Juan 8:58 - CHUYA QELLQA La Biblia en Quechua de Ayacucho 2012

⁵⁸ Hinaptinmi Jesusñataq nirqa: Cheqaptapunim nikichik, manaraqpas Abraham kachkaptinqa ñoqaqa ñam karqaniña, nispa.

Quechua Ayacucho Bible 1987

⁵⁸ Hinaptinmi Jesusñataq nirqa: —Cheqaptapunim nikichik, manaraqpas Abraham kachkaptinqa ñam karqaniña —nispa.

Chuya Qellqa 1992

⁵⁸ Hinaptinmi Jesusñataq nirqa: Cheqaptapunim nikichik, manaraqpas Abraham kachkaptinqa ñoqaqa ñam karqaniña, nispa.

Juan 8:58 Iomraidhean Croise

Éxodo 3:14

Chaymi Moisesta Dios nirqa: “Ñoqaqa kani Ñoqam”, chaynaqa Israelpa mirayninkunamanmi ninki: “Ñoqam kani” niqmi qamkunaman kachamuwan, nispa.

Isaías 43:13

Tukuy imapa qallariyninmantam ñoqalla Dios kani. Ñoqapa makiymantaqa manam pipas qechuwayta atinmanchu, ñoqapa ruwasqaytaqa manam pipas yanqachanmanchu.

Isaías 44:6

Israelta reclamaq reymi, Tukuy Atiyniyuq Tayta Diosmi kaynata nin: Ñoqam kani ñawpaq kaqpas chaynataq qepa kaqpas, ñoqamanta huk Diosqa manam kanchu.

Isaías 44:8

Ama manchakuychikchu nitaq hukmanyaychikchu. ¿Manachu ñawpaqmantaraq yachayta qorqaykichik hinaspa willarqaykichik? Qamkunam testigoy kankichik. Ñoqallam Diosqa kani manam hukqa kanchu, Ñoqa hina hapipakunapaq sapaq diostaqa manam reqsinichu.

Isaías 46:9

Ñawpaq tiempopi imakunam pasakusqantayá yuyariychik. Ñoqallam Diosqa kani, ñoqamanta hukqa manam kanchu. Ñoqaqa Diosmi kani, ñoqaman rikchakuqqa manam pipas kanchu.

Isaías 48:12

Jacobpa mirayninkuna uyariwaychik, akllakusqay Israel llaqta, uyariway: Ñoqa sapallaymi Diosqa kani, ñoqallam kani punta kaqpas, qepa kaqpas.

Isaías 9:6

Wawam nacerapuwanchik, churitam Tayta Dios qoykuwanchik, munaychakunanpaqmi atiyta qoykun. Paytam sutichanqaku: Admirakuypaq, allin Consejakuq, Tukuy Atiyniyuq Dios, Wiña-Wiñaypaq Yaya, hinaspa Hawkayayta Qokuq, nispa.

Miqueas 5:2

Belén Efrata, Judá ayllukunamanta taksallan llaqta, qanmantam Israelpi munaychakuq hatarinqa, payqa paqarimurqa ñawpaqmantaraqmi, tukuy imapa qallariyninmantapacham.

Juan 10:25

Jesusñataqmi nirqa: Ñam nirqaykichikña ichaqa manam creerqankichikchu, Taytaypa atiy qowas-qanwanmi tukuy imata ruwani, chaykunam ñoqamanta willakun.

Juan 17:24

Taytáy, qanmi qowarqanki paykunata chaymi munani paykunapas ñoqapa kasqaypi kanankuta, chaynapi hatunchawasqaykita qawanankupaq. Manaraqpas kay pacha unanchasqa kachkaptinmi qamqa kuyawarqankiña.

Juan 17:5

Taytáy, kunanyá ñawpaqnikipi hatunchaway, chayna hatunchasqam karqani manaraqpas kay pacha kachkaptin.

Juan 8:24

Chaymi nirqaykichik “huchaykichikpim wañunkichik” nispay. Pim kasqayta mana creespaykichikqa huchaykichikpim wañunkichik.

Juan 8:28

Chaymi Jesús nirqa: Runapa Churinta chakataruspaykichikñam pim kasqayta yachankichik. Tukuy imatapas manam kikillaymantachu ruwani, Taytaypa yachachiwasqallantam ñoqaqa willaykichik.

Juan 8:34

Jesusñataqmi nirqa: Cheqaptapunim nikichik, huchakuna ruwaqqa huchapa esclavonmi.

Juan 8:51

Cheqaptapunim nikichik, pipas palabraykunata waqay-chaqkunaqa manam haykapipas wañun-qachu, nispa.

Colosenses 1:17

Tukuy imapas manaraq unanchasqa kachkaptinqa Cristoqa karqañam, tukuy imapas paypa atiyninwanmi takyachkan.

Hebreos 13:8

Jesucristoqa qaynapas, kunanpas, wiña-wiñaypaq hina kaqllam.

Apocalipsis 1:11

kayna niqta: Ñoqam kani Qallariypas Tukupaypas. Kay qawasqaykitayá huk libropi qellqaspa Asia lawpi kaq qanchisnintin llaqtakunapi iglesiakunaman apachiy: Efesoman, Esmirnaman, Pergamoman, Tiatiraman, Sardisman, Filadelfiaman hinaspa Laodiceaman, nispa.

Apocalipsis 1:8

Tukuy Atiyniyuq Señor Diosmi nin: “Ñoqam kani Qallariypas Tukupaypas. Ñoqataqmi kani Ñawpaq kaqpas, Kunan kaqpas, Hamuq kaqpas”, nispa.

Apocalipsis 2:8

Esmirna llaqtapi iglesiapa angelninman kaynata qellqay: Punta kaqmi, Qepa kaqmi, wañus-qanmanta kawsarimuqmi kaynata nin: