Juan 7:27 - CHUYA QELLQA La Biblia en Quechua de Ayacucho 2012

²⁷ Ñoqanchikmi ichaqa yachanchik maylaw runam kasqantapas, Cristo hamuptinmi ichaqa maymantam kasqantapas mana yachasunchu, nispanku.

Quechua Ayacucho Bible 1987

²⁷ Ñoqanchikmi ichaqa yachanchik maylaw runam kasqantapas, Cristo hamuptinmi ichaqa maymanta hamusqantapas mana yachasunchikchu.

Chuya Qellqa 1992

²⁷ Ñoqanchikmi ichaqa yachanchik maylaw runam kasqantapas, Cristo hamuptinmi ichaqa maymantam kasqantapas mana yachasunchu, nispanku.

Juan 7:27 Iomraidhean Croise

Isaías 11:1

Isaipa takarpunmantam huk kaspi ikllimunqa, sapinmantam ikllipan wiñamunqa.

Isaías 53:8

Yanqamanta tumpaspam sentenciarqaku, manam pipas nanachikurqachu, paymantaqa manam pipas llakikurqachu. Kay pachamantam chinkarachirqaku, llaqtaypa huchanmantam wañurachirqaku.

Jeremías 23:5

Tayta Diosmi kaynata nin: Chayamunqam punchaw rey Davidpa mirayninmanta huk reyta hatarichinaypaq, payqa allin ruwaqmi kanqa, yachaywanmi nacionpipas munaychakunqa, allin arregloman hinam munaychakunqa, allin ruwaykunawanmi munaychakunqa.

Jeremías 30:21

Ñoqa Tayta Diosmi kaynata nini: Paykunamantam kamachiqninku lloqsinqa, paykuna ukumantam reyninku lloqsinqa, payqa ñoqaman asuykachiptiymi qayllaypi kanqa. ¿Pitaq kikillanmanta ñoqaman asuykamuwanman?

Miqueas 5:2

Belén Efrata, Judá ayllukunamanta taksallan llaqta, qanmantam Israelpi munaychakuq hatarinqa, payqa paqarimurqa ñawpaqmantaraqmi, tukuy imapa qallariyninmantapacham.

Marcos 6:3

¿Manachum kay runaqa Mariapa wawan carpintero? ¿Manachum wawqenkunapas Jacobowan, José, Judas hinaspa Simón? ¿Manachum paninkunapas ñoqanchikwan kachkanku? nispanku. Chaynata nispankum Jesusta mana kaqpaqpas hapirqakuchu.

Lucas 4:22

Jesusmanta allinta rimaspankum sumaqllaña yachachikuyninkunata uyarispanku admirasqallaña karqaku, hinaspam ninakurqaku: ¿Payqa manachum Joseypa churin? nispanku.

Juan 6:42

¿Manachum kay Jesusqa Joseypa churin? Tayta-mamantapas reqsinchikmi, ¿imaynamá hanaq pachamantam uraykamurqani nichkanqa? nispanku.

Juan 7:15

Chaymi judiokuna admirakuspa nirqaku: ¿Imaynataq kay runaqa tukuy imata yachan mana estudiachkaspaqa? nispanku.

Juan 9:29

Ñoqaykuqa yachanikum Moisesta Dios rimapayasqanta. Kay runamantam ichaqa maymantam lloqsimusqantapas mana yachanikuchu, nispanku.

Hechos 8:33

Yanqamanta cargochaspam sentenciarqaku, chaywanpas miraynintaqa, ¿pitaq yupayta atinman? kay pachamantam kawsayninta chinkarachirqaku”, nispa.