Juan 7:28 - CHUYA QELLQA La Biblia en Quechua de Ayacucho 2012

²⁸ Chayraykum Jesusqa templopi yachachichkaspan qaparispan nirqa: Ñoqataqa reqsiwankichikmi, maylawmantam kasqaytapas yachankichikmi, ñoqaqa manam kikillaymantachu hamur-qani, mana reqsisqaykichik kachamuwaqniymi ichaqa cheqap.

Quechua Ayacucho Bible 1987

²⁸ Jesusmi templopi yachachichkaspan qayarikuq hina nirqa: —Ñoqataqa reqsiwankichikmi maylawmantam kasqaytapas, ñoqaqa manam kikillaymantachu hamurqani, ñoqataqa hukmi kachamuwan. Payqa cheqapmi, qamkunaqa manam reqsinkichikchu.

Chuya Qellqa 1992

²⁸ Chayraykum Jesusqa templopi yachachichkaspan qaparispan nirqa: Ñoqataqa reqsiwankichikmi, maylawmantam kasqaytapas yachankichikmi, ñoqaqa manam kikillaymantachu hamurqani, mana reqsisqaykichik kachamuwaqniymi ichaqa cheqap.

Juan 7:28 Iomraidhean Croise

Jeremías 31:34

Ñoqa Tayta Diosmi kaynata nini: Ñoqata reqsiwanankupaqqa, ayllupurapas, reqsinakuqpurapas, manañam yachachinakunqakuñachu; aswanqa llapallankuñam warmakunapas chaynataq yuyayniyuqkunapas reqsiwanqaku. Mana allinkuna ruwasqankuta pampachaspaymi huchankutapas manaña mastaqa yuyarisaqñachu, nispa.

Jeremías 9:6

Tayta Diosmi kaynata nin: Pantachinakuypa chawpinpim kawsakunku, engañakuq kasqankuraykum paykunaqa mana reqsiwayta munankuchu.

Oseas 4:1

Israelpa mirayninkuna, Tayta Diospa nisqanta uyariychik. Tayta Diosmi kay pachapi runakunapaq piñakun, cheqap kaqpas, llakipayakuypas, Diosta manchakuypas kay pachapiqa manañam kanñachu.

Oseas 5:4

Mana allin ruwasqaykichikmi Diosman kutirikunaykichikta harkarusunkichik, chuchumika hina kawsakuynikichikmi Tayta Diosta reqsikunaykichiktapas harkarusunkichik.

Mateo 11:27

Taytaymi tukuy imakunata qoykuwarqa. Churitaqa manam pipas allintaqa reqsinchu aswanqa Taytallanmi, Taytataqa manataqmi pipas reqsinchu aswanqa Churillanmi hinaspa Churinpa reqsichisqan kaqkunallam.

Mateo 2:23

Chayman chayaruspanmi Nazaret llaqtapi yacharqa. Chaynapi profetakunapa “Nazaret llaqtayuqwanmi sutichanqaku” nisqanku cumplikunanpaq.

Mateo 26:55

Chaymantam llapa runakunata Jesús tapurqa: ¿Suwata hina hapiwanaykichikpaqchu espadayuqkama chaynataq kaspiyuqkama hamurqankichik? Ñoqaqa sapa punchawmi templopi yachachispay qamkunawan karqani, ichaqa manam presochawarqankichikchu.

Lucas 10:22

Taytaymi tukuy imakunata qoykuwan. Pim Churi kasqantaqa manam pipas yachanchu, aswanqa Taytallanmi. Taytataqa manataqmi pipas reqsinchu aswanqa Churillanmi hinaspa munasqanman hina Churinpa reqsichisqan kaqkunallam, nispa.

Lucas 2:11

Salvaqnikichikmi “Davidpa Llaqtanpi” nacerapusunkichik, payqa Cristom hi-naspa Señormi.

Lucas 2:39

Señorpa kamachikuyninkunata cumpliruspankum, Galilea lawpi Naza-ret llaqtankuman kutikurqaku.

Lucas 2:4

Chaymi Davidpa mirayninmanta kaq Joseypas rirqa Galilea lawpi Nazaret llaqtamanta Judea lawpi Belén llaqtaman. Chay llaqtatam “Davidpa Llaqtan” nispa suticharqaku.

Lucas 2:51

Chaymantam Jesusqa taytama-manwan Nazaretman kutirqa, hi-naspam paykunata kasukuspan chay-pi yacharqa. Mamanñataqmi tukuy chaykunata sonqollanpi waqaychar-qa.

Juan 1:46

Chaymi Natanael nirqa: ¿Yaqachu Nazaret llaqtamanta ima allinpas lloqsiramunman? nispa. Hinaptinmi Felipeñataq nirqa: Hakuchik qawamunaykipaq, nispa.

Juan 10:36

Taytam sapaqchawaspan ñoqata kay pachaman kachamuwarqa, chaynaqa, ¿imaynataq ninkichik qamkunaqa: “Diostam kamichkan” nispaykichikqa, “Diospa Churinmi kani” nisqayraykuqa?

Juan 12:49

Ñoqaqa manam kikillaymantachu imatapas rimarqani, kachamuwaqniy Taytaymi kamachiwarqa imam rimanaytawan chaynataq imam yachachinaytapas.

Juan 14:10

¿Manachu creenki Taytaywanqa huklla kasqayta? Imatapas nikichikqa manam kikillaymantachu, ñoqawan kaq Taytam kikinpa ruwanantaqa ruwan.

Juan 14:31

Ichaqa hinam chayna kanan, chaymi runakuna yachanqa Tay-tapa kuyawasqanta, yachanqakutaqmi ñoqaqa paypa kamachiwasqan ruwas-qaytapas. Hatariychik, kaymanta hakuchik.

