Jueces 10:14 - CHUYA QELLQA La Biblia en Quechua de Ayacucho 2012

¹⁴ Chaynaqa, rispayá akllakusqaykichik dioskunata qayakamuychik, ñakarichisqa kasqaykichik tiempopi paykuna librasunaykichikpaq, nispa.

Quechua Ayacucho Bible 1987

¹⁴ Rispayá akllakusqaykichik taytacha-mamachakunataña qayakamuychik, paykunayá ñakarichisqa kasqaykichik tiempopi librasunkichik —nispa.

Chuya Qellqa 1992

¹⁴ Chaynaqa, rispayá akllakusqaykichik dioskunata qayakamuychik, ñakarichisqa kasqaykichik tiempopi paykuna librasunaykichikpaq, nispa.

Jueces 10:14 Iomraidhean Croise

2~Reyes 3:13

Chaymi Israelpa reyninta Eliseo nirqa: ¿Imatataq ñoqawan munanki? Taytaykipa chaynataq mamaykipa profetankunata tapukamuy, nispa. Israelpa reyninñataqmi nirqa: Manam, Tayta Diosmi kay kimsa reykunata huñuramuwanku moabitakunaman qoykuwanankupaq, nispa.

Isaías 10:3

¿Imatataq castigo punchawpi ruwankichik? ¿Karumantaraq sasachakuy hamususqaykichik punchawpi, pimantaq yanapasunaykichikpaq hapipakunkichik? ¿Maypitaq qori-qollqekichikta saqenkichik?

Isaías 46:7

Hombrokuspam apanku, maymi kananpim sayachinku, chay churasqankupim mana kuyurispa sayarayan. Qapariwan mañakuptinkupas manam rimarinchu, sasachakuyninkumantapas manam salvayta atinchu.

Isaías 57:13

Maynataña qayakuptikipas millakuypaq idoloykikunaqa manam librasunkichu, chaykunataqa sinchi wayram aparuspa chinkarachinqa. Ñoqapi hapipakuqkunam ichaqa herencianpaq allpata chaskinqaku, ñoqapaq sapaqchasqa orqopim yachanqaku.

Jeremías 2:28

Judá runakuna, ¿maytaq idolokuna ruwakusqaykichik? Llaqtakunata hinañam achkallataña ruwakurunkichik, chaynaqa paykunayá kallpamuchunku, yaqachus ñakariynikichik punchawpi salvarusunkichik.

Ezequiel 20:39

Chaynaqa, Israelpa mirayninkuna, ñoqa Tayta Diosmi kaynata nikichik: Mana kasuwayta munaspaykichikqa idoloykichikkunata sapakama yupaychamuychik. Amaña chuya sutiyta sarutyaychikchu ofrendaykichikkunawan hinaspa millakuypaq idoloykichikkunawan.