Juan 9:22 - CHUYA QELLQA La Biblia en Quechua de Ayacucho 2012

²² Tayta-mamanqa chaynata nirqaku judiokunata manchakuspankum. Llapa judiokunam tanteanakururqaku, sichum pipas “Jesusqa Cristom” niqtaqa sinagogamanta wischurunankupaq.

Quechua Ayacucho Bible 1987

²² Tayta-mamanqa chaynataqa nirqa *f**judiokunata manchakuspankum. Chay judiokunaqa ñam tanteanakururqakuña pipas: “Jesusqa Cristom” niptinqa *f**huñunakuna wasimanta wischurunankupaq.

Chuya Qellqa 1992

²² Tayta-mamanqa chaynata nirqaku judiokunata manchakuspankum. Llapa judiokunam tanteanakururqaku, sichum pipas “Jesusqa Cristom” niqtaqa sinagogamanta wischurunankupaq.

Juan 9:22 Iomraidhean Croise

Proverbios 29:25

Runapa manchakuyninqa trampa hina wichichiqninmi, Diospi hapipakuq runam ichaqa hawka kawsakunqa.

Isaías 51:12

Tayta Diosmi kaynata nin: Ñoqam kallpanchaqniki kani, ¿imanasqataq runakunata manchakunki? ¿Imanasqataq qora hina chakiruqlla runakunata manchakunki?

Isaías 51:7

Allin ruwayta yachaqkuna, yachachikuyniyta sonqoykichikpi hatalliqkuna uyariwaychik: Runakuna kamisuptikichikpas ama hukmanyaychikchu, usuchisuptikichikpas ama llakikuychikchu.

Isaías 57:11

¿Pita manchakuspaykitaq ñoqapi manaña iñispa karunchakurunki? ¿Unayña mana rimarisqayraykuchu manaña kaqpaqpas hapiwanki?

Lucas 6:22

Mayna kusisqam kankichik runapa Churinrayku, cheqnisqa, qarqosqa, kamisqa hinaspa sutikichiktapas mana kaqpaq hapiptinkuqa.

Juan 1:19

Kaynatam Juan willakurqa, Judio-kunapa kamachiqninkunam Jerusa-lenmanta sacerdotekunata hinaspa levitakunata kacharqaku: ¿Pitaq kanki? nispa Juanta tapumunankupaq.

Juan 16:2

Sinagogakunamantam qarqosunkichik, hamuchkanmi wañu-chisunaykichik punchawkuna, chayta ruwaspankum “Diostam servichkani”, ninqaku.

Juan 19:38

Kaykunapa qepantam Arimatea llaqtayuq José ruegakurqa Pilatota, Jesuspa cuerponta qonanpaq. Joseyqa Jesuspa discipulonmi karqa, ichaqa judiokunata manchakusqanraykum mana musyachikuspalla qatikurqa. Pilato autorizaykuptinmi Joseyqa Jesuspa cuerponta aparqa.

Juan 20:19

Hina chay punchawllam, domingo tutaykuyta, discipulonkuna huñunakuruspanku punkuta wichqakururqaku, chaynataqa ruwarqaku judiokunata manchakusqankuraykum. Jesusmi yaykuruspa discipulonkunapa chawpinpi sayaykuspa nirqa: ¡Hawkayay qamkunawan kachun! nispa.

Juan 7:13

Ichaqa manam pipas libretaqa rimarqachu judiokunata manchakus-qankurayku.

Juan 9:18

Judiokunañataqmi mana creerqakuchu, ñawsa kachkaspa kunanñataq qawarikurusqantaqa hinaspam tayta-mamanta qayachimuspa kaynata

Juan 9:21

Icha-qa manam yachanikuchu imaynam qawarikusqantapas chaynataq pim qawarirachisqantapas, chaynaqa kikintayá tapuychik, yuyayniyuqñam, kikinmi willasunkichik, nispanku.

Juan 9:34

Chaymi judiokunañataq nirqaku: Qamqa huchapa huntasqan nacechkaspachu, ¿ñoqaykutaraq yachachiwaykuta munachkanki? nispanku. Chaynata niruspankum sinagogamanta qarqorurqaku.

Juan 9:35

Jesusmi yacharurqa chay runata sinagogamanta qarqorusqankuta, chaymi paywan tuparuspan tapurqa: ¿Creenkichu Diospa churinpi? nispa.

Hechos 4:18

Hinaspam Pedrotawan Juanta huktawan qayaykuspanku kamachirqaku, Jesucristopa sutinpi amaña willaku-nankupaq hinaspa amaña yacha-chinankupaq.

Hechos 5:13

Wakin runa paykunaman asuykuyta manchakuptinpas runakunapa allin respetasqanmi karqaku.

Hechos 5:40

Chaymi lliwchanku paypa nisqanta kasuspanku apostolkunata qayaykuspa azoterqaku, hinaspam Jesuspa sutinmanta amaña rimanankupaq kamachispalla kachaykurqaku.

Apocalipsis 21:8

Manchatikunaqa, mana iñiqkunaqa, aychanwan millakuypaq kaq ruwaqkunaqa, runa wañuchiqkunaqa, huchapakuqkunaqa, layqakunaqa, idolokuna yupaychaqkunaqa hinaspa llullakuqkunaqa, azufreyuq nina lenwachkaq qochamanmi wischusqa kanqaku. Kayqa iskay kaq wañuymi, nispa.