Juan 16:3

Kaykunataqa ruwanqaku Taytatawan ñoqata mana reqsiwasqankuraykum.

Juan 17:25

Chuya Taytáy, kay pachapi kaq runakunaqa manam reqsisunkichu, ñoqam ichaqa reqsiki, qowasqayki runakunapas yachantaqmi qam kachamuwasqaykitaqa.

Juan 17:3

Wiñay kawsayqa kaymi: Sapallan cheqap Dios kasqaykita hinaspa kachamusqayki Jesucristota reqsiymi.

Juan 3:2

Paymi tutallan hamuspan Jesusta nirqa: Yachachikuq, yachanikum yachachiwanaykikupaq Dios kachamususqaykita, milagrokunataqa manam pipas qam hinaqa ruwayta atinmanchu, sichum mana paywan Dios kaptinqa, nispa.

Juan 3:33

Pipas willakusqanta chaskiqmi ichaqa Diospa rimasqanqa cheqap kasqanta willakun.

Juan 5:32

Ñoqamantaqa hukmi willakun, yachanim paypa willakuyninqa cheqap kasqanta.

Juan 5:43

Ñoqaqa Taytaypa sutinpim hamurqani, qamkunam ichaqa mana chaskiwarqankichikchu, sichum pipas kikinpa sutinpi hamuptinmi ichaqa chaskiwaqchik.

Juan 6:42

¿Manachum kay Jesusqa Joseypa churin? Tayta-mamantapas reqsinchikmi, ¿imaynamá hanaq pachamantam uraykamurqani nichkanqa? nispanku.

Juan 7:14

Chawpi fiesta kachkaptinñam temploman Jesús yaykuspan yachachiyta qallaykurqa.

Juan 8:14

Jesusñataqmi nirqa: Kikiypa allinllayta rimaptiypas nisqaykunaqa cheqapmi, ñoqaqa yachanim maymantam hamusqaytapas chaynataq maymanmi risqaytapas; qamkunam ichaqa maymantam hamusqaytapas nitaq maymanmi risqaytapas mana yachankichikchu.

Juan 8:16

Juzgaspayqa cheqapman hinam juzgani, ñoqaqa manam sapallaychu juzgani aswanqa kachamuwaqniy Taytaypiwanmi.

Juan 8:19

Hinaptinmi fariseokuna nirqaku: ¿Maypitaq kachkan taytaykiqa? nispanku. Chaymi Jesusñataq nirqa: Qamkunaqa manam reqsiwankichikchu, nitaqmi Taytaytapas reqsinkichikchu; ñoqata reqsiwaspaykichikqa Taytaytapas reqsiwaqchikmi, nispa.

Juan 8:26

Achkam qamkunamanta ninay kachkan chaynataq juzganaypas. Kacha-muwaqniymi ichaqa cheqap, chaymi paymanta uyarisqayta runakunaman willani, nispa.

Juan 8:42

Jesusñataqmi nirqa: Sichum Dios kanman taytaykichik hinaptinqa kuyawankichikmanchá. Ño-qaqa Diosmanta hamuspaymi kaypi kachkani, manam kikillaymantachu hamurqani aswanqa Diosmi kachamu-warqa.

Juan 9:29

Ñoqaykuqa yachanikum Moisesta Dios rimapayasqanta. Kay runamantam ichaqa maymantam lloqsimusqantapas mana yachanikuchu, nispanku.

Hechos 17:23

Kunanmi hamuchkaspay dioskuna yupaychanaykichik sitionkuna qawamusqaypi huk altarta rikuramuni, chay altarpim kayna qellqasqa kasqa: “Mana reqsisqa Diospa Altarnin” niq. Chay mana reqsistin yupaychasqaykichik Diosmanta willanaypaqmi hamuni.

Romanos 1:28

Diosta mana kaqpaq hina hapisqankuraykum, Diospas mana allinkuna yuyaymanaymanña saqeykun, chaynapi mana ruwana kaqkunataña ruwanankupaq.

Romanos 3:4

Manam, llapallan runakunaña llulla kachkaptinkupas aswanraqmi Diosqa cheqap kaqwan imatapas ruwan. Chuya Qellqapim kaynata nin: “Cheqap rimaq kasqaykitam reqsichikunki, chaynapim juzgasqa kaspaykipas vencenkipuni”, nispa.

2~Corintios 1:18

Diosqa sumaqtam yachan qamkunaman imam kaq nisqaykutaqa.

2~Corintios 4:6

Tutayaypi kancharinanpaq kamachiq Diosllam sonqonchiktapas achkiyninwan kancharichirqa, chaynapi Jesucristopa uyanpi kanchariq Diospa achkiyninta reqsichinanchikpaq.

Tito 1:2

chaynapi wiñay kawsayta confianzawanña suyanankupaq. Chaytaqa manaraq kay pacha unanchasqa kachkaptinraqmi mana llullakuq Dios prometekurqaña,

Hebreos 6:18

Kay iskay rimasqankunaqa manam imaraykupas tikrakunmanchu, manataqmi Diospas llullakunmanchu, haykam Diosman hapipakuqkunaqa kallpanchakuytawan waqaychakuynintam chaskinchik, hinaspam confianza qowasqanchikman hapipakunchik.

1~Juan 5:10

Pipas Diospa Churinman iñiqqa chay nisqantam tukuy sonqonwan chaskin. Pipas Diospa nisqanta mana creeqmi ichaqa Diosta llullapaq hapichkan.

1~Samuel 2:12

Eliypa churinkunam karqaku mana allin ruwaqkuna. Paykunaqa manam Diosta manchakurqakuchu,