Juan 7:33 - CHUYA QELLQA La Biblia en Quechua de Ayacucho 2012

³³ Jesusñataqmi nirqa: Pisi tiempollañam qamkunawan kasaq, ñam kutikusaqña kachamuwaqniyman.

Quechua Ayacucho Bible 1987

³³ Jesusñataqmi nirqa: —Pisi tiempollañam kasaq qamkunawan, ñam kutikusaqña kachamuwaqniyman.

Chuya Qellqa 1992

³³ Jesusñataqmi nirqa: Pisi tiempollañam qamkunawan kasaq, ñam kutikusaqña kachamuwaqniyman.

Juan 7:33 Iomraidhean Croise

Marcos 16:19

Señor Jesusmi discipulonkunawan rimayta tukuruspan hanaq pachaman hoqarisqa karqa, hinaspanmi Diospa alleq lawninpi tiyaykurqa.

Juan 13:1

Pascua fiestapa ñawpaqnintaraqmi Jesusqa yacharqaña kay pachamanta Taytanpa kasqanman kutinanta. Kay pachapi paypa kaqkunatam kuyarqa, tukupaykamam kuyarqa.

Juan 13:3

Jesusqa yacharqam tukuy imatapas Taytan payman qoykusqanta, yacharqataqmi paymanta hamuspa payman kasqallan kutinantapas.

Juan 13:33

Churillaykuna, manam unayñachu qamkunawanqa kasaq, chaymi maskawankichik. Imaynam judiokunaman nisqayta hinallam qamkunatapas nikichik: Ñoqapa risqaytaqa qamkunaqa manam riyta atiwaqchikchu, nispa.

Juan 14:12

Cheqaptapunim nikichik, ñoqapi creeqqa ruwanqam ñoqapa ruwasqaykunata, payqa ñoqapa ruwasqaymantapas aswan hatun kaqkunataraqmi ruwanqa, chaynataqa ruwanqa Taytamanña risqayraykum.

Juan 14:19

Asllatawanqa kay pachapi runakunaqa manañam rikuwanqañachu, qamkunam ichaqa rikuwankichikraq, qamkunaqa kawsasqayraykum kawsankichik.

Juan 14:28

Ñam uyarirqankichikña: “Riruspaymi kasqallan kutimusaq qamkunawan kanaypaq nisqayta”. Cheqapta kuyawaspaykichikqa Taytaman risqaywanqa kusisqachá kawaqchik, ñoqamantaqa payqa mayormi.

Juan 16:10

Diospa kuyakuyninmantaqa reqsichinqa, Taytaman kutikuptiy manaña rikuwasqaykichikraykum,

Juan 16:28

Taytapa kasqanmantam kay pachaman hamurqani, kunanñataqmi kay pachata saqespay Taytayman kutisaq, nispa.

Juan 16:5

Kunanmi ichaqa kachamuwaqniypa kasqanman richkani. Ichaqa manam mayqannikichikpas tapuwankichikchu: “¿Maytataq richkanki?” nispaqa.

Juan 17:11

Manañam kay pachapiñachu kasaq, paykunam ichaqa kay pachapiraq kanqaku, ñoqam ichaqa hamuchkaniña qanwan kuska kanaypaq. Chuya Taytáy, qowasqaykikunataqa atiynikiwanyá waqaychaykuy chaynapi ñoqanchik hina huklla kanankupaq.

Juan 17:13

Kunanqa qampa kasqaykimanmi hamuchkaniña. Kay pachapiraqmi nichkani kaykunataqa ñoqapa kusikuyniywan huntasqa kanankupaq.

Juan 20:17

Jesusmi nirqa: Amaraq hapiwaychu, manaraqmi Taytaymanqa riniraqchu. Willamuyá wawqeykunaman, richkanim Taytaypata, qamkunapapas Taytaykichikpata, ñoqapa Diosniyman, qamkunapapas Diosnikichikman.

Juan 9:4

Punchawraq kachkaptinqa kachamuwaqniypa ruway-ninkunapim llamkanay, tutayaramuptinmi ichaqa manaña pipas llamkayta atinmanñachu.