Juan 7:37 - CHUYA QELLQA La Biblia en Quechua de Ayacucho 2012

³⁷ Fiestapa tukupaynin punchawqa hatun punchawmi karqa. Chaypim Jesús sayaykuspan kaynata qaparirqa: Pipas yakunayachikuqqa ñoqaman hamuspa tomachun.

Quechua Ayacucho Bible 1987

³⁷ Fiestapa tukunan punchawmi karqa hatun punchaw. Chaypim Jesus sayaykuspa qayarikuq hina nirqa: —Pipas yakunayachikuqqa ñoqaman hamuspayá tomachun.

Chuya Qellqa 1992

³⁷ Fiestapa tukupaynin punchawqa hatun punchawmi karqa. Chaypim Jesús sayaykuspan kaynata qaparirqa: Pipas yakunayachikuqqa ñoqaman hamuspa tomachun.

Juan 7:37 Iomraidhean Croise

Nehemías 8:18

Qanchis punchawmi chay fiestata ruwarqaku, sacerdote Esdrasñataqmi chay fiesta qallariyninmanta tukupaynin punchawkama Diospa kamachikuynin librota leerqa. Pusaq kaq punchawpiñataqmi, costumbrenkuman hina hatun huñunakuyta ruwarqaku.

Proverbios 1:20

Yachaymi callekunapi qayakun, plazakunapim hatunmanta qaparin.

Proverbios 8:1

Yachayqa simin huntatam qayaykachakun, yuyayniyuq kaypas qapariynintam uyarichikun.

Proverbios 8:17

Ñoqaqa kuyawaqniykunatam kuyani, maskawaqniykunaqa tariwanmi.

Proverbios 8:3

llaqtaman yaykuna punkukunapim qayakun, wasipa punkukunapim kaynata qaparin:

Proverbios 9:3

Criadankunatam kamachin, llaqtapa alton orqomanta kaynata qayakunankupaq:

Cantares 5:1

Warma yanachalláy, huertaypiñam kachkani, mirraytawan miski asnaq qoraykunatam pallaruniña, abejaypa miskintam mikuruniña, vinoytawan lecheytapas tomaruniñam. Kuyasqallaykuna mikukuychik, munasqaykichiktayá tomakuychik.

Isaías 12:3

Qamkunapas kusikuyllawanñam salvación qokuq pukyumanta yakuta tomankichik.

Isaías 40:2

Jerusalenpi runaykunata kuyakuywan rimapayaychik, huchankuta Tayta Dios pampachasqantaña, huchankurayku criado kaspa ñakariyninku tukurusqantaña, qaparispa paykunaman willaychik.

Isaías 40:6

Qayakuymi uyarikurqa kayna niq: ¡Qayaykachakuy! nispa. Hinaptinmi tapurqani: ¿Imanispaytaq qayaykachakusaq? nispa. Chaymi niwarqa: Llapa runakunaqa qora hinallam, kuyayllapaq kayninkupas wayta hinallam.

Isaías 44:3

Ñoqam chakisqa allpakunaman yakuta chaqchumusaq, chaki allpakunapipas mayukunatam kallpachisaq. Miraynikikunamanmi Espirituyta chaqchurimusaq, qamkunamanta naceqkunatam bendicionniywan huntasaq.

Isaías 55:1

Llapallan yakunayasqakuna, yaku tomaq hamuychik; mana qollqeyuqkuna, mikunaykichikpaq trigota mana imallapaq apakuychik, vinotawan lecheta mana qollqellapaq apakuychik.

Isaías 55:3

Ñoqaman asuykamuspa uyariwaychik, uyariwaspaykichikqa kawsankichikmi. Qamkunawanmi pactota wiñaypaq ruwasaq, rey Davidta kuyasqayraykum payman prometesqaykunata cumplisaq.

Isaías 58:1

Tayta Diosmi niwarqa: Ama manchakuspa qayaykachakuy, trompeta hina qapariy, mana kasukusqanmanta llaqtanman willay, huchallikusqankumanta Jacobpa mirayninkunaman willay.

