Juan 8:43 - CHUYA QELLQA La Biblia en Quechua de Ayacucho 2012

⁴³ ¿Imanasqataq rimasqaykunataqa mana entiendenkichikchu? Palabray-kunata mana uyariy munasqaykichikrayku.

Quechua Ayacucho Bible 1987

⁴³ ¿Imanasqamá manaqa entiendenkichikchu rimasqaykunataqa? Manam atinkichikchu kasukuyta rimasqay kasukuyta.

Chuya Qellqa 1992

⁴³ ¿Imanasqataq rimasqaykunataqa mana entiendenkichikchu? Palabraykunata mana uyariy munasqaykichikrayku.

Juan 8:43 Iomraidhean Croise

Proverbios 28:5

Mana allin runakunaqa allin ruwaytapas manam yachankuchu, Diosman hapipakuqkunam ichaqa tukuy imatapas yachanku.

Isaías 44:18

Chay runakunaqa manam imatapas yachankuchu nitaqmi yuyaymanankuchu, ñawinkupas mana qawanankupaqmi wichqasqa kachkan, mana entiendenankupaqmi yuyayninkupas tutayasqa kachkan.

Isaías 6:9

Chaymi niwarqa: Rispaykiyá kay llaqtaman kaynata nimuy: Uyarichkaspapas manam entiendenqakuchu, qawachkaspapas manam yachanqakuchu.

Jeremías 6:10

Chaymi nirqani: ¿Pitataq rimapayasaq? ¿Pimantaq willasaq? ¿Pitaq uyariwanman? Rinrinkum tapasqa kachkan, chayraykum paykunaqa uyariyta mana atinkuchu; palabraykimantapas penqakunkum, chayraykum mana uyariyta munankuchu.

Oseas 14:9

Yachayniyuq runaqa kay willakuyniyta entiendechun, allin tanteakuq runaqa kay nisqaykunata yachachun. Diospa ñanninkunaqa mana pantayniyuqmi, allin ruwaq runaqa chaynintam purinqa, mana kasukuq runakunam ichaqa chaypi urmarunqa.

Miqueas 4:12

Paykunaqa manam yachankuchu Tayta Diospa imam tanteasqantapas, nitaqmi entiendenkuchu rimapayasqantapas, manataqmi yachakunkuchu gavillata hina Tayta Diospa huñusqan kanankutapas.

Mateo 13:15

Kay runakunapaqa sonqonkupas rumiyasqam kachkan, rinrinkupas upayasqam kachkan, ñawinkupas wichqasqam kachkan. Mana qawakunankupaqmi ñawinkutapas wichqarunku, mana uyarinankupaqmi rinrinkutapas taparunku, chaynapi mana entiendenankupaq nitaq ñoqaman kutirikamunankupaq, chaynapi ñoqapas mana sanoyachinaypaq”, nispa.

Juan 5:25

Cheqaptapunim nikichik, hamuchkanmi punchaw, ñam chayaramunña, wañuqkunam Diospa Churinpa qayakuyninta uyarinqaku, hinaspam uyariqninkunaqa kawsarimunqaku.

Juan 5:43

Ñoqaqa Taytaypa sutinpim hamurqani, qamkunam ichaqa mana chaskiwarqankichikchu, sichum pipas kikinpa sutinpi hamuptinmi ichaqa chaskiwaqchik.

Juan 6:60

Chayta uyariykuspankum qatiqninkunamanta achkaq nirqaku: Kay nisqankunaqa mana aguantay atinam. ¿Pitaq kayta chaskinman? nispanku.

Juan 7:17

Pipas Diospa munasqanta ruway munaqqa yachanqam kay yachachisqayqa Diosmanta kasqanta otaq kikillaymanta rimasqaytapas.

Juan 8:27

Paykunaqa manam entienderqakuchu Taytanmanta nisqantaqa.

Juan 8:33

Judiokunañataqmi nirqaku: Ñoqaykuqa Abrahampa mirayninmi kaniku, manam haykapipas nitaq pipapas esclavonchu karqaniku. ¿Imaynanpitaq qamqa ninki: “Chay cheqapmi libreta ruwasunkichik”, nispaqa?

Juan 8:39

Chaymi paykunañataq nirqaku: Taytaykuqa Abrahamllam, nispanku. Jesusñataqmi nirqa: Abrahampa miraynin kaspaqa paypa ruwasqankunatachá ruwawaqchik.

Hechos 7:51

Qamkunaqa mana kasukuq runakunam kankichik. Rinrikichikpas chaynataq sonqoykichikpas wichqasqam kachkan. Qamkunaqa Chuya Espiritupa contranpim kachkankichik, ñawpa taytaykichikkuna hinapunim qamkunapas kankichik.

Romanos 3:11

manam pipas yachayniyuqqa kanchu, manataqmi pipas Diostaqa maskanchu.