Jueces 1:19 - CHUYA QELLQA La Biblia en Quechua de Ayacucho 2012

¹⁹ Judá ayllukunam Tayta Dios yanapaptin orqokunapi yachaqkunata qarqorurqaku. Qechwapi yachaqkunatam ichaqa mana qarqoyta atirqakuchu, guerrapaq carretanku fierromanta kasqanrayku.

Quechua Ayacucho Bible 1987

¹⁹ Juda aylluta Tayta Dios yanapaptinmi orqokunapi *f**yachaqkunata qarqorurqaku. Aswanqa qechwapi yachaqkunataqa manam qarqorqakuchu guerrapaq carretanku fierromanta kasqanrayku.

Chuya Qellqa 1992

¹⁹ Judá ayllukunam Tayta Dios yanapaptin orqokunapi yachaqkunata qarqorurqaku. Qechwapi yachaqkunatam ichaqa mana qarqoyta atirqakuchu, guerrapaq carretanku fierromanta kasqanrayku.

Jueces 1:19 Iomraidhean Croise

Génesis 39:2

Ichaqa Tayta Diosmi Joseywan karqa, chaynapim payqa Egipto nacionniyuq patronninpa wasinpi yachaspa ima ruwasqanpipas allin lloqsirqa.

Génesis 39:21

Ichaqa Tayta Diosmi Joseywan karqa hinaspam kuyapayarqa, carcelpi kamachikuqwanpas allinpaqmi qawachirqa.

2~Samuel 5:10

Tukuy Atiyniyuq Tayta Dios yana-pasqanraykum Davidqa llumpay atiyniyuq rikurirurqa.

2~Reyes 18:7

Paywan Tayta Dios kasqanraykum tukuy ima ruwasqanpas allin lloqsirqa. Ezequiasmi Asiria nacionpa reyninpa contranpi hoqarikuruspan manaña payta servirqachu.

Eclesiastés 9:11

Kay pachapiqa rikurqanitaqmi kaykunatapas: Kallpaypiqa manam llumpay kallpaqchu gananku; manam qari-qari soldadokunachu guerrapipas gananku, yachayniyuqkunapas manam tukuy tiempochu tantata tarinku, yachaysapakunapas manam lliwchu apu kanku, allin yachayniyuqkunatapas manam lliw runachu allinta chaskinku. Aswanqa sapakamapaqmi tiempo hamun ganananpaq otaq mana ganananpaqpas, ruway atinanpaq mana atinanpaqpas.

Isaías 41:10

Amayá manchakuychikchu, qamkunawanmi kachkani, amayá hukmanyaychikchu, ñoqam Diosnikichik kani, kallpanchaspaymi yanapasqaykichik, atiyniyuq makiywanmi pusasqaykichik.

Isaías 7:14

Chaynaqa, kikin Diosmi señalta qosunkichik: Manaraq qari reqsiq sipasmi wiksayakuruspan qari wawata wachakunqa. Paytam Emanuelwan sutichanqa.

Isaías 8:10

Tanteanakusqaykichikpas manam ruwasqachu kanqa, rimanakuptikichikpas manam cumplikunqachu, ñoqaykuwan Tayta Dios kasqanrayku.

Mateo 1:23

Manaraq qari reqsiq sipasmi wiksayakuspan qari wawata wachakunqa, paytam “Emanuel” nispa sutichanqaku, chayqa “Diosmi ñoqanchikwan” ninanmi.

Romanos 8:31

Chaynaqa, ¿imatawanraqtaq nichwanchik? Sichum Dios ñoqanchikwan kaptinqa, ¿pitaq ñoqanchikpa contranchikpi kanman?

Filipenses 4:13

Kallpanchawaqniy Cristowanmi tukuy ima ruwayta atini.

Josué 1:5

Kawsanayki punchawkamaqa manam pipas venceyta atisunkichu. Moisesta yanapasqayta hinam qamtapas yanapasqayki, manam saqesqaykichu nitaqmi qonqasqaykichu.

Josué 1:9

Ñoqam kamachiki kallpanchakunaykipaq chaynataq qarinchakunaykipaq. Amayá manchakuychu nitaq hukmanyaychu, ñoqa Señorniki Tayta Diosmi mayta riptikipas qanwan kasaq, nispa.

Josué 14:12

Chay punchawpi Tayta Diospa nisqanman hinayá chay orqokunata kunan qoykuway. Yachankim chay orqokunapiqa ñawpaqmantaraq Anacpa mirayninkuna yachasqankutaqa, llaqtankunapas murallasqakama hatun llaqtakuna kasqanta. Tayta Dios yanapawaptinqa, paypa nisqanpi hinam qarqorusaq, nispa.

Josué 6:27

Tayta Dios yanapasqanraykum Josueyqa tukuy hinastinpi ancha reqsisqa karqa.

Josué 7:12

Chayraykum Israelpa mirayninkunaqa enemigonkuna venceyta manaña atinqakuchu, aswanqa enemigonkupa ñawpaqninmantam ayqenqaku, paykunapas chinkachisqa kanankupaq ñakasqaña kasqankurayku. Sichum qamkuna chay ñakasqa kaqkunata mana chinkachiptikichikqa manam yanapasqaykichikñachu.

Jueces 1:2

Hinaptinmi Tayta Dios nirqa: Judá ayllum puntataqa rinqa, ñoqam chay allpata paykunaman qosaq, nispa.

Jueces 4:13

Sisarañataqmi guerrapaq fierromanta isqon pachaknintin carretankunata chaynataq llapallan tropankunata huñuruspan Haroset-goim llaqtamanta Cisón wayqoman rirqa.

Jueces 4:3

Chaymi Israelpa mirayninkuna qaparispa Tayta Diosta mañakurqaku. Jabinpam isqon pachak fierromanta guerrapaq carretankuna karqa. Iskay chunka watam Israelpa mirayninkunata llumpayta ñakarichirqa.

1~Samuel 18:12

Saulmi manchakururqa Davidta Tayta Dios yanapasqanrayku, Saultam ichaqa manaña yanaparqachu.

1~Samuel 18:14

Tayta Dios yanapaptinmi Davidqa tukuy imata allinta ruwaq.

1~Samuel 18:5

Davidmi Saulpa tukuy ima kamachisqanta allinta ruwaq, chaymi guerrapi peleaq runakunapa kamachiqnin kananpaqña Saúl churarurqa, chaynapim llapallan tropakunawan chaynataq Saulpa serviqninkunawanpas kuyaykachikurqa.