Jeremías 16:19

Dios taytalláy, kallpanchaqniymi qamqa kanki, sasachakuypi harkaykuqniymi qamqa kanki. Kay pachapa patankunamantam nacionkuna hamuspanku nisunki: Cheqaptapunipas ñawpaq taytaykuqa, mana valeq idolokunatam herenciata hina chaskirqaku.

Jeremías 2:2

Jerusalenpi runakunaman rispayki, allinta uyarinankupaq qaparispa kaynata nimuy, Tayta Diosmi kaynata nin: Sipas kaspa kuyawasqaykitam yuyarini, casararuptiy kuyawasqaykitam yuyarini, mana imapa kanan chunniqninta qatiwasqaykitam yuyarini.

Ezequiel 47:9

Maymanpas kay mayupa chayasqanpiqa tukuy rikchaq animalkunawan challwakunam kawsanqa. Kay mayupa yakunkunam qatqe yakukunatapas miskiyachinqa, hinaptinmi tukuy rikchaq animalkunaña kawsanqa.

Levítico 23:36

Qanchis punchawmi ñoqa Tayta Diosman kañasqa ofrendakunata ofrecewankichik, pusaq kaq punchawpiñataqmi ñoqallapaqña sapaqchasqa huñunakuyman qayaspa kañasqa ofrendata ofrecewankichik. Chay punchawpiqa fiestay kasqanraykum ama llamkankichikchu.

Levítico 23:39

Qanchis kaq killapa chunka pichqayuq punchawninpim, cosechaykichiktapas lliw huñuruspaña, ñoqa Tayta Diospaq hatun fiestata qanchis punchawpuni ruwankichik, punta kaq punchawmi samana punchaw kanqa, pusaq kaq punchawpas samana punchawtaqmi kanqa.

Miqueas 6:9

Tayta Diosmi llaqtata qayachkan, payta uyariyqa allin yachayniyuq kaymi. Llapa runakuna uyariychik, kamachikuqkuna uyariychik:

Zacarías 9:15

Tukuy Atiyniyuq Tayta Diosmi llaqtanta waqaychanqa, paykunañataqmi enemigonkupa warakanan rumikunata sarupanqaku, hinaspam enemigonkuta mikurunqaku, yawarnintapas vinota hinaraqmi tomanqaku, yawarwan huntasqa plato hinaraqmi kanqaku, altarpi waqrakuna hinaraqmi kanqaku.

Números 29:35

Chay fiestapa pusaq kaq punchawninpiñataqmi hatun huñunakuyta ruwankichik, chay punchawpiqa amam pipas llamkanqachu.

Mateo 11:28

Haykam pisipasqakuna hinaspa ñakariqkuna ñoqaman hamuychik, ñoqapim samayta tarinkichik.

Mateo 3:3

Juanmantam profeta Isaías kaynata nirqa: “Huk runam purunpi kaynata qaparichkan: Señorpa ñanninta allichaychik, purinan ñanta kichaychik”, nispa.

Mateo 5:6

Mayna kusisqam Diospa allin arreglo ruwayninmanta yarqachikuqkunawan yakunayachikuqkunaqa, paykunaqa saksachisqam kanqaku.

Juan 1:23

Chaymi Juan nirqa: Ñoqaqa kani profeta Isaiaspa nisqanpi hina: “Señorpa hamunan ñanta derechaychik” nispa purunpi qayakuqmi, nispa.

Juan 14:6

Jesusñataqmi nirqa: Ñoqam kani ñan, cheqap kaqpas chaynataq kawsay qokuqpas. Taytaymanqa manam pipas chayanmanchu mana ñoqantakamaqa.

Juan 4:10

Chaymi payta Jesús nirqa: Sichum yachawaq Diospa kuyakuyninta chaynataq yaku mañakusuqniki pim kasqanta, hinaspaqa paytachá mañakuwaq, hinaptinqa kawsachikuq yakutam qoykusunkiman, nispa.

