Jueces 1:7 - CHUYA QELLQA La Biblia en Quechua de Ayacucho 2012

⁷ Chaymi rey Adoni-bezec nirqa: Qanchis chunka reykunapa makinkunapa hinaspa chakinkunapa maman dedonkunatam qoruchirqani, paykunam mesaymanta mikuy wichiqkunata huñuspa mikuqku. Diospas ruwasqayman hinallam pagaykapuwan, nispa. Adoni-bezecta Jerusalén llaqtaman pusamuptinkum chaypi wañukurqa.

Quechua Ayacucho Bible 1987

⁷ Chay reymi nirqa: —Qanchis chunka reykunapa makinkunapa hinaspa chakinkunapa maman dedonkunatam qorurachirqani hinaptinmi mesaypa ukunpi kaspanku mesaymanta wichiqkunata huñuspa mikuqku. Hina chaynallatam Diospas pagaykapuwan rurasqayman hina —nispa. Adoni-bezecta Jerusalen llaqtaman pusamuptinkum chaypi wañukurqa.

Chuya Qellqa 1992

⁷ Chaymi rey Adoni-bezec nirqa: Qanchis chunka reykunapa makinkunapa hinaspa chakinkunapa maman dedonkunatam qoruchirqani, paykunam mesaymanta mikuy wichiqkunata huñuspa mikuqku. Diospas ruwasqayman hinallam pagaykapuwan, nispa. Adoni-bezecta Jerusalén llaqtaman pusamuptinkum chaypi wañukurqa.

Jueces 1:7 Iomraidhean Croise

1~Reyes 21:19

Hinaspam ninki, Tayta Diosmi kaynata nin: ¿Nabotta wañurachichkaspapas huertantawanraqchu hapikuykunki? Maypim Nabotpa yawarninta allqokuna llaqwasqanpim qampa yawarnikitapas allqokuna llaqwanqa, nispa.

Éxodo 29:20

Carnerota wañuchispam yawarninta chaskinki hinaspam Aaronpa, churinkunapa alleq rinrinpa ura patachanman llusinki, llusinkitaqmi alleq makinkupa maman dedonmanpas chaynataq alleq chakinkupa maman dedonpa hawanmanpas, puchuntañataqmi altarpa hawanpa muyuriqninman challanki.

Isaías 33:1

¡Ay, imaynaraq kankichik, purmachiq kachkaspa mana purmachisqakuna, traicionaq kachkaspa mana traicionasqakuna! Purmachiyta tukuruspam qampas purmachisqa kanki, traicionayta tukuruspam qampas traicionachikunki.

Sofonías 3:19

Chay tiempopim lliw ñakarichisuqnikikunata ñakarichisaq, wistu ovejakunatam salvaykusaq, chinkaqtapas maskamuspaymi huñumusaq. Penqaypi kaynikitam reqsisqa kaymanwan pipapas alabananmanña tikrarusaq.

Romanos 2:15

Paykunaqa imapas ruwasqankuwanmi, sonqonkupi Diospa leynin qellqasqa kasqanta qawachikunku. Kikinkupa concienciankuwan yuyaymanayninkum acusanqa huchayuq otaq mana huchayuq kasqankutapas.

Santiago 2:13

Pipas runamasin mana llakipayaqtaqa juicio punchawpim paytapas Cristo mana llakipayanqachu, runamasin llakipayaqtam ichaqa llakipayanqa.

Apocalipsis 13:10

Pipas presochasqa kananpaq kaqqa presochasqam kanqa. Pipas espadawan wañuchinapaq kaqqa espadawan wañuchisqam kanqa. Chaynapim Diosllapaqña kawsaqkunaqa pacienciayuq hinaspa confianzayuq kananku.

Apocalipsis 16:6

Chay juzgasqayki runakunaqa qamllapaqña kawsaqkunatam wañuchirqaku, profetaykikunapa yawarnintam chaqchurqaku, chayna ruwasqankumantam paykunamanpas yawarta upyarachinki, paykunaqa chaytam munarqaku”, nispa.

Jueces 1:6

Rey Adoni-bezecñataqmi lluptikururqa; ichaqa Israel castakunam hapiruspanku makinkunapa hinaspa chakinkunapa maman dedonkunata qorururqaku.

Jueces 9:24

Chaynataqa ruwarqa, Jerobaalpa qanchis chunka qari churinkunata wañurachisqanmanta Abimelecmanta vengakunanpaqmi chaynataq Siquem llaqtapi yachaqkunamantapas wañuchiypi Abimelecta yanapasqankumanta vengakunanpaqmi.

Jueces 9:57

Siquem llaqtayuq runakunapa tukuy mana allin ruwasqantam, kikinkupa hawanman Tayta Dios kutichipurqa, Jerobaalpa churin Jotampa ñakasqanmi paykunaman chayarurqa.

1~Samuel 15:33

Samuelmi ichaqa nirqa: Espadaykiwanmi achkallaña warmikunapa wawanta wañuchirqanki, chaynapunim mamaykipas manaña wawayuq kanqa. Chaynata nispanmi Agagta Samuel wañurachirqa Gilgal llaqtapi, Tayta Diospa ñawpaqninpim chika-chikanta kuchuparurqa.