Juan 9:39 - CHUYA QELLQA La Biblia en Quechua de Ayacucho 2012

³⁹ Jesusñataqmi nirqa: Ñoqam kay pachaman juzganaypaq hamurqani, chaynapi ñawsakuna qawakunankupaq, qawakuqkunañataq ñawsayanankupaq, nispa.

Quechua Ayacucho Bible 1987

³⁹ Jesusñataqmi nirqa: —Ñoqaqa kay pachamanqa hamurqani allin arreglo ruraqmi hinaspa ñawsakunapa ñawin kichaykuqmi chaynapi wakinkunañataq qawakuchkaspankupas mana rikukunankupaq —nispa.

Chuya Qellqa 1992

³⁹ Jesusñataqmi nirqa: Ñoqam kay pachaman juzganaypaq hamurqani, chaynapi ñawsakuna qawakunankupaq, qawakuqkunañataq ñawsayanankupaq, nispa.

Juan 9:39 Iomraidhean Croise

Isaías 29:10

Tayta Diosmi qamkunaman sinchi puñunayayta kachaykamusunkichik. Profetakunapa ñawintapas wichqarunmi, visión rikuqkunapa umantapas velowanmi wankurun.

Isaías 44:18

Chay runakunaqa manam imatapas yachankuchu nitaqmi yuyaymanankuchu, ñawinkupas mana qawanankupaqmi wichqasqa kachkan, mana entiendenankupaqmi yuyayninkupas tutayasqa kachkan.

Isaías 6:9

Chaymi niwarqa: Rispaykiyá kay llaqtaman kaynata nimuy: Uyarichkaspapas manam entiendenqakuchu, qawachkaspapas manam yachanqakuchu.

Ezequiel 12:2

Runapa churin, qamqa mana kasukuq runakunapa chawpinpim yachachkanki, paykunaqa ñawiyuq kaspapas manam rikukunkuchu, rinriyuq kaspapas manam uyarikunkuchu, paykunaqa mana kasukuq miraykunam.

Mateo 11:5

Ñawsakunam qawakuchkanña, suchukunam purichkankuña, leprayuqkunam sanoyarunkuña, mana uyarikuqkunam uyarikuchkan-kuña, wañusqakunam kawsarinku, wak-chakunapas evangeliotam uyarichkanku, nispaykichik.

Mateo 15:14

Fariseokunataqa ama kasuychikchu. Paykunaqa ñawsakunam kanku, ñawsamasinku pusaqkunam. Ñawsapura pusanakuspaqa iskayninkum uchkuman wichiykunqaku, nispan.

Mateo 6:23

Ñawiki mana allin kaptinqa kawsakuynikipas tutayayllapim kanqa. Sichum qampi kaq achki tutayay kaptinqa, ¿mayna tutayayraq kawsakuynikipas kanqa?

Lucas 1:79

chaynapi nisyu tutayaypi kaqkunata kancharinanpaq, hinaspa ñoqanchiktapas hawkayay ñanninta pusawananchikpaq, nispan.

Lucas 13:30

Qepa kaqkunam puntapi kanqaku, puntapi kaqkunañataqmi qepapi kanqaku, nispa.

Lucas 2:34

Simeonñataqmi paykunata bendeciykuspan Jesuspa maman Mariata nirqa: Kay wawam Israelpi runakunapaq kanqa wakinpaq urmachiqnin, wakin-paqñataq hatarichiqnin. Paymi huk señal kanqa, achkaqmi contranpi hatarinqaku.

Lucas 4:18

“Tayta Diospa Espiritunmi ñoqapi kachkan, Tayta Diosmi sapaqchawaspan kamachiwarqa, wakchakunaman allin noticiata willakamunaypaq, llakisqa sonqoyuqkunata sanoyachimunaypaq, presokuna kacharisqa kanankupaq willamunaypaq, ñawsakunata ñawinta kichamunaypaq, ñakarichisqakunata libramunaypaq,

Lucas 7:21

Jesusñataqmi chay ratollapi achka runakunata tukuy rikchaq onqoyninkumanta, nanayninkumanta, mana allin espiritupa ñakarichisqanmanta sanoyachirqa, chaynataqmi ñawsakunatapas qawirichirqa.

Juan 12:31

Kunanmi kay pachapi kaqkuna juzgasqa kanqa, qarqosqataqmi kanqa kay pachapi kamachikuqpas.

Juan 12:46

Ñoqa achkiymi kay pachaman hamurqani, chaynapi pipas ñoqapi iñiqqa manaña tutayaypi kananpaq.

Juan 3:17

Diosqa manam churintaqa kay pachamanqa kachamurqa runakunata condenananpaqchu, aswanqa salvananpaqmi.

Juan 3:19

Condenasqaqa kachkanku, kay pachaman achkiy hamuchkaptin, tukuy mana allinkunata ruwaspanku tutayaytaraq kuyasqankuraykum.

Juan 8:12

Huktawanmi runakunata Jesús nirqa: Ñoqam kani runakunapaq achkiy, pipas qatiwaqniyqa manam tutayaypiqa purinqachu, payqa kanqa kawsay qokuq achkiyniyuqmi, nispa.

Juan 8:15

Qamkunaqa aychaman hinallam juzgankichik. Ñoqaqa manam pitapas juzganichu.

Juan 9:25

Payñataqmi nirqa: Huchasapa kasqantaqa manam yacha-nichu, ichaqa kaytam yachakuni: Ñaw-paqtaqa ñawsam karqani, kunanmi ichaqa qawakuchkaniña, nispa.

Hechos 26:18

rispayki ñawinkuta kicha-muptiki tutayaymanta achkiyman tikra-kuspanku Satanaspa munasqanta amaña ruwaspa Diostaña kasukunankupaq, chaynapi ñoqaman iñiptinku huchankuta Dios pampachaptin, paykunapas Diospa akllasqankunawan kuska herenciata chaskinankupaq”, nispa.

2~Corintios 2:16

chinkasqakunapaqmi ichaqa wañunankupaq wañuchikuq asnay hina, salvakuqpaqñataqmi kawsay qokuq asnariy hina. ¿Pitaq kachkan kayta ruwananpaq hinaqa?

Efesios 5:14

Chayraykum ninku: “¡Yaw puñuq, puñusqaykimanta rikchariy! Wañusqakunamanta kawsarimuy, hinaptinqa Cristom achkiykusunki”, nispanku.

2~Tesalonicenses 2:10

Hinaspam tukuy rikchaq mana allin millakuypaq kaqkunata ruwaspa engañanqa, haykam salvakunankupaq cheqap yachachikuyta mana chaskiyta munaspa condenacionman riqkunata.

1~Pedro 2:9

Qamkunam ichaqa kankichik, Diospa akllasqan ayllukuna, Reyta serviq sacerdotekuna, Diospaq chuyanchasqan llaqta hinaspa Diospa rantisqan runankuna, chaynapi Diospa atiyninmanta willakunaykichikpaq, paymi tutayaymanta qayasurqankichik admirakuypaq achkiyninpi purinaykichikpaq.

1~Juan 2:11

Pipas iñiqmasinta cheqniqqa tutayaypiraqmi kawsachkan, payqa manam yachanchu mayman risqantapas, ñawinta tutayay ñawsayarachisqanrayku.