Juan 8:55 - CHUYA QELLQA La Biblia en Quechua de Ayacucho 2012

⁵⁵ Paytaqa manam reqsinkichikchu. Ñoqam ichaqa reqsini. “Manam reqsinichu” nispayqa qamkuna hina llullakuqchá kayman. Ñoqaqa reqsinim, chayraykum paypa palabrankunata kasukuni.

Quechua Ayacucho Bible 1987

⁵⁵ Paytaqa manam reqsinkichikchu. Ñoqam ichaqa reqsini. “Manam reqsinichu” nispayqa qamkuna hinachá llullakuyman. Ñoqaqa reqsinim, chayraykum ñoqaqa kasukuni paypa nisqankunata.

Chuya Qellqa 1992

⁵⁵ Paytaqa manam reqsinkichikchu. Ñoqam ichaqa reqsini. “Manam reqsinichu” nispayqa qamkuna hina llullakuqchá kayman. Ñoqaqa reqsinim, chayraykum paypa palabrankunata kasukuni.

Juan 8:55 Iomraidhean Croise

Jeremías 4:22

Tayta Diosmi kaynata nin: Llaqtayqa mana yachayniyuqmi, manam reqsiwankuchu; paykunaqa mana yachayniyuq churikunam, paykunaqa mana yuyaymanayniyuq runakunam; mana allin ruwaypaqmi ichaqa yachaysapallaña, allin ruwaytam ichaqa mana yachankuchu.

Jeremías 9:3

Tayta Diosmi kaynata nin: Flechachkaq hinaraqmi llullata rimanankupaq listoñalla kachkanku, kay llaqtapiqa llullakuyllañam munaychakuchkan cheqapqa manañam kanñachu; aswan-aswanmi mana allinkunaman qokurunku, Diospunim kaynata nin: Paykunaqa mana reqsisqapaqñam hapiwanku,

Oseas 5:4

Mana allin ruwasqaykichikmi Diosman kutirikunaykichikta harkarusunkichik, chuchumika hina kawsakuynikichikmi Tayta Diosta reqsikunaykichiktapas harkarusunkichik.

Mateo 11:27

Taytaymi tukuy imakunata qoykuwarqa. Churitaqa manam pipas allintaqa reqsinchu aswanqa Taytallanmi, Taytataqa manataqmi pipas reqsinchu aswanqa Churillanmi hinaspa Churinpa reqsichisqan kaqkunallam.

Lucas 10:22

Taytaymi tukuy imakunata qoykuwan. Pim Churi kasqantaqa manam pipas yachanchu, aswanqa Taytallanmi. Taytataqa manataqmi pipas reqsinchu aswanqa Churillanmi hinaspa munasqanman hina Churinpa reqsichisqan kaqkunallam, nispa.

Juan 1:18

Diostaqa manam pipas rikurqachu, aswanqa sapallan Churinmi Dios kasqanrayku hinaspa Taytanwan huklla kasqanrayku, imaynam Dios kasqanta reqsichiwarqanchik, nispa.

Juan 15:10

Sichum kamachikuyniykunata kasukuspaqa kuyakuyniypiyá takyaychik, imaynam ñoqapas Taytaypa kamachikuyninkunata kasukuspay paypa kuyakuyninpi takyasqayta hina.

Juan 15:21

Tukuy chaykunataqa ñoqaraykum ruwasunkichik, kachamuwaqniyta mana reqsisqankurayku.

Juan 16:3

Kaykunataqa ruwanqaku Taytatawan ñoqata mana reqsiwasqankuraykum.

Juan 17:25

Chuya Taytáy, kay pachapi kaq runakunaqa manam reqsisunkichu, ñoqam ichaqa reqsiki, qowasqayki runakunapas yachantaqmi qam kachamuwasqaykitaqa.

Juan 6:46

Taytataqa manam pipas rikurqachu, aswanqa Diosmanta hamuqllam, payllam Taytataqa rikurqa.

Juan 8:19

Hinaptinmi fariseokuna nirqaku: ¿Maypitaq kachkan taytaykiqa? nispanku. Chaymi Jesusñataq nirqa: Qamkunaqa manam reqsiwankichikchu, nitaqmi Taytaytapas reqsinkichikchu; ñoqata reqsiwaspaykichikqa Taytaytapas reqsiwaqchikmi, nispa.

Juan 8:29

Kachamuwaqniyqa ñoqawanmi kachkan, Taytaqa manam sapallaytachu saqeruwan, ñoqaqa paypa munasqantam tukuy tiempo ruwani, nispa.

Juan 8:44

Qamkunapa taytaykichikqa diablom, chaymi paypa munasqallanta ruwankichik. Diabloqa qallariyninmantapuni runata wañuyman apaqmi karqa, paypi mana cheqap kasqanraykum cheqap kaqpipas mana takyanchu. Llullata rimaspanqa kikillanmanta kaqtam riman, chayna kasqanraykum haykam llullakuqkunapa taytan.

Juan 8:51

Cheqaptapunim nikichik, pipas palabraykunata waqay-chaqkunaqa manam haykapipas wañun-qachu, nispa.

Juan 8:52

Judiokunañataqmi nirqaku: Kunanmi ichaqa yachaniku demo-nioyuq kasqaykita. Abrahampas chay-nataq profetakunapas wañukunkuñam, qamñataqmi ninki: “Pipas palabrayku-nata waqaychaqkunaqa manam haykapipas wañunqachu” nispayki.

Hechos 17:23

Kunanmi hamuchkaspay dioskuna yupaychanaykichik sitionkuna qawamusqaypi huk altarta rikuramuni, chay altarpim kayna qellqasqa kasqa: “Mana reqsisqa Diospa Altarnin” niq. Chay mana reqsistin yupaychasqaykichik Diosmanta willanaypaqmi hamuni.

2~Corintios 4:6

Tutayaypi kancharinanpaq kamachiq Diosllam sonqonchiktapas achkiyninwan kancharichirqa, chaynapi Jesucristopa uyanpi kanchariq Diospa achkiyninta reqsichinanchikpaq.

1~Juan 1:6

Sichum, paywanmi huklla kachkani nichkaspa tutayaypiraq kawsaspanchikqa llullakuchkanchikmi, manam cheqapman hinachu ruwachkanchik.

1~Juan 2:22

¿Pitaq chay llullaqa? “Jesusqa manam Cristochu” niqmi llullaqa. Payqa anticristom, payqa neganmi Dios Taytatapas chaynataq churin Jesucristotapas.

1~Juan 2:4

Pipas: “Ñoqaqa Diosta reqsinim” nichkaspan, kamachikuyninkunata mana kasukuspanqa llullakuchkanmi, paypiqa cheqap kaqqa manam kanchu.

1~Juan 5:10

Pipas Diospa Churinman iñiqqa chay nisqantam tukuy sonqonwan chaskin. Pipas Diospa nisqanta mana creeqmi ichaqa Diosta llullapaq hapichkan.

Apocalipsis 3:9

Satanaspa sinagoganmanta kaq llullakuspanku “judiom kani” niqkunatapas ñoqam qayllaykipi qonqorachisaq, chaynapim yachanqaku qam kuyasqayta.