Juan 9:34 - CHUYA QELLQA La Biblia en Quechua de Ayacucho 2012

³⁴ Chaymi judiokunañataq nirqaku: Qamqa huchapa huntasqan nacechkaspachu, ¿ñoqaykutaraq yachachiwaykuta munachkanki? nispanku. Chaynata niruspankum sinagogamanta qarqorurqaku.

Quechua Ayacucho Bible 1987

³⁴ Chaymi *f**judiokunañataq nirqaku: —Qamqa nacerqankipas huchapa huntasqanmi ¿hinachkaspachu yachachiwaykutaraq munanki? —nispa. Chaynata niruspankum qarqorurqaku *f**huñunakunanku wasimanta.

Chuya Qellqa 1992

³⁴ Chaymi judiokunañataq nirqaku: Qamqa huchapa huntasqan nacechkaspachu, ¿ñoqaykutaraq yachachiwaykuta munachkanki? nispanku. Chaynata niruspankum sinagogamanta qarqorurqaku.

Juan 9:34 Iomraidhean Croise

Génesis 19:9

Hinaptinmi chay runakunañataq nirqaku: Suchuy kaymanta, huklaw llaqtayuq kachkaspachu ¿kunanñataq juezña rikurirunki? Kunanqa paykunamantapas aswantaraqmi ruwasqaykiku, nispanku. Chaymi tukuy kallpankuwan Lotta tanqarqaku hinaspam punku pakinankupaq asuykurqaku.

2~Crónicas 25:16

Diospa profetan manaraq rimayta tukuchkaptinmi Amasías nirqa: ¿Reyta consejaqpaqchu qamta churarqaykiku? Upallay ¿icha wañuytachu munanki? nispa. Rimayta tukuruptinmi profetañataq nirqa: Nisqaykunata mana kasukuspa chay-kunata ruwasqaykimantam wañu-chisunaykipaq Tayta Diosqa tantearunña, nispa.

Jobwan Sutichasqa Libro 14:4

¿Pitaq qachata chuyayarachinman? Manam pipas atinmanchu.

Jobwan Sutichasqa Libro 25:4

¿Yaqachu pipas Diospa qayllanpi mana huchayuqpaq hapikunman? ¿Yaqachu warmimanta nacemuq runa chuyapaq hapikunman?

Éxodo 2:14

Chaymi payñataq nirqa: ¿Pitaq qamta ñoqaykupa kamachiqniyku hinaspa juezniyku kanaykipaq churasurqanki? ¿Egipto runata wañurachispachu ñoqatapas wañurachiwayta munachkanki? nispa. Hinaptinmi sonqonpi mancharikuruspan Moisés nirqa: “Cheqaptapunipas kay ruwasqaytaqa yacharunkum”, nispa.

Proverbios 22:10

Piñanakuylla maskaq runata qarqorusqaqa piñanakuypas, cheqninakuypas, kaminakuykunapas tukurunqam.

Proverbios 26:12

Yachayniyuqpaq hapikuruq runamantaqa mana yachayniyuqmi aswan allinqa.

Proverbios 29:1

Huk runa qaqchasqa kachkaspan mana kasukuspanqa, mana pipa ama nisqanmi qonqaymanta chinkachisqa kanqa.

Isaías 65:5

Paykunam ninku: “Chayllapi sayay, ama asuykamuwaykuchu; ñoqaykuqa llumpay chuyam kaniku”, nispanku. Chay runakunaqa senqayta qonchiq qosni hinam, tukuylla punchaw rataq nina hinam.

Isaías 66:5

Tayta Diospa nisqanta kasukuqkuna uyariychik. Ñoqata kuyawasqaykichikrayku cheqnispa wischusuqnikichik wawqekichikkunam kaynata ninku: “Tayta Diosyá atiyninta qawachikuchun, chaynapi kusikusqaykichikta qawanaykupaq”, nispanku. Ichaqa paykunam penqayman churasqa kanqaku.

