Juan 9:16 - CHUYA QELLQA La Biblia en Quechua de Ayacucho 2012

¹⁶ Chaymi wakiqnin fariseokuna nirqaku: Chay sanoyachisuqniki runaqa manam Diosmanta hamuqchu, payqa samana punchawtapas manam respetanchu, nispanku. Wakinñataqmi nirqaku: ¿Imaynataq huchasapa runaqa kayna milagrokunataqa ruwanman? nispanku. Chaynapim kikinkupura atipanakuspanku mana acuerdochu karqaku.

Quechua Ayacucho Bible 1987

¹⁶ Wakinnin *f**fariseokunañataqmi nirqa: —Chay sanoyarachisuqniki runaqa manam Diosmantachu samana punchawpi mana samasqanrayku —nispa. Wakinninñataqmi nirqaku: —Huchasapa runaqa ¿imaynataq ruranman milagrokunataqa? —nispanku. Chaynapim runakuna kikinkupura mana acuerdochu karqaku.

Chuya Qellqa 1992

¹⁶ Chaymi wakiqnin fariseokuna nirqaku: Chay sanoyachisuqniki runaqa manam Diosmanta hamuqchu, payqa samana punchawtapas manam respetanchu, nispanku. Wakinñataqmi nirqaku: ¿Imaynataq huchasapa runaqa kayna milagrokunataqa ruwanman? nispanku. Chaynapim kikinkupura atipanakuspanku mana acuerdochu karqaku.

Juan 9:16 Iomraidhean Croise

Mateo 12:10

Chaypim kachkarqa chakisqa makiyuq runa, hinaptinmi Jesusta imawanpas wichirachiyta maskaspanku kaynata tapurqaku: ¿Allinchu kanman samana punchawpi huk onqoq runa sanoyachisqa kaynin? nispanku.

Mateo 12:2

Chayta qawaspankum llapa fariseokunañataq Jesusta nirqaku: Discipuloykikunaqa samana punchawpi mana ruwanatam ruwachkanku, nispanku.

Lucas 13:14

Si-nagogapi kamachikuqñataqmi samana punchawpi Jesuspa sanoyachisqanwan piñakuruspan runakunata nirqa: Soqta punchawmi llamkanapaqqa kachkan. Sanoyachisqa kayta munaspaqa chay punchawkunapiyá hamuychik, amayá samana punchawpichu, nispa.

Juan 10:19

Chaykuna rimasqanta uyarispankum llapa judiokuna rakinakuyman chayarurqaku.

Juan 14:11

¿Manachu creenkichik ñoqaqa Taytapi kasqayta, Taytañataq ñoqapi kasqanta? Mana chayqa imakuna ruwasqaykunawanyá creewaychik.

Juan 15:24

Sichum paykuna ukupi mana pipapas ruwas-qanta mana ruwaptiyqa manam huchayuqchu kanmanku karqa, ichaqa chay ruwasqaykunata rikuchkaspankupas cheqniwankuraqmi, cheqninkutaqmi Taytaytapas.

Juan 2:11

Kay punta kaq milagrotam Jesús ruwarqa Galilea law Caná llaqtapi. Chaywanmi atiyninta qawachikurqa, hinaptinmi discipulonkuna paypi creerqaku.

Juan 3:2

Paymi tutallan hamuspan Jesusta nirqa: Yachachikuq, yachanikum yachachiwanaykikupaq Dios kachamususqaykita, milagrokunataqa manam pipas qam hinaqa ruwayta atinmanchu, sichum mana paywan Dios kaptinqa, nispa.

Juan 5:10

Chaymi llapa judiokuna chay sanoyaruq runata nirqaku: Kunanqa samana punchawmi, chakanaykita apaspa puriynikiqa leyman hinaqa manam allinchu, nispanku.

Juan 5:36

Ichaqa Juanpa willakusqanmantapas aswan valorniyuq testigoyqa, ruwanaypaq Tay-tapa kamachimuwasqan kaqkuna ruwas-qaymi, chaykunam Taytapa kachamuwasqanmantaqa willakunku.

Juan 6:52

Chaynata niruptinmi llapa judiokuna kikinkupura kaynata atipanakurqaku: ¿Imaynataq kayqa aychantaqa qowach-wan mikunanchikpaqqa? nispanku.

Juan 7:12

Anchatam Jesusmanta runakuna rimarqaku. Wakiqninmi nirqaku: Allin runam payqa, nispanku. Wakinñataqmi nirqaku: Manam payqa allinchu, runakunatam engañan, nispanku.

Juan 7:23

Moisespa kamachikuyninta cumplinaykichikrayku samana punchawpipas runata señalaspaykichikchu, ¿ñoqapaqñataq huk onqoqta samana punchawpi sanoyarachisqanmanta piñakunkichik?

Juan 7:43

Chaynakunata nispankum Jesuspa causanpi llapa runakuna rakinakururqaku.

Juan 9:24

Judiokunam musoqmanta qayachimurqaku ñawsamanta sanoyaruq runata, hinaspam nirqaku: Diostayá yupaychay, ñoqaykuqa yachanikum chay runaqa huchasapa kasqanta, nispanku.

Hechos 14:4

Chay llaqtapi runakunam iskayman rakinakururqaku, wakinmi judiokunawan karqaku, wakiqninñataq apostolkunawan.