Jueces 10:13 - CHUYA QELLQA La Biblia en Quechua de Ayacucho 2012

¹³ Aswanqa qamkunam qepanchakuruwaspaykichik idolokunataña yupaycharqankichik, chayraykum qamkunataqa manaña librasqaykichikñachu.

Quechua Ayacucho Bible 1987

¹³ Aswanqa qamkunam qepanchakuruwaspaykichik taytacha-mamachakunataña adorarqankichik chaymi qamkunataqa manaña librasqaykichikchu.

Chuya Qellqa 1992

¹³ Aswanqa qamkunam qepanchakuruwaspaykichik idolokunataña yupaycharqankichik, chayraykum qamkunataqa manaña librasqaykichikñachu.

Jueces 10:13 Iomraidhean Croise

1~Crónicas 28:9

Kuyasqay churiy Salomón, qamñataqyá kay taytaykipa Diosninta reqsikuspayki tukuy sonqoykiwan hinaspa tukuy kallpaykiwan serviy. Tayta Diosqa llapa runakunapa sonqontam qawachkan, reqsintaqmi runapa imam munasqanta hinaspa tanteasqantapas. Diosta maskaspaykiqa tarinkim, payta saqeruptikim ichaqa paypas wiñaypaqña saqerusunki.

2~Crónicas 12:5

Rey Sisac hamusqanraykum Roboam-wan Judá nacionpi kamachikuqkuna Jerusalén llaqtapi huñunasqa kachkarqaku, hinaptinmi profeta Semaías hamuruspan Tayta Diospa nisqanta kaynata nirqa: Saqeruwasqaykichikraykum ñoqapas rey Sisacpa makinpi saqeruykichik, nispa.

2~Crónicas 15:2

Rey Asawan tupananpaq rispan nirqa: Rey Asa, Judá runakuna hinaspa Benjamín ayllukuna, llapallaykichik uyariwaychik: Tayta Dioswan kaptikichikqa paypas qamkunawanmi kanqa, maskaspaykichikqa tarinkichikmi, saqeruptikichikqa paypas saqerusunkichikmi.

2~Crónicas 21:10

Chaywanpas Edom nacionqa Judá nacionpa munaychakuyninmantam librakururqa, chaynam kachkan kunankamapas. Chay tiempopitaqmi Libna llaqtapas Judá nacionpa munaychakuyninmanta librakururqa. Chaykunaqa pasakurqa rey Joram ñawpaq taytankunapa yupaychasqanku Tayta Diosta qepanchakurusqanraykum.

Jeremías 2:13

Llaqtaymi iskay mana allin huchata ruwarun: Kawsachiqninku yaku kachkaptiypas saqeruwankum kikinkuñam pozonkuta toqokurunku, yakuta mana takyachiq raqra pozokunatañam ruwakurunku.

Jeremías 2:19

Millakuypaq kaqkuna ruwasqaykikunam castigasunki, mana kasukuynikikunam condenasunki; tantearispayá sumaqta yuyaymanariy, mayna sasam hinaspa mayna manchakuypaqmi yupaychasqayki Tayta Diosta saqeruwaspa mana kasukuyqa. Ñoqa Tayta Diosmi chaynata nini.

Jonás 2:8

Idolokunata yupaychaqkunaqa kuyakuynikimantam karunchakurunku.

Deuteronomio 32:15

Ichaqa Jesurunmi wirayaruspan haytakuqllaña rikurirurqa, wiranpas wiswirinankamam anchallataña poqorurqa; hinaspam unanchaqnin Tayta Diosta saqerurqa, waqaychaqnin qaqatam wischupakururqa.

Jueces 10:14

Chaynaqa, rispayá akllakusqaykichik dioskunata qayakamuychik, ñakarichisqa kasqaykichik tiempopi paykuna librasunaykichikpaq, nispa.

Jueces 2:12

Ñawpaq taytankupa, Egipto nacionmanta hurqomuqninku Tayta Diosta saqeruspankum, idolokunataña qatispanku muyuriqninkupi runakunapa diosninkutaña yupaycharqaku, chaynapim Tayta Diosta piñachirqaku.

Jueces 2:19

Kamachiqninku wañuruptinqa kasqallanmi huchallikuyta qallaykuqku, hinaspam ñawpaq taytankumantapas aswan penqakuypaq kaqtaraq ruwaqku. Idolokunataña servispankum qonqoraspa yupaycharqaku. Manam wanakuqkuchu mana allin ruwayninmantawan rumi sonqo kayninkumantaqa.