Juan 4:11

Hinaptinmi chay warmiñataq nirqa: Señor, manataq yaku hurqonaykipaqqa imaykipas kanchu, kay pozoqa ukusum kachkan. ¿Maymantataq chay kawsachikuq yakutaqa qowankiman?

Juan 4:14

Ñoqapa yaku qosqay tomaqmi ichaqa manaña haykapipas yakunayachikunqachu. Chay yaku qosqayqa runapim pukyu hina rikurirunqa, chay pukyum toqyamuspan wiñay kawsayta qonqa, nispa.

Juan 5:40

Chaywanpas wiñay kawsayniyuq kanaykichikpaqqa manam ñoqaman hamuyta munankichikchu.

Juan 6:35

Chaymi Jesusñataq nirqa: Ñoqam kani kawsay qokuq tanta, pipas ñoqaman hamuqqa manam hay-kapipas yarqachikunqachu, pipas ñoqa-pi iñiqqa manataqmi haykapipas yakuna-yachikunqachu.

Juan 6:37

Taytapa qowasqankunaqa llapallanmi ñoqaman hamunqa, ñoqaman hamuqtaqa manam qarqonichu.

Juan 6:55

Aychayqa cheqap mikuymi, yawarniypas cheqap tomaymi.

Juan 7:28

Chayraykum Jesusqa templopi yachachichkaspan qaparispan nirqa: Ñoqataqa reqsiwankichikmi, maylawmantam kasqaytapas yachankichikmi, ñoqaqa manam kikillaymantachu hamur-qani, mana reqsisqaykichik kachamuwaqniymi ichaqa cheqap.

1~Corintios 10:21

Señorpa copanmanta tomachkaspaqa manam demoniokunapa copanmantaqa tomawaqchikchu, nitaqmi Señorpa mikunanmanta mikuchkaspapas demoniokunapa mikunanmantaqa mikuwaqchikchu.

1~Corintios 10:4

Llapallankutaqmi huk rikchaq yakullata tomarqaku, chay yakuqa qaqamanta lloqsimuqmi karqa, chay qaqaqa paykunawan riq Cristom karqa.

1~Corintios 11:25

Cenayta tukuruspanñataqmi copata hapiykuspan nirqa: Kay copam yawarniywan ruwasqay musoq pacto, kayta sapa kuti tomaspam ñoqamanta yuyariwankichik, nispa.

1~Corintios 12:13

Llapallanchikmi judiopas, griegopas, esclavopas hinaspa librepas chulla Espiritullawan bautizasqa karqanchik, chaynapi huk cuerpollaña kananchikpaq, huk Espiritullatataqmi chaskirqanchikpas.

Efesios 5:18

Amayá vinowanqa sinkakuychikchu, chayqa viciokunamanmi apakun, aswanqa Chuya Espiritupa huntasqanyá kaychik.

Apocalipsis 21:6

Payqa niwarqataqmi: Ñam ruwasqaña. Ñoqam kani Qalla-riypas Tukupaypas, Ñawpaq kaqpas Qepa kaqpas. Pipas yakunayachikuqmanqa mana imallapaqmi pukyumanta kawsachikuq yakuta qosaq.

Apocalipsis 22:1

Huk angelmi chuyay-chuyay mayuta qawaykachiwarqa, chay mayuqa kawsay yakum kasqa. Chay yakuqa kasqa cristal hina chuyay-chuyaymi, chayqa lloqsimusqa Diospa hinaspa Corderopa trononmantam.

Apocalipsis 22:17

Chuya Espirituwan Corderopa novianmi kaynata ninku: ¡Hamuy! nispanku. Pipas uyariqqa nichun: ¡Hamuy! nispa. Pipas yakunayachikuqqa hamuspayá kawsachikuq yakuta mana imallapaq tomachun.