Juan 9:31 - CHUYA QELLQA La Biblia en Quechua de Ayacucho 2012

³¹ Yachasqanchikman hinapas Diosqa manam huchasapakunataqa uyarinchu, aswanqa kasukuspa munasqanta ruwaqkunallatam uyarin.

Quechua Ayacucho Bible 1987

³¹ Yachasqanchikman hinapas Diosqa manam huchasapakunataqa uyarinchu aswanqa yupaychaqninkunallatam hinaspa paypa munasqan ruraqkunallatam.

Chuya Qellqa 1992

³¹ Yachasqanchikman hinapas Diosqa manam huchasapakunataqa uyarinchu, aswanqa kasukuspa munasqanta ruwaqkunallatam uyarin.

Juan 9:31 Iomraidhean Croise

Génesis 19:29

Chaynatam Dios chinkarachirqa qechwapi llapallan llaqtakunata. Ichaqa Abrahamta yuyarispam Lotta hurqorqa, yachasqan llaqtapi mana puchukarunanpaq.

Génesis 20:7

Chaynaqa, kunanyá chay warmita qosanman kutichipuy, payqa profetaymi, mañapusunkim mana wañunaykipaq. Mana kutichipuspaykiqa llapallan runaykikunapiwanmi wañunki, nispa.

Jobwan Sutichasqa Libro 35:12

Qayakuptinkupas Diosqa manam contestanchu, hatun tukuq kaspa mana allin ruwaq kasqankurayku.

Jobwan Sutichasqa Libro 35:13

Cheqaptapunipas Tukuy Atiyniyuq Diosqa manam uyarinqachu yanqa qayakusqankutaqa.

Jobwan Sutichasqa Libro 42:8

Chaynaqa, kunanyá qanchis torokunata chaynataq qanchis carnerokunata aparikuspa serviqniy Jobman riychik, hinaspayá qamkunapa rantikichikpi lliw kañana sacrificiota ofrecemuwaychik. Serviqniy Jobñataqmi qamkunapaq mañakamuwanqa, hinaptinmi uyariykuspay contraypi mana allinkuna rimasqaykichikmanta pampachasqaykichik. Qamkunaqa manam serviqniy Job hinachu cheqap kaqta rimarqankichik.

Proverbios 15:29

Mana allin runamantaqa Tayta Diosqa karupim kachkan, allin ruwaq runapa mañakuynintam ichaqa uyarin.

Proverbios 21:13

Wakchakunapa qayakuyninta mana uyariq runaqa, yanapakuyta mañakuspapas manam uyarisqachu kanqa.

Proverbios 28:9

Sichum pipas, Diospa kamachikuyninta mana kasukuptinqa, Tayta Diospas manam mañakuyninta uyarinqachu.

Isaías 1:15

Makikichikta hoqarispa mañakamuwaptikichikpas qamkunamantam ñawiyta asurichini. Maynataña mañakamuwaptikichikpas manam uyarisqaykichikchu. Makikichikpas yawarwan qachachasqam kachkan.

Isaías 58:9

Chayna kaptinqa qayakamuwasqaykitapas uyarisqaykim, yanapanaypaq qayakamuwaptikipas “kaypim kachkani”, nisqaykim. Runamasikita manaña ñakarichiptikiqa, runamasikita millay rimaywan burlakuspa manaña insultaptikiqa,

Jeremías 11:11

Chayraykum ñoqa Tayta Dios kaynata nini: Paykunamanmi hatun sasachakuyta chayachimusaq, chaymantaqa manam lluptinqakuchu. Yanapanaypaq qayakamuwaptinkupas manam uyarisaqchu.

Jeremías 14:12

Ayunaspa mañakuwaptinkupas manam uyarisaqchu. Lliw kañana sacrificionkunatawan kawsaykunamanta ofrendakuna apamuwasqankutapas manam chaskisaqchu. Aswanqa guerrawan, yarqaywan hinaspa peste onqoywanmi paykunataqa tukusaq, nispa.

Jeremías 15:1

Tayta Diosmi kaynata niwarqa: Moiseswan Samuelña ñawpaqniyman hamuptinkupas, manam kay runakunataqa llakipayarisaqchu. ¡Kaymanta qarqoy, qayllaymanta lloqsichunku!

Ezequiel 8:18

Chayraykum ñoqapas paykunaman piñakuyniyta kachaykamusaq, manam paykunataqa llakipayasaqchu; qaparkachaspa qayakamuwaptinkupas manam uyarisaqchu, nispa.

Miqueas 3:4

Huk punchawmi Tayta Diosta qayakunkichik, ichaqa manam uyarisunkichikchu. Tukuy mana allinkunata ruwasqaykichikraykum chay tiempopi qamkunamanta pakakurunqa.

Zacarías 7:13

Chaynaqa, Tukuy Atiyniyuq Tayta Diosmi kaynata nin: Imaynam paykuna qayakuyniyta mana kasukurqakuchu, chaynam ñoqapas mañakuyninkuta mana uyarirqanichu.

Juan 11:22

Aswanqa yachanim, Diospa imam mañakusqayki qosunaykitaqa, nispa.

Juan 15:16

Manam qamkunachu ñoqataqa akllawarqankichik, ñoqam qamkunataqa akllarqaykichik, hinaspam achkata rurunaykichikpaq churarqaykichik, chaynapi rurusqaykichik takyananpaq. Chaynaqa, Taytam ñoqapa sutiypi tukuy ima mañakusqaykichikta qosunkichik.

Juan 4:34

Jesusñataqmi nirqa: Ñoqapa mikunayqa pim kachamuwaqniypa munasqanta ruwaymi hinaspa llamkayninta tukuymi.

Juan 7:17

Pipas Diospa munasqanta ruway munaqqa yachanqam kay yachachisqayqa Diosmanta kasqanta otaq kikillaymanta rimasqaytapas.

Juan 9:30

Chay runañataqmi nirqa: ¡Admirakuypaqmi kayqa! Maymantam lloqsimusqanta mana yachachkaptikichikpas ñoqatam ichaqa ñawiyta kichaykuwan.

Juan 9:32

Kunankamaqa manam uyarikurqachu nacesqanmantapuni ñawsata pipas qawarirachisqantaqa.

Deuteronomio 1:45

Chaymi kutiramuspa Tayta Diospa qayllanpi waqarqankichik, ichaqa manam uyarisurqankichikchu, nitaqmi kaqpaqpas hapisurqankichikchu.

Hebreos 10:7

Chaymi nirqani: Kaypim kachkani, Chuya Qellqapim ñoqamanta kaynata nichkan, Diosnilláy, hamurqaniqa munasqayki ruwanaypaqmi”, nispa.