Jueces 1:18 - CHUYA QELLQA La Biblia en Quechua de Ayacucho 2012

¹⁸ Judá ayllukunam Gaza llaqtata Ascalón llaqtata, Ecrón llaqtata chaynataq muyuriqninpi allpakunatapas hapikuykurqaku.

Quechua Ayacucho Bible 1987

¹⁸ Juda ayllu runakunaqa dueñochakuykurqakutaqmi Gaza llaqtatapas, Ascalon llaqtatapas, Ecron llaqtatapas chaynataq muyuriqninpi allpakunatapas.

Chuya Qellqa 1992

¹⁸ Judá ayllukunam Gaza llaqtata Ascalón llaqtata, Ecrón llaqtata chaynataq muyuriqninpi allpakunatapas hapikuykurqaku.

Jueces 1:18 Iomraidhean Croise

1~Reyes 4:24

Salomonmi munaychakurqa Eufrates mayupa intipa seqaykunan lawpi Tifsa llaqtamanta Gaza llaqtakama. Chay llaqtakunapa reyninkunapim munaychakurqa, chaynapim muyuriqninpi kaq nacionkunawan hawkayaypi yacharqaku.

Éxodo 23:31

Qanman qosqay nacionpa linderonmi kanqa Puka lamar qochamanta qallarispa filisteokunapa lamar qochankama chaynataq chunniqmanta qallarispa Eufrates mayukama. Chay nacionpi runakunatam makikiman churani qayllaykimanta wischunaykichikpaq.

Jeremías 25:20

Egipto nacionpi huklaw llaqtayuqkunamanpas; Uz nacionpi reykunamanpas, Filistea lawpi kaq Ascalón, Gaza, Ecrón chaynataq Asdod llaqtakunapa reyninkunamanpas;

Jeremías 47:5

Gaza llaqtayuqkunam chukchankuta rutukurunku, Ascalón llaqtayuqkunam manchakuymanta mana rimaqña rikurirunku. Pampa lawkunapi puchuqkuna ¿haykapikamataq aychaykichikta kuchupakunkichik?

Deuteronomio 2:23

Chaynatam Gaza llaqtapa muyuriqnin taksa llaqtakunapi yachaq aveokunatapas ruwarqa; llapa caftoreokunam Cretamanta hamuruspanku paykunata puchukarachirqaku, hinaspam paykunaña chaypi yachachkanku).

Josué 11:22

Israelpa mirayninkunapa yachanan allpapiqa manam Anac castakunamantaqa chullapas puchurqachu; aswanqa Gaza llaqtapi, Gat llaqtapi chaynataq Asdod llaqtapi kaqkunallañam puchururqaku.

Josué 13:3

Egipto nacionpa inti qespimunan lawninpi Sihor mayumanta qallarispa norte lawpi Ecrón llaqtapa patankama. Chaykunaqa cananeokunapa allpankunam. Chaypim kachkan filisteokunapa pichqa kamachiqninkuna: Gaza llaqtapa, Asdod llaqtapa, Ascalón llaqtapa, Gat llaqtapa hinaspa Ecrón llaqtapa kamachiqninkuna; chaypitaqmi kachkan aveokunapa allpanpas,

Josué 15:11

Chaymantam Ecrón llaqtapa norte lawninta chutarikuspan Sicrón lawman muyurqa. Chaymantam Baala orqonta rispan Jabneel lawman lloqsirqa hinaspam Mediterráneo lamar qochapi tukurqa.

Jueces 14:19

Tayta Diospa Espiritun Sansonman huntaykuptinmi, Ascalón llaqtaman rispan, paykunapa castanmanta kimsa chunka qarikunata wañurachirqa. Paykunamanta qechumuspanmi, watuchipa imam ni-nanta willaqninkunaman fiesta pachakunata qoykurqa, hinaspam llumpay piñasqa taytanpa wasinman kutikurqa.

Jueces 16:21

Filisteokunañataqmi Sansonta hapiruspanku ñawinkunata hurqorurqaku, hinaspam Gaza llaqtaman aparqaku, chaypim broncemanta cadenawan wataruspanku carcelpi kaq molinopi kutachirqaku.

Jueces 3:3

Filisteamanta pichqa kamachikuqkunata, cananeokunata, sidoniokunata chaynataq Líbano orqopi yachaq heveokunatapas Baal-hermón orqomanta qallarispa Hamat lawman yaykuna qasakama.

1~Samuel 6:17

Tayta Diosman filisteokunapa huchankumanta ofrecesqanku, tumorman rikchakuq pichqa qori alhajakunam kay llaqtakunamanta karqa: Asdod, Gaza, Ascalón, Gat hinaspa Ecrón llaqtamanta.