Lucas 11:45

Hinaptinmi Diospa leynin yacha-chiqkunamanta hukkaqnin nirqa: Yachachikuq, chaynata rimaspaykiqa ñoqaykutapas insultawachkankikum, nispa.

Lucas 14:11

Pipas hatunchakuqqa uchuy-chasqam kanqa, uchuychakuqñataqmi hatunchasqa kanqa.

Lucas 18:17

Cheqaptam nikichik, pipas wawakuna hina Diospa munaychakuyninta mana chaskiqqa, manapunim chaymanqa yaykunqachu, nispa.

Lucas 6:22

Mayna kusisqam kankichik runapa Churinrayku, cheqnisqa, qarqosqa, kamisqa hinaspa sutikichiktapas mana kaqpaq hapiptinkuqa.

Juan 6:37

Taytapa qowasqankunaqa llapallanmi ñoqaman hamunqa, ñoqaman hamuqtaqa manam qarqonichu.

Juan 8:41

Qamkunaqa taytaykichikpa ruwasqallantam ruwankichik, nispa. Hinaptinmi paykunañataq nirqaku: Ñoqaykuqa manam churyapakuychu kaniku, ñoqaykupa taytaykuqa Diosllam, nispanku.

Juan 9:2

Hinaptinmi discipulonkuna tapurqaku: Yachachikuq, ¿imanasqataq wak runaqa ñawsa nacerurqa? ¿Tayta-mamanpa huchanmantachu, icha kikinpa huchanmantachu? nispanku.

Juan 9:22

Tayta-mamanqa chaynata nirqaku judiokunata manchakuspankum. Llapa judiokunam tanteanakururqaku, sichum pipas “Jesusqa Cristom” niqtaqa sinagogamanta wischurunankupaq.

Juan 9:35

Jesusmi yacharurqa chay runata sinagogamanta qarqorusqankuta, chaymi paywan tuparuspan tapurqa: ¿Creenkichu Diospa churinpi? nispa.

Juan 9:40

Chaymi paywan kaq fariseokunañataq chay nisqanta uyariruspanku nirqaku: ¿Chaynaqa, ñoqaykupas ñawsachu kaniku? nispanku.

1~Corintios 5:13

Diosmi mana iñiqkunataqa juzganqa. Qamkuna ukupi chay mana allin runataqa qarqoychik.

Gálatas 2:15

Ñoqanchikqa nacesqanchikmantapunim judío kanchik, manam huklaw llaqtayuq huchasapa runakuna hinachu.

Efesios 2:3

Ñawpaqtaqa lliwmi ñoqanchikpas kawsarqanchik mana allin piensasqanchikkunaman hina munasqallanchikpi purikuspa hinaspa aychapa munasqallanta ruwaspa, chayraykum llapa runakunawan kuska castigopaqña karqanchik.

1~Pedro 5:5

Jovenkuna, qamkunapas ancianokunatayá kasukuychik. Llapaykichikyá uchuychakuspa kasunakuychik, Chuya Qellqam kaynata nin: “Diosqa hatun tukuqkunapa contranpim kachkan, uchuychakuqkunatam ichaqa kuyakuyninwan yanapan”, nispa.

3~Juan 1:10

Chaymi rispay paytaqa contraykupi imaymana rimasqanmanta qaqchasaq. Rimasqanwanpas mana sonqon tiyaptinmi watukamusuqnikichik wawqekunatapas mana chaskinchu, hinaspam samaykachiy munaqkunatapas harkakuspan iglesiamanta qarqon.

3~Juan 1:9

Apachimurqanim huk cartata chaypi iglesiaman, ichaqa Diotrefesmi kamachikuyniykuta mana kaqpaqpas hapinchu, payña puntapi kayta munasqanrayku.

Apocalipsis 13:17

chaynapim pipas chay animalpa sutinwan hinaspa numeronwan mana marcasqa kaqkunaqa, manam imallatapas rantiyta nitaq rantikuytapas atiqkuchu.