~Samuel 10:12

Kallpanchakuyá, Nacionninchikrayku chaynataq Diosnin-chikpa llaqtanrayku peleananchikpaq kallpanchakusunchik. ¡Tayta Diosyá munasqanta ruwachun! nispa.

2~Samuel 12:13

Hinaptinmi Natanta David nirqa: Tayta Diospa contranpim huchallikuruni, nispa. Chaymi Natán nirqa: Tayta Diosqa pampachaykunñam huchaykitaqa, manam wañunkichu.

2~Samuel 15:26

Sichum pay niwanqa: “Manañam munaykichu” hinaptinqa ñoqawanyá imam munasqanta ruwachun, nispa.

2~Samuel 24:10

Runakuna yupayta tukuruspanmi sonqonpi ñakakuspan Tayta Diosta David nirqa: Diosnilláy, hatu-hatuntam kay ruwasqaywanqa huchallikuruni, kunanmi ruegakuyki kay serviqnikita pampachaykuwanaykipaq, muspaypi hinam kayta ruwaruni, nispa.

2~Samuel 24:14

Chaymi David nirqa: Hatun sasachakuypim rikuriruni. Runakunapa makinman wichiykuyman-taqa Tayta Diospa makinman wichiykuymi aswan allinqa, Diospa kuyapayakuyninqa hatu-hatunmi, nispa.

Jobwan Sutichasqa Libro 33:27

Diosqa lliw runatam qawachkan, sichum pipas ninqa: “Huchallikurunim, allin arreglotam qewiruni, Diosmi ichaqa mana imanawanchu,

Proverbios 28:13

Huchanta pakaq runaqa manam allinqa kanqachu, huchanta willakuspa wanakuqmi ichaqa pampachasqa kanqa.

Isaías 26:16

Dios Taytallayku, sasachakuypi kaspaykum maskaykiku, ñakarichiwaptikikum mañakuykiku.

Jonás 2:4

Hinaptinmi qayllaykimanta wischuruwasqaykitaña piensarqani, chaywanpas huktawanmi temploykita qawaykusaq.

Jonás 3:9

Diosqa icharaqpas llakipayariwaspanchik piñakuyninta sapaqchaykuptin mana puchukaruchwanchu, nispa.

Josué 9:25

Kunanqa makikipim kaniku. Tanteasqaykiman hinayá ñoqaykuwan ruway, nispanku.

1~Samuel 12:10

Chaymi paykuna qaparispa Tayta Diosta nirqaku: Diosnillayku, qamta qepanchaspam huchallikuruniku; Baal idolokunatawan Astarot idolokunatañam yupaycharqaniku. Kunanqa qamyá enemigoykumanta libraykullawayku, qamllataña servillanaykupaq, nispa.

1~Samuel 3:18

Hinaptinmi Samuelqa Tayta Diospa imam nisqanta lliwta willarqa. Eliyña-taqmi nirqa: ¡Payqa Diosmi! ¡Imam munasqanman hina ruwachun! nispa.

1~Samuel 7:6

Israelpa mirayninkunam Mizpa llaqtapi huñunakururqaku, chaypim yakuta hurqospanku ofrendata hina Diospa ñawpaqninpi machqerqaku, chay punchawmi ayunaspanku Diospa contranpi huchallikusqankuta lliw reqsikurqaku. Samuelmi Israelpa mirayninkunata Mizpa llaqtapi juzgarqa.